HAKHOKHMA Post Post New Entry

Khanuka awmze thuk

Posted by Moshe Ilan on December 2, 2010 at 8:10 PM

   Khanuka chu Eng kut (Khag Urim) tih a ni a, a hming Khanuka hi (חנוכה )Khanu=Luah tharna, כה=25, ani a, chumi awmzia chu Kislev thla ni 25 naah Beit Hamikdash chu an luah thar tihna alo nita a ni, Torah bu kan keu chuan a tir Bereshit atanga a thumal zat kan chhiar chuan a 25 naah chiah "Eng" (אור ) tih inziak kan hmu leh bawk a, hei hian Torah atangin he Eng kut lo awm tur hi Remez hmangin alo hrilh lawk tawh a ni.

 

    Khanuka thawnthu a a changtupa ber chu Yehuda Makabi ani a, milem buah te chuan amah hi sipai huaisen tak hmel pu leh chak tak hmel puin ziah thin ani a, amaherawhchu, amah hi tunge tih kan chhui chian chuan, Kohen Gadol fapa ani a, nitina Yeshiva a Torah zir thin a niin, ama nihna zia phung erawh chu mi chak leh sipai huaisen ang alo ni hauh lo mai a, Khanuka thawnthu hi ngunthluk deuhva kan zir chuan, khatih hunlai khan Greek (Yavan) Lal Antiokus khan engtin nge Juda te kha a tihduhdah? Kan tih chuan, Hamana te, Hitlera te angin Juda te kha tihnat leh tih chimih a tum ve lem lova, amaherawhchu, kan Sakhua na Yehadut kha tihchhiat sak a, Greek mi anga Juda te kha leh atum a ni.

 

     Hei hi achhanchu, Greek ho chuan an naute te an piantirh hian, naute piang chu an endik a, a lo len hnuah mifing tur hmel a pu nge? Mi chak tur? Tih an en hnuah, chutiang tur chi anih loh chuan, chu naute piang chu khamah an paih mai thin a, chuvangin, hmanlai Greek hnam chu hnam fing leh huaisen an lo ni thin reng ani, heng Greek ho hian he thil 2 huaisenna/hriselna leh finna hi nih kawp theih thil anih an ring ngai lova, chuvangin mifing ni turin ramhnuaiah taksa ti hrehawmin hun rei tak te finna zirin an awm hrang thin a, tin, mi chak leh hrisel turte tan an infiamna hmun tur Stadium leh Teatron te an siam thin a, Amaherawhchu, Antiokus-a chuan Israel a rawn awp meuh chuan hnam chikhat heng finna leh hriselna tura taksa vawng Juda hnam te chu a rawn hmelhriat ta a, Juda te chuan phur tak leh thatho taka P-thian rawng kan bawl theih nan kan taksa chu kan vawng fimkhurin kan uluk tur ani, tih chu kan Torah leh Sakhuana in min zirtir na chauh avanga hetia Thlarau lam thil (finna) leh Hrisel nana taksa sawizawi thin kan nih kawp theihna kan Thlarau (Sakhuana) chu, an (Greek) dan kalh alo nih avang chuan, chu kan Sakhua na Yehadut chu min tihchhiat saka min theihnghilh luih tira, Greek hnam dan anga a khawimaw zawk zawk chauh kawnga kal turin Juda te chu tihluihna hmangin a lo bei ta ani.

 

     Tichuan, Juda te chu an lo inti Greek (Mityavnim) ta hle mai a, Sport te buatsaihin P-thian thu Torah zir lam aiin infiamna leh inkhelhna hrang hrangte chu an lo chingin an lo ngaisang ve ta hle mai a, Torah zirna in Beit Hamidrash lam aite chuan Greek dan zirna hmun Itstadion (Stadium) te chu an lo ngaina ta hle mai a, chu chu Yehuda chuan ahan hmuh chuan ekhai… Min Siamtu Lalpa P-thian nena kan inkar thuthlung inzawmna Sakhuana 'Yehadut' chu a bo titih anih tak mai hi, tiin, a unaute chu sawm phurin, hawh u.. kan unau Yehudim ten Greek Pathian an biak tak saw… Kan P-thian ang hi Pathian dangte an awm em ni? Tirawh u, harhchhuakin i bei let ang u khai.. tiin a unaute chu a cho phur ta a, chuta a unaute a cho chhuahna thu chu a lamtawi (Rashei Teivot)in an Sisma leh hmingah an lo hmang ta a, chu chu מכבי (Makabi) "מי כמוך באלים יי" (Mi Kamokha Baelim Hashem) tih chu a lo nita a ni.

 

    He thu atang hian keini Benei Menashe te hian thil zirchhuah theih kan neiin ka hria a, kan Khakhamim tam takte pawh Torah mai bakah Khawvel finna lama mi sang tak takte pawh an awm nual a, chutiangin, Rambam te pawh doctor thiam em em ani a, amaherawhchu, chu a kawvel finna thiam thil erawh chu a tha zawng leh P-thian thu lamah a let thiam em em a, a zarah P-thian thu mil si a, taksa hriselna lam Halakhot tam takte kan zir theih phah a, chutiang chiah chuan, Benei Menashe te hi kan la thang chho zel anga, Torah lam mai nilo khawvel finna lam thiam thil te pawh kan la zirin Certificate hrang hrangte pawh kan la hum hlawm anga, amaherawchu, khang kan thiam thilte kha kan Thlarau thinlung zawng zawng pek nana kan hman vaih chuan Greek ho Pathian kan lo be ve reng tihna alo ni dawn ani, hei chiah hi ani a, Greek Lal Antiokus-a duhthusam chu, he thu hi hrethiam lovin, Juda mipui tam takte chuan, Khanuka laia Yehuda te unauin thupui atana an hman MAKABI chu Greek hnam ho thil show na hmun Stadium chhunga P-thian leh a fa , a hnam thlante inkara "Ot"  (Chhinchhiahna) 'Shabat ni' chu bawh chhiat na huna hmangin hming chi hrang hrang, hetiangin; 'Makabi Tel-Aviv, Makabi Khaifa… ' te intiin, kan Siamtu Lalpa P-thian tih thinrim nan, a chawlh ni thianghlimah te chuan football te khelin a dan leh thupekte kan lo bawhchhiat khum ta thin a ni.

 

    Hei vang hian alawm Israel Lal Shlomo pawhin "Khanokh lenaar alpi darko" (Tlawirawl chu a kawng (P-thian kawng) tur awm zirtir rawh..) alo tih ni. Chuvangin, Tleirawl leh thalaite chu P-thian kawng kawhhmuh lova, nakina P-thian thu anla ngaihthah theihna tur thil khing a chunga entirna kan pek ang football tih velte khi entirnanah an hna pui ber tur atan an Miktsoa nitura i lo zirtir anih a, nakina Shabat niah te Greek tawng ngata phuah Stadium ahte an lola inkhelh phah ve mai zawngin, Greek ho Pathian biak tirtu ilo ni tihna alo ni dawn ani. amaherawchu, P-thian rawngbawl nana taksa hriselna tur lam zawnga kan tih a kan hlawhtlin bawk chuan, thil tha takah kan chan thei bawk.

 

       Chuvangin, naupang leh Thalai nun kawng zir lai Khinukh pe a, zirtirna kan pek hian, thil hi chhut zau ava han ngai tehlul em.

 

                                     Khag Urim Sameakh.

Categories: Judaism, Khagim, Kut ni te

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments