HAKHOKHMA Post Post New Entry

Rabbi Eli Ben Dahan hnena zawhna zawh

Posted by hakhokhma on January 18, 2013 at 8:15 AM

HAKHOKHMA Editor in Harav Eli Ben Dahan Shlit"a Ex.Head of the Conversion leh 'Habait Hayehudi Party' no.4 na hnena zawhna a zawh leh a chhanna dawn te.


Moshe Ilan: Rabbi Ben Dahan hnen ah zawhna ka nei a, a hmasain Shalom le, Rav hi hun rei tak Chief Rabbinate member ani tawh thin a.


Harav Eli Ben Dahan: aw, ni tawh thin e.


Moshe Ilan: In Committee na te Protocol hrang hrang ka lo hmu thin tawh a, chung ah chuan kan hnam Benei Menashe hming sawi chhuah anih a piang hian kan huam chhungah hian Missionary te an awm ni angin sawi lan ani fo thin a, 'Yad Leakhim' Organization te pawhin an website a an tarlan ang khan, hetiang thu hi i hre thin em? Hetiang lam ka thu sawi hi Rav hian a hria em le aw?


Harav Eli Ben Dahan: Hre ngai lo, heti hian ka hrilh thei ang che, kum hnih leh a chanve lai he board ah hian ka awm tawh lova, ka sawi tawh ang khan.


Moshe Ilan: He thil thleng ka sawi hi kum 2007/2008 bawr vel laia mi kha ani a, khatih hunlai vel khan Rav hi he board ah hian ala awmin ka hria a.


Harav Eli Ben Dahan: Ka hre tawh lo, thudik ka hrilh ang che, kum 2003 khan Mizoram ka tlawh a, chuta tanga ka haw ve leh chuan Harav Amar (Israel Sefardi Chief Rabbi) leh Harav Metsger (Israel Ashkenaz Chief Rabbi) te nen kan thu khawm nghal a, chutah chuan in rawn pem theihna tur leh Israel rama Giur tih theihna turin permit pe chhuak vat turin thu ka rawn nghal a, he ka thurawn zul zui hian ka nawr zui nghal a tichuan, tih tan chhoh nghal ani bawk a ni. Tichuan, hetiang thil hian zawi zawin hun a duh rei a, Amaherawhchu, hetiang Missionary chung chang thua harsatna a awm thawm erawh ka hre hauh lo a ni. He thu hi mi tuin emaw chiang takin a sawi i tihna em ni? Nge ni a, i rin thu zawk?


Moshe Ilan: Website hrang hrang ah kan hmu a, ka sawi tak ang khan, 'Yad Leakhim' ho website ah pawh tun thlengin ala awm a, tin, 'Khadrei Kharedim' ho website ah pawh a awm bawk.


Harav Eli Ben Dahan: Article chu Rabbinate ani lo, hei hi thil hran chi hnih an ni.


Moshe Ilan: Hei hi chiang takin Rabbinate nen inzawmna a nei a ni, achhanchu, khatih hun lai khan Harav Dov Lifshits Zatsa"l 'Yad Leakhim' Chairman pawh vawi duai lo Harav Amar Shlit"a (Chief Rabbi) nen he thu ah hian an inbia a ni.


Harav Eli Ben Dahan: Chutiang ka hre ve lo, Harav Amar-a chu hetiang hian ka sawi thei ang, Knesset Member Uri Ariel pawhin a sawi ang khan, Harav Amar (Chief Rabbi) chu hruai luh in nihna tura thlawp leh tan em em tu che u a ni tih hi.


Moshe Ilan: Chuti anih chuan, tunah hian Chief Rabbinate nen hian inzawmna eng emaw in la nei em?


Harav Eli Ben Dahan: Inzawmna chu nei e, amaherawhchu official tak lem lovin.


Moshe Ilan: Chuti anih chuan, inzawmna eng emaw in la neihna denchhen chuan zawhna dang leh ka nei a, tun hnai ah thu thang pakhat a awm a, chu chu Benei Menashe te hi an in Giur dawna Beit Din an hmachhawn hun ah an tan bik, a bika zawhna hran an siam tih ani a, he thu hi a awm ngei ani tih i sawi thei em?


Harav Eli Ben Dahan: Kei mah leh kei mah ah pawh ka rin dan mai maiah chuan chiang takin Benei Menashe te in Giur na leh mi tute emaw Sweden atangin emaw, Peru atanga lo pem te leh hmun hran hran atanga lo pem Judaism nena inkungkaihna nei ve lote nen chuan in in Giur na hi a inang lo hrim hrim dawn a. Mi zawng zawngin an hrethiam a, he thu hi ka hrilh ang che Rabbi te zawng zawng hian Benei Menashe te hian Judaism ah inkungkaihna thuk leh nghet tak in nei ani tih hi an hrethiam a, hei hi thil thar inkaihhnawihna awm lo phuah chawp pawh ani lova. Eng vangin nge Giur hi paltlang kher a ngaih? Kan tih chuan, achhanchu kum tam tak a vei tawh a, Harav Ben Khamu in a sawi tak ang khan tunhma lama in chhuan hmasa lamah khan Juda mi nilo te nen inawm pawlhna a lo awm tawh maithei a, chumi vang mai chuah chuan a ni. Amaherawhchu, mi zawng zawngin a lungphum chu an pawm tlang vek a ni.


Moshe Ilan: Rav hian ka thu sawi zawk hi a hre thelh deuh emaw ni chu aw?


Harav Eli Ben Dahan: Zawhna khirhkhan zawk maw i sawi tum a chu?


Moshe Ilan: Aw ni e, a harsa zawk leh rinhlelhna kai zawk.


Harav Eli Ben Dahan: Ni lo, nilo, i hre dik lo anih chu. A awl let zawk a ni. Chutiang thu chu awih re re suh, enge ni ta thut a?



Tsvi Khaute: Moshe lo ngaithla teh, kei hi kum 2001 atang khan Benei Menashe te in Giur na turah hian ka lo inrawlh thin tawh a, za a 80 vel hi Rabbi hote nen hian ka lo thawk ve tawh thin a, an tawng te ka leh sak thin a, Rabbi hote zingah hian an mahni zinga mi ang maiin ka lo tal hnem tawh a, tuna zawhna i zawh hi chu zawhna pawh a ni lo. P-thian zara karleh maia in Giur na awm turah hian tawng let turin ka sawm dawn che nia. A tha em?


Moshe Ilan: Thla la tur emaw, rawn fiah chiang tur zawk in le…


Categories: Politics, Kehila, Community

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments