HAKHOKHMA Post Post New Entry

Rosh Hashana (Judate Kum Thar)

Posted by Moshe Ilan on September 2, 2010 at 7:45 PM

ראש השנה

   Rosh Hashana thlen dawn ni Erev Khag chuan chawhma lamin Kut lo thleng tura inpuahchahna chu zawh fel hram atha a, hei hi kan chunga Rorelna ni lo thleng tur chu rilru fim taka kan lo hmuah theih nan kan ngaihtuahna te chu dah ruaka 'Khesbon Nefesh' inngaihtuah chianna neia rilru siam zawk nana hun thawl kan neih theih nan ani a, hemi ni hian Tsedaka pek chu uar thin ani a, tin, Tsadikim te thlana kala tawngtai thin niin, an lak atanga an thatna 'Zkhut' chu tlem tal kan dawn phah theih nan leh chumi hmang chuan kan chunga rorel pawh chu a that zawk theih nan a tih a ni a, hemi Erev Khag hian Minkha tawngtaina chu uluk leh fimkhur em em bika tawngtai theuh tur a ni a, hei hi tunkum chhunga ka Tefila (tawngtaina) hnuhnung ber tawh tur, tun kum chhunga ka tawngtai kharna tur anih avangin a ni. Tin, hemi ni zing Shakharit zawh chuan 'Hatarat Nedarim' tih thin ani a, hei hi tun kum chhunga Torah dan kalh zawng emaw a, ka thil lo sawi sual tawh te leh, ka ka atanga intiamkamna thil ka lo sawi chhuah palh ka hlen leh si lohte tihsutna ani a, hei hi Beit din angin Juda mipa 3 hmaah sawi thin ani a, hei hi Rosh Hashana 'Makhzor' buah atihdan hi a awm ani.


    Tin, tlaiah chuan chhungkaw nu berin Kut mei chu chhiin kut a lawmlut anga, hetah hian Brakhot 2 a sawi angai a, a hmasa zawk chu ,mei chhit Brakha ani a, chu chu.. 'Barukh ata Ad-nai Elo-einu Melekh Haolam, asher kideshanu bemitsvotav vetsivanu lehadlik ner shel yom tov', ani a, tin, a pakhat zawk chu hun thara kan chuankaina lo lawmluh nan thil thar neih Brakha chu a sawi leh tur ani a, chu chu,  'Barukh ata Ad-nai Elo-einu melekh haolam, shehekheyanu vekimanu vehigiyanu lazman haze,' tih chu a sawi ve leh tur ani. he Brakha hi chhungkaw pa ber emaw, Kidush hmang tu chuan Kidush naah a sawi veleh bawk tur ani.


     Rosh Hashana tlai Kidush chu Bracha pathum hmangin hman thin a ni a, chungte chu 1.Hagefen, 2.Asher Bakhar banu mikol am.. , 3.Shehekheyanu.., te an ni a, tin, Kidush naah hian Rosh Hashana chaw eina dawhkan bika chhawp chi thil chi hrang hrang chhawp thin ani a, hengte hi ei dawnah Brakha sawi hmain thu chham thin 'Yehi Ratson…' sawi hmasak thin bawk ani. tin, Kut dang leh Shabat ang lovin Rosh Hashana Kidush na a Chhang chu Chi a chiah ve lovin Khawizu ah chiah thin a ni.


    Rosh Hashana chu 'Yom Trua ihie lakhem' tih a nih angin, Beram pa ki 'Shofar' chu ham thin ani a, hemi ni hian vawi tam tak ham ani a, hemi Shofar ham rik ngaihthlak hi Mitsvah anih avangin damlo leh engemaw vanga Beit Kneset a kal thei lo te tan pawh an awmna hmunah ham rik sak thin a ni.


    Rosh Hashana chu Kut pakhat ni 2 awh ani a, chuvangin a ni 2 naah chuan ani hmasa a tih dan nen khan a inang deuh vek a, Kidush te, mei chhit te, Shofar ham te, tin, Mei chhitna ah leh Kidush naah chuan 'Shehekheyanu' Brakha kan sawi chu a lohthlawhna sawi kan nih loh nan, thawmhnaw thar emaw, thei thar chumi 'kavana' kan pekna tur chu kan nei tur a ni.


    A ni 2 na tlai Minkha zawhah chuan tui hmunah kalin 'Tashlikh' tih thin a ni.

Categories: Khagim, Kut ni te, Judaism

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments