HAKHOKHMA Post Post New Entry

Bizui Talmid Khakham (Rav-te zahlohna)

Posted by Moshe Ilan on September 2, 2010 at 7:40 PM

    Talmid Khakham (Torah zirtu leh Rav-te) zah lova, tinawmnah a sawichhe tu hremna chu a tihdamna a awm lo, kan Khakhamim te chuan an lo ti hial a, tunlai khawvel free lutukah hian mi tam tak ten he thu hi hre thelhin an mahni dinhmun ang leka Rav nihna te zah sak lo tu tam tak an awm a, hei hi P-thian hming tih hliauna leh Torah zahlohna a ni.


    Hetiang anih avang hian mitin te chu kan fimkhur hle tur ani a, ka Rav ani emaw, Rav dang ani emaw zahna ka pe hreh anih pawhin an mahni chunga zah lohna tihlan leh sawichhiat hi thil sual lian tak ani a, a siamthat lehna hi a turuin, mi dang chunga thil ka tisual a nih chuan a hnena vawi 3 ngaihdam ka dil chu a tawk a, amaherawhchu, Rav te laka thil ka tihsual erawh chuan ahnenah vawi 1000 aia tam pawh min ngaihdam hma chu ngaihdam ka dil a ngai thunga, chuchang ni lovin, mipuite zirtirtu an nih angin, kan 2 inkar thu chauh thil anih loh chuan, a hnena ngaihdam ka dil chu mipui hmaah ka dil angai bawk ani.


    Rav te tih hreawmna leh sawichhiatna hi Torah sawichhia leh tihreawm ang kan nih avangin, aneitupa Lalpa P-thian chu rorelna hmaah an mahni kan sawichhiat Rav te ai kha dingin kan hmachhawn dawn a ni.

(עיין בית הכפורת ז').


מְבַזֶּה תַּלְמִיד חָכָם

ט. כָּל הַמְבַזֶּה תַּלְמִיד חָכָם אֵין רְפוּאָה לְמַכָּתוֹ, וּבִפְרָט בְּדוֹרֵנוּ נַעֲשָׂה דָּבָר זֶה קַל בְּעֵינֵי אֲנָשִׁים וְגוֹרֵם חִלּוּל ה' וּבִזְיוֹן הַתּוֹרָה. וְלָכֵן יִזָּהֵר אָדָם שֶׁלֹּא לְדַבֵּר סָרָה עַל שׁוּם תַּלְמִיד חָכָם בֵּין אִם הוּא מֵרַבּוֹתָיו וּבֵין אִם לָאו. וְאִם יוֹדֵעַ שֶּׁחָטָא בִּלְשׁוֹנוֹ כְּלַפֵּי תַּלְמִיד חָכָם בְּפָנָיו אוֹ שֶׁלֹּא בְּפָנָיו, יֵלֵךְ וִיבַקֵּשׁ מִמֶּנּוּ סְלִיחָה בָּרַבִּים - אִם חָטָא בָּרַבִּים. וְאִם בִּזָּה אוֹתוֹ בֵּינוֹ לְבֵינוֹ יְבַקֵּשׁ סְלִיחָה בֵּינֵיהֶם. וְיִזָּהֵר בָּזֶה כִּי הַקָּבָּ"ה תּוֹבֵעַ עֶלְבּוֹנוֹ וְעֶלְבּוֹן תּוֹרָתוֹ (עיין בית הכפורת ז').

י. אִם אָדָם פָּגַע ח"ו בְּרַבּוֹ, צָרִיךְ לְבַקֵּשׁ מִמֶּנּוּ מְחִילָה אֲפִלּוּ אֶלֶף פְּעָמִים. וְלֹא רַק מֵרַבּוֹ מֻבְהָק, אֶלָּא אֲפִלּוּ שָׁמַע מִמֶּנּוּ דְּבַר תּוֹרָה חָדָשׁ, צָרִיךְ לְבַקֵּשׁ מְחִילָה יוֹתֵר מִג' פְּעָמִים (רמב"ם הלכות תשובה פ"ב ה"ט ושו"ע תרו וכה"ח ס"ק כה כו;).


     Hetiang tehhrep hi Rav te chunga Leshon Hara sawi leh an mahni tihreawm zawnga chete chanvo leh dawn tur HALAKHA anih avang hian thil hi ngaihtuah chian ava han ngai tak em? Tunah hian Rorelna ni kan thleng tep tawh a, chuvangin harhchhuah ava han tul teh lul em…

   

     Kashrut ka zir lai hian tum khat chu kan thian hovin kan zirtirtu pa, kan Rav hming lamna bu chu kan enruk sak a, chutah chuan Rav Shiur pek hlawh ziahna chu a lo awm a, chu chu kan han en sak a, kan Rav chuan Shiur darkar 1 min pek a a hlawh chu Shekel 80 hi alo ni a, chu chu kan han chhut sakin nitin darkar 8 thlakhat chhung a hlawh chu a tam kan ti kher mai. chu chu kan hrilh leh a, ani chuan hei chu ala tam hlei nem hmun dangahte chuan darkar khat Lecture pek nan a sang biin asin min rawih thin a ti a, chuta tang ringawt pawh chuan Rav te hi ka ngaihsan phah lehzual ta a ni.


       P-thian zarah keini Benei Menashe te pawhin Rav engemaw zat kan lo neive ta a, khawvel thiamna lamah nise, kan phak lohte an niin, kan hnam tan tiin khawvel nawmsakna tlansanin kum 6 chuang teh meuh kan tan Yeshiva chhungah, pawn nisa leh sum leh pai hnawlin theihtawp chhuahin an zir a, chutah Rav Certificate te dawngin, an unaute min zirtir turin an lo chhuak a, Shabat leh ni pangaiahte Shiur a thlawn hlakin min pe thin a, kan lak atangin hlawh leh hlawkna thil an phut rik kan hre ngai lo, an mahni Rav-te inkarah hian inlungrualna tha a awmin Shiurna leh hunte a chhawkin an inremsiam thin a, chu chu mitin hmuh a ni. Mahse keini mipuite hian, Rav tha leh thalote thliarin an Shiurte hmuhsit sakin kal ai chuan in Card den santé kan thlang thin. Chuchang nilovin kan Rav neihte thinlung na a, thinlung tap zawih zawih khawpa siamin an chanchin diklo zawnga sawi duh kan phang hek lo.


      An lung natna kan siamsak hi Lalpa hmaa an thlen palh hma hian, Rorel ni hma ngei hian harhchhuakin i insiamtha ang u khai. Thlarau chaw min barh tu kut lo seh sak hi kan tihtur a ni love..

Categories: Halakhot, Juda dan, Kehila, Community, Judaism

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

1 Comment

Reply Avidan
9:08 PM on September 2, 2010 
Para hmasa ber khi word dik lo chhutsual a awm siam that a chi khawp ang thlehin tih khi...thelh in tih a ni zawk e...