HAKHOKHMA Post Post New Entry

MP Uri Ariel hnena zawhna zawh.

Posted by hakhokhma on January 18, 2013 at 6:25 AM

HAKHOKHMA Editor in MP Uri Ariel hnena zawhna a zawh leh a chhanna dawn te:


Moshe Ilan: Tun tum ami ang chiah tho hian kum 4 kalta inthlan hma khan nangma ho hian inhmuhkhawmna kan lo nei tawh a, tun tuma i intiam ang chiah tho hian, khami tum pawh khan thil chi hrang hrang kha min lo tiam tawh a, tun in term kum 4 chhung hian nangma bikah kan (Kei ni Benei Menashe) tan enge thil tih i neih? Mizorama i va zin tih mai chauh loh kha?


MP Uri Ariel: Hetah hian heti hian zawhna min zawt a, kum 4 kalta chhung khan enge kan tih? Tiin, kum 4 kalta chhunga kan thil tih chu ka han sawi poh ang e. Michael Freund leh Rabbi Eli Birnbaum te leh Shavei Israel mi leh sa hote nen kan inbe chhunzawm reng a, Tin, Kiriat Arba council hotute leh Beit El council hotute nen leh hmun dang dang amite nen pawh. A bik takin heng hmun pahnih amite hi ka be pawp reng a. chung hmunah te chuan welfare budgets lamah kan tanpui a, achhanchu, mamawh a awm e an tih vangin a ni a, thu tithlu tu ka nil ova, thu tithlu tu chu Council Chairman (Rosh Hamoatsa) ani a, ani chuan enge a mamawh a hria a ni. Tin, Ministry of Absorption lam pawh Program fel tak a awm theih nan a hma lama mi ang ni lovin kan pui a, heng hi tam tak a ni, thil tam tak erawh an belh lem lova, amarawhchu, tlem a zawng erawh in hnam lo dawn sawn nan hian an belh thung a ni. Tin, ka sawi a chu kan tum a, amaherawhchu, hei hi kan la hlan chhawng hlawhtling lova, chumi chu lo dawnsawn na tur cheu mumal taka Program duan fel tak ani, tuna ka sawi chu.



Achhanchu, enge sorkar in a sawi? Ministry of Absorption chuan heti hian a sawi a, Benei Menashe te hi pem thar pangai ang an ni e tiin a sawi lova, entirnan, Ethiopian pemthar te an ang lova, tunah hian, chu chu a dik lo ani tiin ka hrilh a ni.


Moshe Ilan: Enge a inan lohna?


Uri Ariel: Hei hi a dik lo tiin ka sawi a, Benei Menashe te hi Falashmura te nen an inang lo tih hi thil dik a ni a, chuti chuan lo ngai phawt ila atha em? Achhanchu, Falashmura hote chu engmah nei lo tak meuh meuhvin an lo kal a, P-thian zarah nangni erawh chuan in mi then khat te chu tam vak lemlo nei te in ni hlawm a, mahse, thil chu a awm a ni. Heti hian ka sawi a, Program hetianga siam tur hian England atang alo kal te leh, heng England atang alo kal te hi chu an in relbawl fel thei tlangpui a, Ethiopia atanga lo kal te engmah neih nei lo te nena an inkar ami tur, nangni ho tan hian ruahmanna feltak duan angai ani tiin, Chuti anih avang chuan in tan hian special program siam angai ani tiin, hetiang program ang hi Ministry of Absorption te nen kan ti tan mek a, amaherawhchu, finance ministry lamah kan la thehlut hlawhtling thei lova, P-thian zarah…


Moshe Ilan: Kum 4 chhung hian Finance Ministry ah chu chu in la thehlut thei lova maw? Enga ti nge ni a?


Uri Ariel: Thei lo, achhanchu, opposition ah kan awm a, nilo, thil hriat a ngai, Opposition ah tun kum 4 chhung hian kan awm a, Opposition ah chuan thutlukna i siam thei lova, Minister te hnenah i ngenin i dil thei a, Minister i nih miau si hek lo. Opposition leh Coalition danglamna in hria em? Tun tumah hi chuan P-thian tanpuinain Coalition ah kan luh kan inbeisei a, sorkar ah kan awm ang a, chutah chuan Minister te kan nei anga, chung te hnenah chuan kan dil thei tawh dawnin, thu kan titlu thei thung tawh dawn a ni. Hei hi a inan lohna chu a ni. P-thian tanpuina a zarah kan len zawh poh leh Netanyahu chuan a sorkar ah min la lut ang a, chumi huna kan hmaraw neih te hmang chuan hma kan la thei dawn a ni, tichuan thil chu a tha mai ang.


