HAKHOKHMA Post Post New Entry

KAN LO THLENG LEH TA SHAVUOT

Posted by hakhokhma on December 9, 2010 at 10:55 AM

     Shavuot kut-ah hian chutiang tak a han tih tur Mitzva a awm teh lua lo, mahse; a mah Shavuot hi a ropui tawk em em a ni. Kut pui pathumte kan neih zingah hian thil buaithlak awm lo ber mai kut a ni awm e! Engvanga he titeh tak a he Kut popui tak mai a tan hian in buaisaih teh vak a ngaih loh chu aw tih hi. Aw le! Tiang hian lo sawi fiah dawn ta ila:- Shavuot chu Chungkhuanun Torah min pekna kut/ni a ni tih kan hre theuh a: Han ngaihtuah chiang mah teh “MATAN TORAH”; Lei leh Vante Siamtu, Lal ropuiber mai chuan thil min pe dawn or min rawn sem dawn a; ti chuan kei ni hi a dawngtu tur chu kan lo ni, a duh a piangin a dawn theih a; neih ro-sum leh thiamna hmel that lam ni lo vin, a dawnna tur or dawng tlak ni tur a hmanrua or hmun lo neih chauh chu Israel mipui zawng zawngten kan tih tur chu a ni mai ni in a lang: Kan tih tur tul ber mai chu, A thil pek dawng tlak ni turin in buatsaih chauh a ni; kan neih sum leh pai lo sen a ngai lo va, chu mi ni atan chuan ruai ropui lo theh tur a in sen so teh pawh chu min petu tur chuan min phut awm thu kan hmu lem law.

 

    Hemi ni hian Chatuan Nunna tui chu a lo sur leh dawn a, engang khawpa bel lian pawh nei mahla or nei mahse; ka unaupa/nu chuan ka chan ai or I chan ai kan/a/an a kiam hauh lovang le: Mitin hian kan thinlung chhia leh tha kan hriatna thlarau alo inbuatsaih ang zelin kan dawng dawn a lo ni zawk. Van ruahtui lo sur hi mitinte lu chunga a tla ang hian hemi ni hian mi zawng zawng mamawh phuhru thei tur a rawn sur dawn a ni zawk a; mahse, dawn thleng awm lo chuan, khawl or lo in mai a harsa ang. Tu chan aimah hi tumahin an chhuhsak a rinawm loh a ni.

 

Mi chuan Shavuot Kût leh Shabbath a inzawm dawn avangin fimkhur taka inbuatsaih lawk diam tur a ni :

 

a) Plata Shabbath a hman tur dah lawk.

 

b) Eruv Tavshilin; atul chuan.

 

c) Ner neshama.

 

d) Shabbath mei chhit tur buatsaih lawk diam ni thei se, duhthusama ni bawk ang, etc.

 

Shavuot a tih turte : “Vawiin hi vawi sawmli leh pakuana- kar sarihna an ni a Omer chhiar atangin” tih kan sawi zawh ve leh Shavuot kût chu a lo thlengta thin a. Tihdan phungte (Nohagim)

 

1. Community thenkhat chuan thinghnah mawite in Biakin chhung leh dawhsante an cheimawi thin; Mahse he tih danphung hi ‘Gaon Vilna’ chuan a kalh tlat thung. Tin, mi thenkhatte chu Mikveh-ah an kal bawk thin.

 

2. Bawng hnute lam thilte an ei tam thin.

 

3. Hmeichhiain kût mei a chhitin, She-hekhaiyanu a sawi ang.

 

4. Arvit hi thenkhat chuan, arsi lan hmain, ‘Palag Ha-minkha’ ah an tan bawk thin.

 

5. “Tin, Mosian Israel-a fate hnenah chuan, HASHEM kût ruatte chu a puanga”, tih chu Arvit Amida tawngtai dawn a sawi a ni.

6. ‘Yale v’yavo’ sawi a ni bawk. Hallel pum sawi a ni a.

 

7. Kiddush-ah chuan Hagafen, Aser bakhar banu mi-kol am leh She-hekhaiyanu Brakha-te sawi a ni.

 

8. Thahnemngai taka zan tlaivar a Torah zir thin a ni, etc.

 

 

Source - Source : Shavei Bulltein June, 2006/Sivan 5766 - Vol 1 - No. 73 by Ezra Chhakchhuak

***Shavuot Kut - click here


Categories: Judaism, Khagim, Kut ni te

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments