HAKHOKHMA Post Post New Entry

Sukot Khol Hamoed chungchang tlem

Posted by Moshe Ilan on September 24, 2010 at 2:25 AM

    Khol Hamoed Sukot

    Sukot kut ni zawh zan a Havdala kan hman hun atangin Khol HaMoed Sukot chu a intan a, Masekhet Avot ah Rabi Eliezer Hamodai chuan, 'Khol Hamoed zah lo tu leh hmang nawmnah tu chu Torah thiam leh thil tha tam tak titu pawh nise Khawvel lo la awm tur (olam haba) ah chanvo anei lo vang,' tiin, a lo sawi a, heng ni (khol hamoed) hi ni pangai ang a hnathawh phal ni mahse, chung hna thawh theih chite chu Kut ni atana thil pawimawh chauh te leh, Sum lama tlakchhiat phah lohna tur hna ang chi chauhte chu thawh thiang an ni a. chuti a nih avangin heng ni te hi kut ni tenau anga hman tur niin, kan thawmhnaw hakah te, kan chaw ei chungchangah te, ni pangai ang lovin tlema zahna lan chhuah tir tur ani a, hei hi "Ve Samakhta Bekhagekha" tih atanga zir chhuah a ni.

      Beit Hamikdash awm lai chuan heng nite hian hmun thianghlim tlawhin hmun tin atangin Jerusalemah an kal khawm thin a, tunlai thleng pawh hian Beit Hamikdash awm tawh rih lo mahse, a hriatrengnan hmun tin atangin Jerusalem ah kalin 'Kotel' te chu an tlawh thin a ni.

 

       Hakhel:

   Beit Hamikdash awm lai chuan Mitsvah pakhat kum 7 chhung a vawi khat an tih thin a awm a, chu

chu "Mitsvat Hakhel" ani a, a mizo tawng chuan 'Mipui kohkhawmna thupek' tihna ang ani a, hetah hian 'Mitsvat Aliat Haregel' a hmeichhia te an kal ve ngai loh ang lo takin, Israel mipui tinreng Hmeichhia te leh Naupang te thlengin an in hawrkhawm thin a, chutah chuan Lal chuan 'Mishne Torah' (Dvarim) bu chu mipui pungkhawm te beng hriatah a chhiar chhuak thin a, hei hi 'Shmita' kum chhiar a a kum khatna, Shmita kum zawh chiah ah Sukot kut niin an nei thin a ni.

    Tun lai chuan Khol Hamoed lai hian zing tawngtainaah 'Tefilin' chu zem ani ngai lova, tin, 'Amida' leh 'Birkat Hamazon' ah 'Yale Veyavo' chhiar tel thin a ni a, tin, Shakharit ah 'Halel' pum chhiar thin a ni a, tin, 'Hoshanot' neih thin ani bawk a, Hoshanot neih lai hian 'Hakafa' tiin Torah chhiar na lai dawhsan chu hel kual thin ani a, hei hi he kut laia lusun te leh nu leh pa thla 12 sun lai ten an hel ve ngai lo a, tin, Shakharit ah chuan 'Tfilat Musaf' Shalosh Regalim ta neih thin ani bawk ani.

      Nisukh Hamaim:

    Masekhet Rosh Hashana ah ,'he Sukot hun lai hian tunkum lo awm tur a ruah tui tam dan tur chungchang thu rel chu tihthluk ani,' tiin a inziak a, chuvangin he Sukot hun lai hian Ruahtui that kum alo nih theih nan Jerusalem kiang a 'Shiluakh' tui chu lain 'Mizbeakh' ah leih thin ani a ,

"Lalpa P-thian chuan ami Israel te hnenah, in lova thlaite ruahtui hmanga mal ka sawm theih nan, Kut niah chuan ka hmaah tui leih baw rawh u," tih ziak ang khan.

Masekhet Suka ah chuan he tui an lak dan chungchang kimchang hi a inziak a, eng tiangin nge Shiluakh dil atanga 'Har Habait' hmuna tui an lak luhna Ceremony chu an hman dan tih vel, mipui tam takte chuan rimawi nen awiin hlim takin hun an lo hmang thin a, he Ceremony hi a hmingah 'Simkhat Beit Hashoeva' an lo ti a, kan Khakhamim te chuan 'Simkhat Beit Hashoeva hmu lo chu, a dam chhung ni hian hlimna ala hmu ve lo ani' an lo ti hial reng a ni.

     He 'Simkhat Beit Hashoeva' hriatrengna hi tunlai thleng pawhin la hmang thinin, hmun hrang hrangah te chuan Sukot Khol Hamoed lai hian Party (Mesiba) ropui tak tak an la hmang thin a, tun kum pawh hian Kiriat Arba hmuna Makhpela pukah zaithiam hrang hrangte lo kal khawmin Yom Rishon leh Sheni (26/27) khian nilengin hlimna kut pui hman ani dawn ani.

           Hoshana Raba:

Hei hi Khol Hamoed Sukot ni hnuhnung ber ani a, tin hemi ni hi Sukah chhunga thut tawpna ni leh Arbat Minim vei tawpna ni ani bawk a, Temple hun lai chuan hemi ni hi 'Nisukh Hamaim' tawpna ni a ni bawk a ni.

      Tin, (he ni hi Lalpa P-thian hnena Lehkha thawn hawn ni ani tih ani bawk a, chumi zul zui chuan hemi ni hian Juda leh Juda te chu Lehkha te inthawnna an nei thinin a chhungah thu tha engmaw tak inngaihdamna thu emaw te ziakin an inthawn thin bawk) he ni hi Rosh Hashana leh Yom Kipur ni a ngaihdam la ni ve lo te tan ngaihdamna ni ani bawk a, achhanchu, Avrahama hnenah Lalpa P-thian chuan kei hi pakhat ka ni a, nangpawh ka pakhatna ang min tawmpui tu pakhat i nihna avangin i fate tan an sualna laka ngaihdamna ni khat ka siam sak ang ati a, chu chu he ni hi ani a, Avrahama kha khawvel siam tirh atanga chhuan 20 a piang niin chhuan 21 a Lalpa P-thian zawng chhuak tu anih angin, kum thar ni 21 na (Tishrei 21) ah he ni Hoshana Raba hi a lo tla chiah a, chu chu 'Yamim Noraim' mai bak a Sual ngaihdam na ni 'Yom Kaparat Avonot' atan hman a lo nita a, hemi ni dawn zan hian tleivara Torah zirna hun hman thin a ni a, tin, 'Tikun Leil Hoshana Raba' te, Dvarim bute, Tehilim bute chhiar zawh thin ani bawk.

    Hemi ni hi dangdai deuh hlekin inkhawmnate pawh hman thin a ni a, tin, Hoshanot-ah pawh Bima chu vawi 7 hel chhuah thin ani bawk ani.

            Khibut Haarava:

    Vawi 7 Hoshanot ti a hel zawh anihin Arava kuang 5 te chu kuta keng khawmin thu chham tur awm chu chham chungin chhuatah vawi 5 vuak thin a ni a, hei hi zawlnei 3 te Khagai-a, Zkharia leh Malakhi-a te dan siam chhuah ani a, Arava hian a entirnaah tuina leh rim nei lo mahse, a hnah pianphungah hmui anna a nei a, chu chu kan zingah hian Torah leh P-thian thu zir lova I dan thute hre lo te pawh an awma, mahse, tunah hian, an Torah zir theihna an ka te chu hreawm tuar an ngam ani, chuvangin ngaidamin thiam chantir ang che tih entir nan vawi 5 chhuatah an vaw thin ani.

Categories: Judaism, Halakhot, Juda dan

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments