HAKHOKHMA Post Post New Entry

Elul thla (inlamletna hun)

Posted by Moshe Ilan on August 14, 2010 at 5:55 PM

חודש אלול

    Elul thla chu P-thian zarah kan lo chuangkai lehta reng mai a, hei hi Judate thla chhiar dana a hnuhnung ber, kum tawpna thla a ni a, he thlatir 'Rosh Khodesh'  atanga Yom Kipur thleng ni 40 chhung hi 'Yemei Ratson' tih ani a, Moshe Rabeinu khan Lungphek pahnihna a han lak leh dawn a, Israel hnamte P-thianin tihhlum vek hial aduhna avanga kan tan, Israelte hruaitu Moshe Rabeinu chuan Lalpa P-thian hnena kan him theihna tura zahngaihna leh ngaihdam he ni 40 chhung hian a dil a, atawpa tawpah Lalpa P-thian chuan 'Salakhti kidvareikha' (i sawi ang chuan ka ngaidam e), a tihna hun lai ani a.


    Chuvangin, he hun hi Israel zawng zawngte laka Lalpa P-thian thinlung inhawn lai a ni a, chuvangin, he hun tha hi Israelte chuan tun kum chhunga kan tihluihna emaw, kan hriat loh vang emaw a, kan thil lo tihsual palh tawhte laka Lalpa P-thian hnena ngaihdam dilna hun thaah nei in, Ngaihdam dila Ama lama kir leh tura intuaithar hun nan hman ani a, hemi thlaa lut tura inpuahchah nan Rosh Khodesh dawn ni 'Erev Rosh Khodesh' chuan mi thenkhat te chuan chaw ngheiin 'Yom Kipur Katan' te an insiam thin a, tin, Tshuva (inlamletna), Tfila(tawngtaina) leh Tsdaka (retheite hnena thilpek pek) te chi 3 hmang hian kan chunga thutlukna "Gzera raa' thalo te chu tihdanglam a, a tha zawnga hertir hlauh theih anih avang in, he hun lai hian Judate chuan heng thil chi 3 te hi tih an uar zual a, heng thil chi 3 te hi khawi atangin nge Elul thlaa tih hi a tha bik a ni, tih kan zirchhuah theih tih kan tih chuan, ELUL tih hming bul lamtawi (Rashei Teivot) awmna hrang hrang atangin kan zirchhuak thei a, hetiangin; "Umal Hashem et levavkha veet levav zarekha" (Tshuva), "Ani ledodi vedodi li" (Tfila), "Ish lereehu umatanot leevionim" (Tsedaka) tih atangte hian, heng thil chi 3 te hi kan zirchhuak thei a ni.


     Tichuan, Shofar (Berampa ki) chuan thinlung a tihharh avangin, he Elul thla hian Erev Rosh Hashana tih chauh lovah chuan zing tin Shakharit inkhawm zawhah ham thin ani a, tin, Minhag thenkhat, abikin Ashkenazim ho chuan Rosh Khodesh Elul atanga, Shmini Atseret thleng chuan 'Tehilim' (Sam) bua fakna hla "Ledavid Hashem Ori Veishi" chu Shakharit leh Arvit zawhah an sawi thin bawk a ni.


     Tin, Rosh Hashana leh Yom Kipur niah chuan Lalpa P-thian chuan amah leh mihring inkar thu chauh angaidam tih anih avangin, mihring leh mihring inkar thu chu mihringte kuta inngaihdam tawnna chu innghat anih avangin, hetih hunlai hian mitinte chuan 'I chunga thil ka lo tihsual chuan min ngai dam ang che' tiin, ngaihdam an indil tawn thin bawk a, tin, thu kan sawi emaw, mi hnena lehkha kan thawn emaw chuan 'I/In hming chu nunna bu a ziahluh lo ni rawh se ' tiin, an ziak tel thin bawk.


   Tin, Sfaradim ho chuan Thlatir atangin 'Slikhot' (Ngaihdam dilna) an sawi thin a, Ashkenazim ho pawhin Rosh Hashana hma Motsaei Shabat hnuhnung ber atangin Slikhot chu zanah emaw, zing ni chhuah hmain an sawi ve thin bawk.


     Engpawh nise, chhiartu zawng zawng te in zain nunna buah chuan in hming chu ziahin lo awm vek rawh se.

Categories: Judaism, Emuna, Rinna lam

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments

Oops! This site has expired.

If you are the site owner, please renew your premium subscription or contact support.