Moshe Ilan: In Party "Habait Hayehudi" leh "Likud" Party te inkar ah hian enge maw inremsiamna Netanyahu-a Coalition ah in lut ve ngei ang tiin thu a awm tawh em? Nge, engmah ala chiang chuang lo zawk?


Uri Ariel: Aw, inremsiamna chungbang chu awm e, chu erawhchu thil pawimawh ani hran lova, hei erawh hi chu inthlan hun atan ni se.


Moshe Ilan: Hei hi kei ka hmuh dan mai maiah chuan hetiang ang ngawt hian alang lo ka ti, achhanchu, tun hnaiah hian in party pahnih te hi in inkheuhbeuh na thu ringawt hi a tlang thang a, inbiak remna lam aiin.


Uri Ariel: Chu chu a dik lo, thil dik tak ka sawi ang. Tun dinhmunah hian inbiakremna pakhatmah a awm lova, Sorkara awm chu kan duh a lawm, mahse, Bibi-a pawhin a duh ve angai a ni. Min lo ngaidam lawk la, Mr.Prime Minister-a ani zawk e, statehood deuh takin kan inbiak lai ani a, chuti anih loh chuan kan lut ve dawn lo a ni. Tu hming mah kan tihliau lova, ngaithla chiang rawh, tumah, Likud ani emaw, tu party mah kan sawi chhe lo ani. Enga ti maw, kan tih chuan? Achhanchu Rabi te thu angin tu te mah tih hliau leh sawi chhiat lam kan ti ve lo a ni. Enge namgmah i thatna laia kha insawi kan ti zawk a, chumi a chu a chhiat na lam sawi lovin. Tumah kan tina lova, Tv hrang hrangah leh Internet in duh na lai laiah in en kual thei ang, mi pakhat tal pawh kan tihnat loh zia in hmu thei ang, achhanchu, keini chuan Rabbi te thupekna kan nei a, Torah thupek , tumah hi an chhiatna lai sawi sak lo turin. 'Bait Yehudi' hi min vote rawh u tia kan sawi duh chuan kan thatna lai te kan hrilh thin zawk a ni. Tichuan, a tawpah tupawhin an duh thlanna lamah chuan thu an titlu ta thin a ni.


Moshe Ilan: Coalition a thu ngei tura anga tuna i sawi ang hian, Camera hmaah ka intiam e i tih ang, pem thar belh zel na tur ah ka pui ang i tih ang hi lo ni dawn ta ang se, hemi tur atan hian ruahmanna ataka kalpui dan tur thil duan i nei tawh em? Nge ni a, a hma ang tho khan, boruaka intiamkamna thu mai mai em ni leh pek zawk? Kum 4 dang lo awm leh turah tun ang tho hian, intiamkamna thar nen chhuanlam eng eng emaw siamin kan inhmu khawm leh dawn em ni ang?


Uri Ariel: A tha e, zawhna ka sawifiah nawn leh ngai min zawt a nih hi. Coalition ah kan awm chuan hma kan la thei ang. Program chu ka sawi chiang tawh a, kum khatah mi 100, mi 200 lakluh hi a ngai tiin kan ring lova, hetiang lama mithiam, atimi te lakkhawm a ngai a, chung te chu Ministry of Absorption mi leh sa te, tin, Shavei Israel mi leh sa te, heng te hian a theih e an tih chuan, mi sang khat hruai tur an tih chuan sangkhat chu kan hruai mai ang. Kum khat ah mi sang hnih hruai tur an tih leh sang hnih chu kan hruai mai ang. Ethiopian ho an tih anga tam lam leh hunbi tiam chin neia an hruai ang kha, khatiang ang kha kan duh ve lo va, a rang thei an bera hruai luh hi kan duh a ni, a chhanchu an awmna hmunah hian an tuar hle tih kan hria a, chutiang ang chiah chuan hetah pawh hian chutiang chu kan sawi a ni. Hetiang lama mi thiam te leh a timi ten ti tura min hrilh ang zelin kan ti ang a, ka mita chutiang mi timi te chu Tsvi (Khaute) te, Shavei Israel te, hetiang lo buaipui reng tu te an ni a, an nin a number zat min hrilh chuan chu chu tih mai tur a ni. Hei hei ruahmanna chu a ni.


Moshe Ilan: Sorkar thar siam anih hnuah he i ruahmanna hi engtik vel ah nge a puitlina kalpui theih anih ang?


Uri Ariel: Nilo… hei hi chu Tsvi (Khaute) in a sawi a ngai, mi eng zat nge kum khat ah hruai theih ni ang? (Tsvi Khaute lamah zawhna hi a hlan chhawng a..) I ngaih danin? Eng zat fakau nge hruai ngai ang?



Tsvi Khaute: A hmasain, Coalition ah kan lut phawt ang a, tichuan, thutlukna kan siam dawn nia.


Categories: Politics, Kehila, Community

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments