HAKHOKHMA Post Post New Entry

Shmirat Haguf (Taksa venhimna)

Posted by hakhokhma on October 28, 2010 at 10:10 PM

  Dvarim (4:15) 'in nunna atan invenghim tha hle rawh u' tih ziak kan hmuh ang hian, kan taksa hi he leia Lalpa P-thian duh danin kan venhim hi a pawimawh hle a, chuti lo chuan kan lo chak lovin, kan lo dam lo thei a, P-thian duh danin a dan leh thupek te kan lo zawm thei lo phah thei a ni.


    Mei pawh hi a sain a tha a, a tawk chauhva kan chhem chuan eitur chhum nan te kan hmang thei a, a sa lutuka kan chhem chuan kan eitur siamte chu a kang phah theiin, a sa lo lutuka kan chhem lahin a lo thi palh theiin kan eitur siamte chu an hmin zo dawn lova, chutiang ang deuh chuan, kan taksa hi P-thian chuan lumna kan mamawh tawk chauh min pein chu lumna chu a tawk chauh a a awm reng theih nan kan chhawm nun reng a ngai a, chu lumna tawk chauh chu kan thil ei hmangin kan chhawm nung thei a, thil thalo kan ei chuan kan taksa lumna chu kan tidai theiin kan damloh phah thei a, chutiang chiah chuan, thil tha pawh nise, kan ei nasat lutuk chuan kan chhiat phah theiin natna eng eng emawah leh thatchhiatnaah min thlen thei a, chuvangin, mihringa natna thleng tam zawk te hi kan thil ei vang hi a ni a, chuvangin thil kan ei hian kan fimkhur hle tur aniin, kan taksa mamawh dan a kan ei thiam hi a ngai a, kan thil ei chu chilin chiah nalin kan lem thei a, tichuan pumpui a thlen hunah mit atanga acid insiam chuan alo chiah tawih velehin tichuan rilah a lo thawn chhawng veleh thin a, hetiang hian kan thu nilovin, Lalpa min siam angin an mahniin hna an lo thawk veleh zel a lo ni a.


    Hei vang hian chaw kan ei hian, ei zawhah chawlh hahdam tur a nia, taksa tihchet vak te leh, mut leh chaw ei puar lutuk te khan, kan pumpuiah chiah zawp hman lovin ril lamah a thawn palh thei a, chuchuan Lalpa min siam dan ang kan kawchhung hnathawk lai kan tibuai tihna niin, a hremna kan tawn phah thin.


    Chuvangin, darkar hnih vel tal kan taksa chu chawlh hahdam tir tur a ni a, hna kan thawh zui a ngaih pawhin, kan taksa a Lalpa duh dana mihring te kawchhunga Automatic a hnathawk ve an awm chu hriain kan fimkhur pui hle tur ani.


    Kan ei leh inte chu kan kawchhung hian an mahni mil theuhin an nih tur ang angin hna a lo thawhpui thin a, amaherawhchu, mei pawh a tawk chauhva chhem tur anih angin kan taksa pawh chuan eitur tha tawk chauh, puar tawk chauhva kan ei chu kan taksa tan a tha tawk chuahva.


   Lal Shlomo chuan 'a ka veng tha chuan a lei chu a nunna buai lo turin a veng tha' alo tih a ngin, kan ka a kan thunluh tur chu kan lei it zawng pawh nise kan fimkhurin kan vengtha hle tur a ni a, chuti lo chuan, kei mahnin Lalpa duh dan leh min siam dan phung chu kan tichhe thei a, chuvangin kan taksa a hrisel loh chuan, he lei hi nuam kan ti lovin Mitsvah kan tih turte kan tih theih loh phah anga, chutia Mitsvah kan tih loh phei leh, Lalpa duhdana min siamdan phung kan tihchhiat chuan, he lei atana hremna mai nilovin, kan thih hnu piah ramah pawh hremna mai lo chuan min nghak lo tih hi hriat atha .


    He thu chungchangah hian Halakha tam tak a awm a, amaerawhchu, tun tumah hian kan zir zo vek seng dawn lova, engpawh nise, atha berah chuan, a uchuaka chet hi a pawiin chuchuan rah chhia a thlen thin tih hi hriat a tha. Hetiang tehhrep hi a lo nih avang hian, dam tak leh hrisel leh nunga min vawng tu kan thil eite hi kan ei dawn leh, kan Ei zawh te hian, a thatna leh anih dan tura hna lo thawh tirtu Lalpa P-thian hnenah lawmthu hi hmaih lova kan sawi hi a ngai tak zet zet ani.

Categories: Kashrut, Halakhot, Juda dan

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments