HAKHOKHMA Post Post New Entry

Ka Kristian thian nen kan inbiak na

Posted by hakhokhma on June 27, 2013 at 7:40 PM

SENA: Kei poh india army ka nia..chuan, isua an ringlo juda ho chuan an tih hi tak2 ami min hrilh tei em? Ka dilchhut ti om mage.he2


HK: dil chhut lo e... zawhna hmun tur takah i rawn zawt ani e

nia, Juda ho chuan Isua hi Mashiakh (Messia) chhandamtu ah kan pawm lo


SENA: Chuan khristian te rinna hi a dik donlo tihna emni? Khristian te chuan kan togtai chuan isua hminhin kan dil thin bok sia..ka zohna dohthei takin min chan sak hram2 o.?


HK: i zawhna chu ka dawh thei dawn lutuk a, ka chhanna tur che hian i thinlung a tina ang tih ka hlau zawk mah mah...


engpoh nise, kan rindan leh pawm dan a in ang lova, chuvangin, kan in chhanbun deuh pawhin huat lohah kan ti a ni ang chu

ti zawng hian ka hrilh fiah ang che


keini chuan, P-thian hi tluantling, tawp chin nei lo ah kan pawm a, chuti anih avangin

a thu chuak leh a thupek te pawh chu kan thlak danglam emaw, kan hnawl ngam lova


SENA: Soi roh..thinrimna tur a omlo


HK: chuvangin, Torah kan tih (Mosia lehkhabu 5) te ah hian Juda te tan dan zawm tur leh tih loh tur dan chi 613 min pe a, chung ang chuan kan kal angai a

chung a dan te chu... hun tawp hun, zawlnei te lo sawi lawk hun a thlen hma chuan hnawl tur ani si lova, chuvang chuan Isua chu kan ringlo ani ber mai

a chhan chu

Isua chuan a zirtirna ah (Isua ti ila, a hnung zuitu te an ni zawk mah ang chu) Dan chu a taka zawm a ngai tawh lova, rinna thinlunga kan zawm chuan a tawk tiin an in zir tir a


keini chuan,,,... Zawlnei te sawi lawk angin a huna thil lo thleng tur pawh ala thlen kim hma chuan chutianga P-thian dan pek te chu lo hnawl top kan duh ve lo ani ber ang chu

hei he link ah hian ka ziak nual.. Kristian leh Juda inkar thu chu.. http://www.hakhokhma.org/kristianvsjuda.htm


SENA: Ka batry a zo ka ui lutuk..zona k gah teh lul nen.


HK: ka la awm reng thin dawn a lom

tin... Shabat (Saturday) zawh zan hian Hk_Channel ah LIVE in program ka nei thin a, zawhna pawh ka tawng hnem thei khop mai, i lo tel ve thin dawn nia

www.hakhokhma.org


SENA: Menashe chu nizan mengrei deuh nimo..a chanve chiah ala hring...


HK: lolz


SENA: Reh rei tawh ve a


SENA: I va hring theilo ve? Zawhna te inzawh leh va chakawm ve aw..kei lah hi ka hmanlo ve angreg bok si nen..i chanel sawi zirtawp zan a i procrame lah chu ka hmu ve thei lo nge, a zawnna ka hrelo zok pawh ka hre law.


HK: Shabat ni hi chuan engmah hna lam reng reng kan khawih thei lo a, hei tunah a zo chiah a, ka lo hring nghal


SENA: Zanin chu lo hrin tum la?


SENA: Sabat te hmag zo tawh niang..A hrimg vut tawh lom.he2


HK: aw.. hmang zo tawh e,, ni zan ah khan

dam mo?


SENA: Nula i rim chu ni em lo mo..he2 Ole, zohna zoh i hman toh em?


HK: han zot la


SENA: Kristian te hi vanram an kai ve gem in rindan ah?



HK: a kristian zawng chuan ka sawi phak ani lova... sakhaw dang an ni a, kei in an chungchang ka lo rel a tulin ka hre lo

mahse

Torah atanga kan chhut chuan

Juda te leh hnam dang (Jentel) te hi an nihna a inthen phawk a

Juda te chuan Torah a thupek 613 te hi kan zawm a ngai a

chutiangin.. Jentel te pawhin Nova leh afate tana dan P-thian in a pek 7 te chu an zawm a ngai

chung te chu an zawm chuan teh meuh mai.. Vanram ah chanvo an nei lutuk

mahse,...

Juda te rin dan ah hian Vanram hi tawp na ani lo a

Vanram chu khawvel 2 na mai chauh ani (Thlarau ho awm na)


Juda te chuan khawvel 5 kan ring a

1)Tun khaw vel (He lei hi)

2)Thlarau khawvel (Vanram or thih hnu piah ram)

3) Mashiakh lal ram (Messia lal ram kum 1000)

4)Mit thi thawh lehna khawvel.

5) Khawvel lo la awm tur


a 5 na hi kan nghah ber chu a ni a, hemi atan hian tun hun (He khawvel hi kan hmang)

chumi awm zia chu.... Tuna P-thian in dan leh thupek min pek te ah hian

he khawvel , kan damlai ah hian a lawmman dawn kan in bei sei lo va

mahse,,, Khawvel lo la awm turah chu lawmman chuan min lo nghak ang

a tawi fel em?

chu tah chuan

nachina i zawhna

Kristian ten Vanram ah chanvo an nei ang em? i tih kha chu...

Khawvel 5 na ah khian Jentel te pawhin an mahni tana dan 7 a pek te he khawvela an zawm chuan lawmman dawngin chu khawvel ah chuan an lut ang.


SENA: Ege kristiante tan dan zawm tur 7 chu?


HK: ka sawi tha leh lawk ang... Kristian te tan tih bik ani chuang lo va,,, Jentel te tan ani mai a, chumi awmzia chu Juda ni lo hnam dang zawng zaawng te tana zawm tur a ni.


chu chu Nova leh a fate tana dan 7 a pek te an ni a

a chhan chu,, Nova kha Hnam tin te pa ani a, chutah chuan,, hnam zawng zawng hi an tel a ni.


SENA: Chu dan 7 chu min han hrilh gal law2 thei em?


HK: thei e,

1- Milem emaw, P-thian an pui thil dang P-thian anga neih loh tur.

2- P-thian anchhia lawh loh tur.

3- Thisen chhuah loh tur. (Tual thah loh tur).

4- Uire loh tur.

5- Ruk ruk loh tur.

6- Sa a nunglai tisa hleh thlaka ei loh tur.

7- Mahni ram awmna dan zawm tur.


Heti laiah hian Kristian chungchanga buaina awm thei chu.... a 1na khi a ni,

P-thian an puiin Isua an ring a. hei hi Milem biakna a ni.

Kristian rindan ah chuan... Pathian chu 3 mi 1 chhunga awm angin an ring a... hei hi Milem biakna ani. achhanchu, Thupek sawm ah khan chiang takin a inziak a, "Keimah lo chu P-thian dang i nei tur a ni lo, lei a mi leh tui a mi, van ami, chutiang ang reng reng chu" tiin, ani a

P-thian ah khan amah kha be ta tawp lovin, a anpui in Trinity thildang an vuah rem ta a, chu chu Pathian dang biakna a ni.


SENA: Chuan isu chu setana ron tirh zok tihna mi?


HK: P-thian rawn tirh. Mahse, mahni ngaihdana a kal avangin, P-thian thupek te chu a rawn hnawl ta a ni.

P-thian rawn tirh ka tih nachhan chu... mihring zawng zawng hi P-thian rawn tirh vek an ni a,

chutiangin, Setana pawh chu P-thian rawn tirh tho a ni.


Mahse, P-thian chuan, lei mihring te hnenah duh thlanna min pe a, chu kan duh thlanna ah chuan a inrawlh ngai lo a ni.

i bulah khan Bible a awm mial em?


SENA: A mah ai ropui van ah a om thu leh, chumi ron tirh chu ka nia ati bok sia..chutiagin setan an a soi ve gai bok silo a?

Awm e, mahse, light dawn ni toh a, light on gam tohlo


HK: hhahaa.. ok.

Isua chungchang thuah chuan... amah chuan a dam laiin Zawlnei te angin P-thian a biak thu emaw, zawlneihna thu emaw a sawi pakhat mah a awm lo a,

chuan... Isua chuan engkim Juda te ang chiahin a serh ve a, a hnua ama chanchin rawn puangzar chho tu te hovin,, dan leh thupek te chu an rawn hnawl a,

tin, Isua ngei chuan Rinna chu thil tih tel lo chuan thi a ni, a ti bawk a, Tin, Setana chungchang thu ah chuan P-thian rawn tirh tih ama insawi a ngai lo a, a chhan chu, P-thian chu Awma a ni a, chumi awm zia chu,.. thil siam zawng zawng te siam tu leh chung awm hmaa awm tawh chu a ni a chuti a nih chuan,, Setana pawh chu ama siam tih kan hre thei ang, Setana hi P-thian siam leh P-thian tirh anih kan rin loh chuan... P-thian chu thil engkim titu leh ti thei tu ah kan ring lo tihna ani a. Tin, Setana hi Vantirhkoh chi khat a ni a P-thian tupek zawm tute hi mifel tia kan rin chuan.... (chumi dan zul zui chuan... ) Setana hi mifel lutuk alo ni thei reng a sin.


Keimahni (Mihring te) hnenah hian P-thian chuan thu a pe a, chung a thupek te ah chuan kan ding zo em? tih min fiah tu tur atan chuah Setana chu a awm a, setana hi awm ta lo se.. Juda then khat te pawh hian P-thian thupek hi an zawm peih kher lo mai thei a sin, S-tana hi a huatthlala awm ngawt mai, mahse, anihna hi kan zirchian chuan tihtur neiin P-thian chuan kan awmna hmun khawvel tur lei ah alo dah ve a, chu atih tur chu, kawng thum a awma, chungte chu;


(1) Mihringte'n P-thian thupek kan zawmna tur chu tithuanawmtir turin – (hemi awmzia hi FIAHNA kan ti thei ang.)

(2) Min thlem thluk hnuah Van rorelna hmaa kan thil tihsual min hek (sawi chhuak) tu turin = chu chu KATEGOR tih a ni.

(3) Rorelna hmaah hnehna a chan chuan amah vanga thiamloh kan chan avangin kan chunga hremna lo thleng tur chu ama kutah pek leh a ni.


A pakhatna khi engvangin nge kan Mitsvah (thupek) tih tur chu tihthuanawpa fiah kan ngaih thin kan tih chuan, kan 'Bekhirat Khofshi' (duh thlanna) hmanga P-thian thupek chu kan thlan zawk theih nan ani a, tichuan, P-thian thupek chu kan thlan zawk a, S-tana thlemna chu nawm hmel zawk angin lang fo thin mahse, harsa chunga P-thian thupek kan thlan avangin, kan Mitsvah tih lawmman tur chu ama thlemna kan hnehna avangin kan hlawh chu a pun phah thei a. Hei hi khawngaihtu P-thian chuan min hmangaih em avangin, kan Mitsvah tih rah lawmman kan phu tawk baka tam min pek duh vang kan ti thei bawk ang.


A pahnihna khi, engtik lai pawha kan chunga Vanlam rorelna hma ah chuan kan thil tih dik loh leh P-thian thupek kan hnawlna leh kan zawmloh na thu hretu atan rorelna hmaah a ding ta thin a, hetia rorelna hmaa kan chungchang thalo a sawichhuah hian P-thian in amah Setana a siamna chhan chu (atih tur duty) chu a hlenzo tihna a ni.


Apathumna khi, amah avanga P-thian thu kan hnawlna chu 'Tikun' siam that lehna kan siam theihna turin, kan chungah hremna / harsatna a rawn thlen ta thin a, hetah tak hian, Mihring ten inhmuhchhuahna (Tshuva) kan siama P-thian lam kan hawi lehna tur atana min vuak harhna ani a, hetia hremna kan dawn a, amah S-tana'n min lo thlemna lama kan lo hawi ta mai chu kan inchhir chuan, P-thian kan hnaih sawt phah theiin, P-thian thatzia leh dik zia kan hriat thar phah thei a, a tira kan tihsual zawng zawng let kha lawmman kan dawn phah thei ta a ni.


Tin, P-thian chuan engkim a hria a, Evi lo bawhchhiat tur thu lamin, mahse, kan (mihring) duh thlanna ah a in rawlh ngai lova, heti hian sawi ta ila, a Torah hmangin Formula a siam a, chumi hmang chuan khawvel hi a enkawl kan ti thei ang.


Hemi chungchang khirh tak hriatthiamna tur hian a hmasain eng vangin nge, P-thian chuan mihring siam a duh nachhan tih kan hriat a lo ngai ta a, P-thian nihna 'Mahut' chu THA ani a, mahse, chu nihna chu lanchhuah tir angai ta a, lan chhuah tir ringawt tase, chu a thatna chu dawng tu an awm si loh chuan awmze nei lo ani ta a, chuti alo nih chuan, P-thian chuan awmzia anei dawn ta lo tihna anih chu.


Chuvangin, a thatna dawngtu turin mihring asiam alo ngai ta a, mahse, mihringte chu a an puiin 'Sekhel' chhia leh tha hriaa siam kan ni a, chuvangin, kutdawh tuten zak tak chunga mi thilpek ei anga zahna kan neih lohna turin, keimahni Mitsvah thawhrah ngei Olam Haba (khawvel lolaawm tur) ah kan ei theihna turin, Mitsvah hna thawhna hmun Khawvel chu a lo siam ta a, heta rei lote kan awm chhung hian P-thian in a thatna lawmman min pek aduhna ram Olam Haba kan thlen hmain keimahni kut kawih chhuah 'Zkhut' (Right) ngeiin he leia kan cham chhung hian chung a thatna lawman min pek te chu kan phu tawk dawng thei turin Mitsvah hna min lo pe ta teuh a ni.


Chuchu a lawm , Kidush na ah kan sawi fo thin, 'Ki vo Shavat mikol melakhto asher bara Elokim LAASOT' (a thil siamzawng zawngte chu TIH / THAWH turin a chawlh san ta a.) kan tih thin ni.


Anih leh, engkim titheia chuan eng vangin nge thawh hah kher lova, chu a lawmman chu min hlui mai loh? Nie, Motor siamtu chuan Motor chaw (a petrol) a pek changin, a motor a lawm ngai lo, amaha lawm hlauh zawk, chung ang chiah chuan, P-thian in lawmman min pek chu keimahni kan lawm theih nan ahlutna leh a thatna keimahni ngeiin kan hriata kan tem theih nan chhia leh tha hriatna min lo pe tel ta a ni.


P-thian tha chuan kan lawmman dawn tura chu kan phu bak min pek tel a duh ta a, tichuan, S-tana, Thlemtu ni turin a lo siam ta a, S-tana thlemna hneh chunga harsa leh rim tak chunga kan thawh mai baka kan thawh RIMNA pawh chuan lawman lian tak ala keng tel ta cheu zawk a ni.


Chuvangin, P-thian tan chuan anihna THA tifamkima ti tluantling tur chuan, mi pakhat lek pawh 'Olam Haba' (Khawvellola awm tur) a a thatna dawnga seng tur an awm chuan, a mihring siam chhan chu a hlen chhuak ta tih kan hre thiam thei tawh ang a, tin, chu Olam Haba a lut tur ten lawmman (P-thian thatna) lian tak kan dawn phah theih nan leh, he leia mihringte kan cham chhunga kan kal sual palh changa amah Lapa P-thian lama kan inhmuhchhuah leh fo nan S-tana chu a lo siam ta a, chuvangin, S-tana thlemna chu kan hman tangkai thiam hlauh chu kan tan atha em em a ni.


a sei mai mai em hahah...


SENA: Ha2 light down toh sia puanin ka inkhuh a ka chhiar mual2 mai.ha2 van indona kha a omlo tihna mi? Setana leh pathian indona kha?


HK: Setana te zawngin P-thian do ngam chi ani lo.


P-thian ropui zia hi teh chi zia zang ani lo a, chuvangin Setana te chuan a do ngam teuh lo mai.

Setana chu P-thian in tihtur neia a a thil siam ve mai ani.


SENA: Setana chu meidil ah hrem lovin, a hrmtu tur zok atan ami a siam zok?


HK: Hrem nachhan tur a awm a mi? Han ngaihtuah vang vang mah la...

Thlarau lam thu em ema ngaih tuah loh pohin...

Setana chu P-thian in tihtur neiin a siam a, chu a tih tur chu mi thlem a ni a, chu chu P-thian thupek ang chiah chuan a ti char char a...

a thu petu duh anga a nun si chuan, eng vangin nge P-thian in a hrem teh lul ang.


A tih tur a zawh hun... (Mashiakh lo kal hun) ah chuan P-thian in Setana chu a ti tawp ang a, chu zawng chu a ni.


P-thian chu mi A a ni lo a, a duh anga a siam, a hna thawh tura a pek thawk tu chu eng vang teh lul in nge maw a hrem ang le... haha

Mihring te hian Setana hna leh a nihna hi kan hriat thiam thin loh avangin, kan duhdan angin kan ngai ringawt a, mahse, kan ngaihtuahna fim hmangin han ngaihtuah ta ila... a thil tih hian chhan a nei a.. chu zawk chu kan hmuh thiam chuan.... P-thian in Setana chu kan tana that zawk na turin a siam a ni tih kan hria ang a, setana thlemna chu kan hmang tangkai thiam ang a, tichuan, kan nihlawh viau mai dawn a ni.


Chu Setana hman tangkai thiam dan chu... a thlemna thin lo hneh ani a, kan hneh phawt chuan... P-thian in a thupek kan tih avanga , a hlawh tur a ruat aia tam Bonus kan dawng thei dawn tihna a ni.


SENA: Isua a thih don khan, aw,..ka pa ti leh tho bok si a? Dilchut deuh teh ang..


HK: Entirnan; Kan Sipai tanna ah kan Commander in tih tur min pe a, a thupek mai bakah lawm tak leh phur tak chunga kan ngaihdan leh duh dan zawng te pawh hnawl ngama a thupek kan hlen chhuah chuan , kan commander chu a lawm ang a, min kaisan tir zawk emaw, lawmman min pek belh hial zawk mai dawn a ni.


Ni reng e... Isua chuan P-thian a bia a, mahse...

a hnua Kristianna rawn din tute khan, amah Isua chhung ah khan P-thian a awm tiin an hrilhfiah a, chu chu ani

Isua chhunga P-thian lut ang zawka kan ngaih chuan, Isua chu P-thian aiin a lian zawk turah kan ngai tihna a ni a, hei hi inzirtirna dik lo a ni.

P-thian hming AWMA tih pawh hi... a awm zia chu...


AWM tihna ani a, amah ah chuan khawvel mihring zawng zawng leh lei leh van pawh hi a awm zawk tihna ani.

thil awm a kan awm loh chuan awmna dang a awm lo.

Chumi hriatthiam na tur atan chuan he khawvel pawh hi, hmuh theihloh ah a awm a, chu chu P-thiana a awmna alo ni zawk si...

Mihringte ngaihdan ang ringawt chuan nita se.... Khawvel pawh hian innghah chhanna a neih angai ang chu..

I lo rin dan leh i lo ngaihdan nen zanina ka thu hrilh che chu a inper sawn i ti awm mange awwww... lolzz

Bible chhung thuin kan la titi lo zawk mah mah.

i lo buai phah chiam chiam ang e aw hahaha


SENA: Kristian te chu an tawgtai in, isua hmingin kn dil ache Kan ti tin tho bok sia..han hrilhfiah zel teh gaihnom nia.


HK: Hei hi chu... Avrahama hnena P-thian lo sawi sa kha a thleng dik ani ve mai ah ka ngai...

a chhanchu,

Avrahama hnenah khan P-thian in nangmah ah hnam tin an la thawveng ang, ati a

chuti anih chuan...

Isua pawh chu Juda pa ve tho a ni a

Avrahama thlah ve tho a ni.

amaha Kristian lo ten thlamuanna leh innghahna an lo neih chuan a tha tho a lawm.


Keini Juda te tan chuan, amah P-thian sawi dan ang in, P-thian fate kan ni a, chuvangin, keini chuan kan tawngtaina ah Direct taka a hnena kan dil chu a awm viau a lom,

fa pawhin a pa hnenah thil a dil dawnin Direct in a dil thin a

chutiang ang chuan Juda te chuan Direct in kan dil thin a,

tin, SIpai a kan tan dawn pawhin, Sipai lam thunei tute hnenah sipai tan kan dilna ah khan tu tu te emaw recomment na kan keng tel thin ang chiah khan,

Kristian te pawh chuan, P-thian henah thil an dil in a recomment na a fa te zinga pakhat Isua hmingin an dil ani ve mai a lawm...


SENA: Juda te pon aprahama pathin te an ti ve thin tho in ka hre tlat. Dik em?


HK: Dik e, a chhanchu...

Kan pute (Israel thlahtu bul 3, Avrahama, Itskhaka, Yakova) te kha P-thian in a thlan bik an ni a, an mahni hnenah khan an thlahte tana malsawmna engkim a lo pe a,

chuvangin, tunlaiah chuan kan tling zo tawh lo a, kan pute thatna ang Right kha kan nei ve tawh lo a,

chuvangin, a chang chuan P-thian tihlungawi nan, kan pute'n P-thian henna an lo thatna kha hriat chhuah tir leh hriat nawn tir a tul thin avangin, Avrahama P-thian, Itskhaka P-thian Yakova P-thian ..... tia sawi ngaih hun a awm thin.

chumi awmzia chu....

kan that vang leh kan tlin vang ni lovin, kan pute thatna avang zawkin... tihna a ni e.

i chau lutuk ang e... naktuk lama i thil tihna tur ah i chauh phah ang e..

kan duh tawk hrih mai dawn em ni ang...

ka awm reng thin dawn a lom...


SENA: Thu mumal lo deuh a han in magtha chu.he2 tihtur te naktuk lam h i nei zok nia ge, mu toh roh..thu dik chu a um in ka um tag2 tin..kan thlarau tan ani si a..magtha le..unaupa hlui...sakhua leh hnamin kan ramri kham suh se.


HK: nia... naktuk lamah te kan la inbel zel dawn nia.


SENA: Ka uag lo in, thu tak2 ani ka zoh ce..tilui amo leh, inhnial mai2 tur ah te min lo gai age.he2


HK: tin e, i awm hun ah, ka lo chhan mai theih loh che pawhin, kan website ah hian chhiar tur a tam a nia

www.hakhokhma.org

ah hian, Judaism tih ah khan 'Kristian Vrs Judaism' tih te pawh a awm kha...


SENA: Ka chiar cuak vek toh. Chiar non leh ag.


HK: hahah chuti zawk mo??

mut i la tum loh chuan.... helamah chuan ala hma lutuk a nia

zawhna i neih chuan ila zawt zel thei

mi dang ang i nih lem loh hi hahaha

thian dang te hi chuan... hnial pui tur hrim hrim ang ki hian zawhna hi an rawn zawt thin a.


SENA: Ka website atan ka dah ve rigot a. A bo ka hlau lutk a.he2 k fb a/c kha enroh.


HK: hahaha a tha a lom

ka ziak peih lo thei lutuk a, ziah tur chu a tam a, mahse, ka peihna hian a tlin zo thin meuh lo anih hi haha


SENA: In vannei e nagni chu,


HK: ti daih ila, mizoramah khawi laiah nge i awm a.


SENA: Kan ram chu muslim in chhim, leh,hmar ah min hual vek toh.

Champhai. Ka unau te/ ka mizo pui te lah chuan thutak khuk in an khukpui mag bok si lo.


HK: Champhai lam chu hriat ka nei lo khop mai haha

nia... Sakhuana leh rinna hi chu, a tlangpuiin thinlung ah hian kan than hnan pui a,

mitin hnenah han inhrilh theih vak poh a ni lo.


SENA: Kan kristianna a dal Toh si..ka rum vog2 thin..burma, bagladesh, india/ka ram..muslim in an sakhua ah min la inleh luih tir hun ala thleg aga, martar ala gai ag.


HK: Judaism ah hi chuan rinna ngawr ngawr hi a ni lo a, chumi piahlamah chuan Hriatna leh chianna a awm a.

kan chian hma chu Juda leh Juda ah pawh hian zawhna a tam thei khop mai.

chumi tur atan chuan, awm ze nei lo leh hriatthiam theih loh a inhrilhfiahna ang hi kan ti ve ngai lo a,

rin tawp mai tih hi kei ka ngaih dan ah chuan awmzia a awm lo.

tehkhin thu hmang emaw talin kan chhia leh tha hriatna finna hmang hian a chhut theih vek..


i thusawi laiah chuan.... nie

Mizoram kristian ram hi an kal dan hi a diklo deuh emawni chu aw ka ti thin...

tunhnaia Lal Thanhawla Puja ve avanga Mizo mipui ten an duhlohna lantira kawng an zawh vak vak te kha, India ram sakhaw zalenna ram ni si ah khan , kha ti khan an ti a,

Vai ho leh Muslim ho an thin a rim ang a, an rawn chet phah vak a hlauhawm ka ti.


SENA: Min chimral an tum mek..india muslim ram ani tep toh a,


HK: Muslim ho hi chuan khawvel hi an tihreawm teh an ia

An pu Ismaela hnena P-thian sawi kha a thleng chho mek a nih hi "Mihring ransa kawlh" (Khaiat Pere Adam) a tih kha..


SENA: Kan ram hmalam hun chu a thim mup mai..mahse, k rinna a dik leh dikloh tih ciah ka gai poimoh..muslim hi jada gaihdan in vanram an chag ve em?


HK: Sakhaw dang zawng ai chuan P-thian an hnaih.

a chhanchu,

Sakhaw dang kan (Juda te) P-thian be ve tho te zing ah chuan an rin dana P-thian an biak dan hi . P-thian a hi an sawi danglam ve lo a, a nihna angin an be tawp a. Tin, Milem emaw, thil dang an ring tel lo bawk.

Mahse.......

a chunga ka sawi tel zauh...Ishmaela chungchang thu atang hian kan chhut chuan Vanram ti mai ang , nachina ka sawi (Khawvel lo la awm turah ) chuan chanvo an nei ve lo in an lut ve lo ang tih a ni.

achhanchu, Avrahama'n Sarah-i bawih nu Hagari (Ishmaela nu) kha a fapa (Ismaela) nen a hnawh chhuah khan, thlaler ah khan Ismaela kha thi tur a ni a mahse, Vantirhkohvin a rawn chhan chhuak a nih kha enga ti nge a chhan chhuah kher? Chhanchhuak lo ta se, tunlaia Arab kan tih ho leh Muslim Sakhuana hi a awm lo ang a, tichuan, khawvel hi a nuam mai tur a le? kan ti a ni mai thei mahse, hei hi a chhan chu a ni.


Ismaela khan a nau (Sari fapa) Itskhaka (Isaka) kha a tiduhdah a, a zahmawh te tan sak a tum a....

tichuan, thlaler ah khan lo thi ta ang se chuan.....

Itskhaka kha puitling ala ni si lo a, Ismael an a chunga a thil tihsual kha, hremna khawp tura awmzia a la nei tham vak lo a

chuvangin, Thlalerah khan a thih mai mai chuan Vanram (khawvel lola awm tur ah khan ) luh theihna chance a nei a,

chu chu P-thian in a duh loh avangin a tidam leh ta zawk a ni.


A tihdamna chhan tak chu, hun tawp ni lo thlen hun thlenga a (P-thian) fate a tihhreawm theih nan a ni a, chutia an tih hreawm chuan, chumi avang chuan hremna famkim leh Vanram (Khawvel lola awm tur) ah chanvo leh luh theih lohna famkim a pek theih nan a tidam leh ta a ni.


Chutiang ang chiah chuan.. tunlai thleng hian Muslim ho chuan Israel te an tiduhdahin, Israel mi that tu chuan Vanramah chanvo ropui lutuk leh nupui Virgin 70 dawng nghal turin an inzirtir a...

Chutiang ang chiah chuan... Muslim te hian Israel te thah duhna rilru hi an nei reng bawk a ni.

Hei hi P-thian remruatna a ni.


SENA: Nopag mai ni sia, a thil tihsual tam loh teh lul nen a va vanduai ve o..mahse, a chanchin ka hre lutk lo.


HK: Naupang mai ni si khan a rilru kha a puitling tlat a lom,

Isaka zahmawh kha tan sak a tum a, a chhan chu, Avrahama kha mi hausa lutuk leh miropui lutuk a ni a, Isaka chu Avrahama nupui dik tak Sarah-i nena an fa a ni a.... chuti a nih chuan, Isaka kha Avrahama ro chun tu tur leh a thlah kal zel tur ani tih kha Ishmaela chuan a hria a, chu chu thikin Isaka zahmawh a tan chuan Isaka chuan thlah a nei lo ang a, tichuan, Ismaela fate zawk chu Avrahama thlah kal zel te an nih theih nan a ti a ni.


Chu ngaihtuahna Israel hnam pum tih chimih duhna rilru chu a that loh em avangin, a duh ang let hlauh chuan, Ishmaela thlah te chu chu P-thian in an pa ber Ismaela duh loh dan taka hremmna a pek theih nan, thlalera tui hala thi tur kha a ti dam ta zawk a ni.

Chutiang ngaihtuahna chu lo nei lo ta se chuan.... khawvel hi a ralmuang ngawt ta ve ang...


SENA: He thu hi muslim ho in an pom em?


HK: Muslim hoin an hre pha lo, Muslim hoin an pu Ismaela chungchang thu pawh an ngai pawimawh hran lo, Avrahama fapa ani tih an hria a chu chu an duh tawk...

Muhamad-a zirtirna (Kuran bu) a inziak an duh tawk

Hetiang teh tak, Juda ten Bible tan chhan ang hian khawvel insiam dan te hi an ngai pawimawh ve hran lo.

inthlah chhawn dan te pawh.


SENA: An kuran hi an ziahna hun/kum bor vel i hre tei mai em le?


HK: tuna kan kum hman kum 650 na ah hian kum 22 chhung ziah a ni.

he lehkha bu hi amah Muhamad-a ziah chiah a ni lo a

amah chu kum 632 ah a thi a.


SENA: Cuan, kan bible lo intan dan chungchang te hi. Nagni juda ho chuan in hriat te ka rig rigot a..thuthlug thar leh thuthlug hlui te hi. A lo pian dan?


HK: Kuran hi kum 650 hma lam zawng kha chuan tawngka hmangin an in hrilh chhawng thin..

Thuthlung hlui a TORAH kan tih bik (Gen, Ex, Lev, Num, Deut ) kan tih hi... Israel fate thlalera an awm lai khan Moshe (Mosia) khan a ziak a,

mahse, hetah hian zawhna awm thei chu, a thih chanchin te, a thih hnu chanchin te a inziak bawk si a, tih a nia,

mahse, Mosia khan zawlneihna hmangin a ziak a ni.... a hawrawp mal te te in,

tichuan, a hawrawp tin hian hrilhfiahna leh zir tham a nei a, chu chu

tawngka in P-thian in a hrilh fiah a, chumi chu, Juda te chuan tun thlengin tawngka in an la inhrilhfiah chhawng ta thin a,

Chung chu eng te nge kan tih chuan... a tawi zawngin ti hian sawifiah ta i la,,,,

Sabat ni chu i serh tur a ni... tih te Chhum bung deuhin a lo awm ta a

tichuan,, tawngkaa inhlanchhawn na ah khan a serh dan tur te chu an in zirtir chhawng ta thin a ni.


SENA: Serh an la tan gai em juda in? Jental te tan chuan gailo tiro?


HK: tan ngai e...

Jentel te hnenah he thupek hi a awm ve hlei nem

an tan ve kher a ngai lo.

Avrahama leh a fa Isaka te thlah kal chhawng zel te tana thupek chauh a ni.


SENA: Ngai loh lamah ngai lo la. A hmawr te ciah ami in tan? Cuan, isua bok hi..egtinge i gaihdan.? Ka zohna leh chhanna tang zong2 khan. Thuthlugthar rin hi a hlauhom em?


HK: haha aw a hmawr vun te chauh hi ni e.. a hrisel hrim hrim, America ah phei chuan Juda nilo 80% te pawhin hrisel nan an tan.


SENA: Jental te tan nilo mi thuthlugthar chu?


HK: Isua ka ngaih dan chu, mi pakhkat , amah avanga khawvel mipui tam tak te kal sual ta ah ka ngai mai a...

tin, Thuthlung thar chu, hlauhawm tak a ni, Juda te tan chuan...

a chhanchu...

Thuthlungthar inzirtirna pui ber chu P-thian in tih tur dan min pek ataka zawm tur chu hnawl tura inzirtirna a ni a. chu chu he khawvela kan awm lai kum 80 chhung hian P-thian thupek te chu tam tak kan zawm theih lai hian Thuthlung thar inzirtirna kan dawn avangin, pakhat mah kan zawm loh phah palh thei a, tichuan, kan Vanram chanvo tur kan chan/hloh phah thei a ni.


Jentel te tan pawh a a hlauhawm theihna chu.... Jentel pa Sakhaw nei lo pa pawh khan Nova fate dan 7 a zawm famkim theih laia, Thuthlung thar a zir avangin P-thian nihdan diklo a pawm phah theih avangin, a tan a tha lo. Khawvel lo la awm tur ah a chanvo neih ve tur a hloh phah thei a ni.


SENA: Thuthlughlui thuthlugthar inmil loh na min han hrilh leh lo2 la


HK: Judaism vrs Kristianity ah khan a tam viau ang

a inmil lohna ang zawng chuan...

avai a ni mai...


SENA: Mahse, 7 zing ah pakhat ciah i ti bok sia. I mutcuak lutuk hi i type sual nilo mo!he2


HK: nia... dan 7 an ni ta a,

khang ho kha, Jentel zing ah Sakhua nei lo mi an awm a nih chuan , a zawm famkim theih a ni.

Kristian tan pawh 6 chu a zawm famkim theih

Chuan in,

Pathian dang/a an pui Pathian a neih tih chauh lo chu.


SENA: Pathian a minug pa3 om kan tih hi..eg;..ka lu, ka ke, ka ban..hetiag hian kan inhrilhfiah thin a...a inzom vek..chu chu a hmig ah..mihring tih a ni..

Ka hriatthiam ve dan ani e.


HK: chu chu lo ni ta se... Isua kha a tawngtai a ngai nang. Mahse, a thih dawn thleng khan P-thian hnenah a tawngtai in P-thian a au kan ti si a.

a va inper san ta awm ve?


SENA: Kei hi, pa leh fapa leh thlarau thiaghlim ka ni ati sia lom..he thu hi hrilhfiah a har khop mai..


HK: Chu tak chu.... A rinna lam kha lo dah tha ta ang i la..

Mi hring (hmei chhe chhul atanga piang) khan P-thian a a in chhal na a ni a.

a sawi tu chuan, P-thian chu eng tiat teh fakauvin nge a ngaih ang tih hi, hriat a chak awm khawp ang.

Chutianga, Mihring Pathian nia inchhal chu, chu aia sualna lian a awm lo.

Pa (Pathian), fapa (Isua), Thlarau thianghlim...

ka chhanna che hi i la na deuh mai thei a, mahse, P-thian ropui zia kan hriat chuan, chutiang anga mihring in "Pathian ka ni e" tia inchhal chi zia zang a ni lo.

Pathian chu lo nita ang se, anih chuan, Pathian chuan Rom sipai ho chu a ngam ta lo mai em ni ang? Eng vang in nge khen beh theih mai mai a awm le??

a thih dawn khan, a maha awm Pa leh Thlarau thianghlim khan a kal san tawh tihna zawk em ni ang?

han chhut chiang mah teh...

thil ni thei ani ngai dawn em ni?

Keini kan P-thian kan tih ve chuan... Tuipui te a then tir a, a fate a kal kai tir a, afa umtu te chu a chim hnan tir a,

chutiang khawpa chak chu a ni si a,


SENA: Isua, chuan. Aw..ka pathin, he thihna hi min pelh tir lul roh. Mahse i thu ani e. ti leh bok si a.


HK: Mahse, a hmaa i thu sawi ah khan Trinity chu kut, ke, lu te angin zawm khat an ni i ti si a, Isua (a tak nei tu ber) chu a thih si chuan, a maha awm te pawh chu an thi ve tur a ni si a, tin, ama ke ang maia a maha bet (Pa leh Thlarau thianghlim) hnenah chuan em ni ang chhan chhuak tura a dil?


P-thian in ami hmangaih te chu khawvel chhandam tura a duh te chu, Avrahama te pawh Meipui a an paih luh pawhin (a tawngtai thu tih pawh kan hmu lo a) a chhanchhuak zawk kha a ni si a...


Chutiangin Isaka te pawh, Avrahama'n a hlan dawn khan, khawvel chhandam tu tur anih avangin P-thian in a rawn chhan chhuak ani a,

tin, Jakoba pawh Labana'n thah turin a um a, mahse, a thah dawn zanah P-thian in eng tin mah khawih lo turin a rawn ti zawk kha a ni si a.

Thihna hi chhandamna chu nita se... Avrahama te pa fa ho kha eng vangin nge a chhan him kher ang ni?


SENA: Thi turin Van ataga lo kal ania..a nih isua chu juda ten egtinge an gaih? Soi hmiah2 roh i gaihdan cu..

Zolnei tiin ge, setana tiin.


HK: Juda ngaihdan ah chuan, Mashiakh (Messsia) nia lo inchhal der chu thi tura a chungthu rel tur a ni.

a chhanchu,

Mashiakh a a inchhal avangin, midang tam tak a kal sual tir theih avangin a ni a,


SENA: Ka thinrim lo tih lantir nan:* he2


HK: tin, Mashiakh tak tak lo nita ang se, a chungthu chu thi tura rel nita bawk si se....

Mashiakh tak tak anih chuan, a thi miah lo ang...

a chhanchu, Mashiakh chu thi loa kum 1000 lai rorel tur a zawlnei te sawi a ni si a.

Lo Judaism ve top mai rawh... hahah

zir tur a tam teh maia nia

hahhahaa

fb a tang ringawt hi chuan... duh tawk kan sawi ngah har ltk ang ahaha

hriat belh tur a tam khop mai...

heta tang chuan a chiang kuar kuar mai

a nia..

va reh rei ta ve....

ange i ngaih tuah haha


SENA: Zohna tel lo a Juda ah ka lo luh ve rigot te chuan dik nag..he2 a thi a, a tho leh a. Chuan, juda ten min rin hma loh chu min hmu toh lo ang tiin.. van buai thlak rem2 ve..pakistan militan ai chuan a hahtlak zok.he3


HK: chu chu ama sawi pawh a ni lo a...

ama hnung zuitute zirtir chawnna mai a ni.

mitthi an tho leh ngai lo..

mitthi thawhlehna hun erawh chu a lo la thleng ang.

mahse, a hun a la ni rih lo a ni.

thi leh tho leh ta pawh nise, engvangin nge abik bo daih

ropui takin mi tin te hmuh ah a inlar zawk tur a ni lawm ni?

tho leh ta tak tak chu ni se, Juda te hmuh ah khan a va inlan ang a,, chutianga chhuanlam an rinlehna tur siam a ngai tawh nang, an lo ring nghal tawh mai dawn alawm..

mahse,,

hei hi a ni.

a thih hnu khan....

Juda te dan a anchhe dawng a nih avangin.. Thingah zan thim hma thlengin khai kan tur a ni a,

tichuan, an khai kang a, mahse, a zirtir ho te khan a ruang chu an ru bo a....

chumi chu chhui zui anih loh nan, hetianga inzirtirna (a tho leh a, van ah alawn) tih hi a lo pian chhuah phah ta a ni.

a hnu ni 3 ni ah pawh a ni lo a... a thih ni la lain ruk bo a ni

Ka hriatsual loh chuan, tunlai khawvel ah chuan,

heng lai leh sap ram vela Kristian ho te chuan Van ah a lawn tih hi an sawi ve ngai lem lo,

a thi a, thlana phum ani, an ti a,

mahse, ruk bo anih avang khan a thlan awmna chiah hi an hre chiang lo a,

Jerusalem ah pawh sawn a thlan nia an rin chu a awm, a hmunah pawh Kristian biakin a awm nghe nghe...

tin, Archaeologists ho chuan, a thlan nia an rin pawh vawi engemaw zat chu an hai chhuak tawh.

youtube ah pawh a awm nualin ka hria,

enga ti nge mizoram ah hian a tho leh a, van ah a lawn tih hi an in zirtir nachhan ka hre lo,


SENA: Bible hi khonge alo intan le hria em?


HK: tin, chulo reng ah zawlnei te ziak ah hian Mashiakh (Chandam tu tur) chu vawi hnih a lo kal ang tih emaw, a thi phawt ang tih vel an ziak tel lo bawk.

Bible chungchang chu...


SENA: Thuthlugthar ah a iziak in ka hria.


HK: ka sawi tak ang khian, Torah chin hi Mosia ziah a nia ,

a hnu ah a hun a zir zelin an hunlaia ziak tuten an ziak ta a,

hetiangin; Josua bu, Josua ziah....

kha tiang zel khan..

Bible bu ni tura an vuah remkhawm hun chu Temple 2 na hunlaiin (a tawp lamah) ani.

zawhna ka nei ve.

Kristianna a ka hriat thiam loh chu...

Kristian tih chu, Isua hnung zui tu, a pawl te tihna angin ka hre thiam a,

mahse, eng vangin nge Kristian ah hian sakhua/kohran hrang hrang hi a awm le?, an la in hnial zui ve thin bawk si, a khawi ber hi nge Isua pawl te ber tih hi...

tumah ka la zawt ngai miah lo naa...

amak ka ti thei thin ltk..

Roman Catholic hi Kristianna tunlai a la awm ah chuan a upa ber a,

hetah hian luh khawm vek mai awm tak

Pope an thlan thar dawn te khan, SR ah te khan Mizoram Kristian mi te khan Pope chu sakawlh ang dawn dawn te khan an sawi leh nghal bawk si... Kristian puipa ber ni lawi bawk si.


SENA: Kan rindan a inag lo lom..mahse vanram luhna tur a dal lutuk lo in ka hria kan rindan hran vang hi chuan.

Anni hi cuan thuthlughlui hi an rig ve vaklo in ka hria..

haha


HK: Thuthlung hlui i sawi kai takah chuan...

Thuthlung hlui hi eng tin nge in rin dan?

a chhanchu,

thuthlunghlui (a bik takin Mosia lehkhabu 5 ah te hian) hi chu dan bu ang hi a ni si a, dan 620 lai a awm si a....

ring nih si chuan, zawma kalpui ve awm tak...

nge, a dan awm ho ang hi ring lem loin, a thawnthu ang kiin ami in rin?


SENA: Kan rinna ah chuan..thuthlughlui leh thar te hi pathian thu tehna diklo theilo kan ti..


HK: tehna diklo thei lo anih si chuan... engtin nge Shabat ni te hi in serh (chawlhni atan a hman) ve mai loh le??


ni 6 chhungin P-thianin lei leh van a siam a, a ni sarih ni chuan a chawl ta.. tih a ni a

bung/chang hrang hrang ah Shabat ni chu i serh tur a ni tih a inziak si a.

( Genesis 2;3 "Tichuan P-thian'in ni sarih ni chu mal a sawm a, a serh ta a"

Leveticus 26;2 "Ka Shabat nite chu in serh ang a,".

Leveticus 19;3 "Ka shabat te chu in serh tur a ni."

Leveticus 19;30 "Ka Shabat nite chu in serh tur a ni."

Exodus 31:13 "Ka Shabat nite hi in serh ngei ngei tur a ni, in thlah te thlenga keimah leh nangmahni inkara chhinchhiahna a ni si a, 14- Chuvangin Shabat ni hi in serh tur a ni. 15- a ni sarih ni erawh chu chawlh derna Shabat ni a ni.".)


SENA: Isua chuan in thinlug ani pathian in a duh zok chu a ti a..


HK: Shabat chu a ni 7 ni chu a ni a, chu chu nangmahni ngei pohin in Calendar ah a chiang hle si a, Sunday atangin a intan a, a ni 7 naah chuan Shabat ni chu a awm si a.

aaa ka hrethiam e.

mahse,

P-thian thupek aiin Isua thupek chu in hlau zawk tihna ah ka ngai.

Genesis bung 17 na ah khan P-thian ngeiin Avrahama hnena serhtanna thuthlung a pek khan, in tisa serh vun chu kumkhua atan in thlah te thlah leh thlengin in tan tur a ni, hei hi kumkhaw thuthlung a ni. tiin a chiang takin a ziak si a.

P-thian sawi ngei chu, Isua in rin avangin, in zawm lo ta mai chu a ni sia ,,, P-thian aiin in ngai ropui zawk anih chu.


SENA: Mahse, kha2 cu Juda dang ramdang mi te tan zom a har duh om..


HK: Kumkhaw thuthlung atih avangin, Mashiakh lo kal hnu ah pawh la zawm chhunzawm tur a ni dawn si a..

har lo e... an awmna ah an tan ve mai a lawm

kei poh Civil Hospital ah a lawm ka tan,

hahaha

na rasss

hahahaaaaaaa, k ati mai mai a nih kha, a na lo

tak takin, Sena... ngaihtuah chiang rawh,

Thuthlung hlui tia kan lo ngiah thin hi, a neitupa P-thian hlui loh ang bawk hian a hlui lo a,

a dan leh thupek te hi chatuan daih tura Chatuan P-thian in alo pek a ni a,

chutiang lo hnawl thei mai tura zirtirna pe tu chu mihring chhia leh tha hriatna hmang pawhin a rin ngam tur anih leh nih loh chu a hriatthiam theih a nia.

i zawhna te, kan titina ah hian ka hriatthiam chu... ka sawi tak ang khan, midang ka titi pui ang i ni lo.

thu dik, leh thil tak hriat tum i ni tih ka hria


SENA: Juda mi ramdang te tan sabat hi an zom thei don ami ni ang? Keini zigah poh inrinni sabat a hmag an om tho.


HK: Zawm thei vek e...

kum 30 chuang Judaism kan nih hnu pawhin Mizoram ah kan la awm a, kan zawm thei vek.

a harsa lo,

a tihdan detail chu chipchiar zawkin hun dangah sawi ta ila...

nangma chanchin ka zawt duh che...

aw??


SENA: Ole, k inring e.


HK: eng vangin nge? Judaism chanchin min zawhna chhan dik tak?

Kristianna ah rinhleh i neih vang nge?

Rinhlelh tih chu,, duhthu sam tawk lohna

??


SENA: Ka thlarau nun hi ka ngai poimoh ber vang ani.. kristian sakhua poh zom har ka tih toh nak lai a, ka rilru i tibuai ani, thianpa


HK: Dan leh thupek zawm a ngai...

mahse, hei hi harsa angin lang mahse

kan hriat hnem poh leh a awl samin

a lo nuam let zawk..

Kristianna ah chuan dan a awm lo ti ila, kan sawi sual tam pui lo ang

abikin sakhaw dan ah.

mahse, i duh phawt chuan... Judaism i rawn chhim duh anih chuan, engtik lai pawhin, pui thei reng tur che in ka in huam ang.

Israel a i rawn pem thlengin.

tin, tuna zawhna emaw, i zawh hmaih emaw, la hre chiang tawk loa i ngaih ang zawng zawng kha, ziakin dahtha la, E.mail ah emaw, min rawn thawn la... ka lo chhan sak ang che...


SENA: Juda ka nih pon mizoram atangin ka juda ka ring..mahse, ka zot phot ang che nitin in.


HK: hun nei thin la, Shabat zawh zan ah hian ka LIVE program ah hian lo tel ve thin thei la ... tawng ka in rawn chhang thin ta che ila,

a tha ngawt ang..


SENA: Ole, i fel in i tlomgai tak zet ani..zanin chu zuruih ai pon ka lu a hai zok lom le kan thu soi chu. Mu toh mai roh naktk tih tur te i nei ang..kei cu sakhuana dik chungchang inkomna ah cuan ka chau ve gnai lo in, ka mut te hi a chhuak ve gnai lo in ka sia.


HK: ka mut ala hun lo

hahahaha

nangmah zawk kha

tunah sipai ah i awm tiraw?


SENA: Aw, awm e..ka batry a zoh hun ah ka ron reply thei donlo ce a, cumi hun thleg cu inkom maiag o.he3

Khua ala thim lo ami? Ha3


SENA: A hreom tei ltk. Hindu mandir ah te inkhom ngai thin a..a chang chuan kan tan vanram kong a om ve lo in ka hria..


HK: hhaha ava zia lo vee

an tilui cheu a mi a?

India ram te chu Sakhaw zalenna ram ani si a, hnial ta che.


SENA: Ka inen a, kei poh ka tha bik si lo a, pakhat ah fihlim ila a dang kan tihsual leh tho chuan vanram kan ta ni don silo a...kan tan poh mosia dan kha ala thi bik hleinem.


HK: Tihian sawi a awm a, "P-thian khawnvar chu mihring nunna hi a ni", chutiang ang chiah chuan, Khawnvar ala alh teng teng chhung chuan thim thamah thil ala zawn hmuh theih.


Kan nunna hi ala nun chhung chuan amah chu kan la zawng hmu thei... a ni.

lungngai mah ta che bro...

P-thia hian he leia kan awm chhung atan hian kut leh ke thuak te min pe a, ama tana kan hman turin....

chu chu ama ropui nan, ama tan kan hman hi a nghak reng a

P-thian in min hlat emaw kan tih thin hian, kei mah nin kan lo hlat zawk tihna a nia,

chuvangin, amah kan zawn hmuh a, ama lama kan kal theihna tur chuan, a thil thlawn pek Chhia leh tha hriat nana min pek kan thuak hmang te chuan amah chu kan zawng hmu thei a ni.

aman min rawn zawng hmu tur a kan inngaih chuan, ngaih dan dik lo a ni... amah aia ropui kan ni si lo.

Kan aia ropui chu kan pan zawk thin ang hian... amah lalpa lam chu kan pan zawk a ngai a ni.


SENA: Lo kal u lang chanchintha chu lo hril ta che u.. in tanna a dik in tih tak2 chuan, in leh lo te, in chhugkua te kalsan in chanchintha chu hril ta che u..ticuan a dik zok chu lo lang don alom..


HK: nangma ngaih dan ang nei hi ka tawn chinah tumah an la awm lo.


a tira ka sawi ang khan,,, rinna hi an pianpui a, an than hnan puia, titi pui theih an awm lo...

an chhia leh tha hriatna hmanga titi pui theih an awm lo.

chhungte ho pawh ... an rinnaah an nghet bur a,

sawh sawn theih chi ani lo.

an mah nin an rawn ngaih ven hun kan chang thin a,

mahse, a thleng thei si lo,

tin, thian te ho, thu min rawn zawt thiin ho pawh hi, an mahni sakhuana a an hriat chian duh thil... min rawn zawt thin,

mi thiam tak tak, Judaism chanchin pawh chhiar nual an tam a, mahse, an rilru chhungril ah hriatthiamna thinlung (ti mai ang) a awm lo... prove sak vek mah ila an rinnna (faith) ah an cheng nghet lutuk.

a awm zia chu.... Mitdel hnena rawng awm zia hrilh tum talh ang an ni.


SENA: khua avar ta e,


HK: Keimah vangin i lo tlaivar ringawt a, duh tawk rih ang ka tih pawhin i phal lo vei a, min puhmawh thei miah lo a ni.. hahah


SENA: India army chu displine ah no1 an tih ka male. he2 comand ah ka om a, ka om nuam hrih ltk lom...ka rinna hrechiag tur te cuan taksa hreomna leh mutcuak tih vel hi a om gai hleinem

Ka traning lai phei cuan min soisa nasa in, ka mu mag gai hleinem..luak borh2 te hian min hrem thin.he2


HK: hahah van khongaihthlakom tak.


SENA: Ole, kan xuk rollcl ve toh nge..mizotog ngei a zohna han inzoh chu ava nuam ham ham ve.he2


HK: hehe nuam deuhvin vawiin ni i hmang dawn nia

kan tawngin 'Behatslakha = Good Luck'



* Thian pa SENA zawhna - Click here

Categories: Judaism, Article, Emuna, Rinna lam

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments