HAKHOKHMA Post Post New Entry

Jeremy Gimpel'a Rav Avichail'an a ngaih dan

Posted by hakhokhma on September 9, 2012 at 3:15 PM

     Motsaei Shabat (8/9/2012) khan 'Shavua Tov Program' neihna Hk_Channel ah LIVE in Rav Avichail'a hnenah tunlaia Politician Jeremy Gimpel'a (Habait Hayehudi Party) in Benei Menashe te min rawn rimna chungchang thua amah Rav ngaihdan kan zawtna a chhanna te i han en teh ang.


    Rav Avichail-a chuan hepa (Jeremy Gimpel) hi ka hnenah a lo kal a, min rawn bia a, tunge anih , enge a tih thin tih te min rawn hrilh a, Brakha min dil bawk a, Brakha te chu a mi dil angin ka lo pe a, mahse, hei hi amah chu ka support e ka tihna lam vang ani lo. Amah chuan Tv ah English a program a neih thin thu te min hrilh a, chuti anih chuan, Benei Menashe tanpui a duh chuan pawisa hmangin a tanpui theih cheu chu ka ring a, a tha alawm, mahse, tunhma lamin amah in hriat ngai loh ang bawk khan kei pawhin ka hre ngai bik lova, chuvangin, tunah Kneset a seat a chan theih nan a rawn rimin a rawn bia cheu a ni mai a ni.


     Tanpui a inhuam cheu chuan a tha a, mahse, thinlung zawng zawng a rinna peka "Awle tunah chuan Benei Menashe te harsatna zawng zawng laka min pui tu tur kan nei tawh e", tiin in rinna zawng zawng erawh chuan innghat nghet suh ang che u, achhanchu, Dati Party an ni a, mahse, kan hriat angin thuang hnihin an awm a, Dati leumi ve ve si engati nge party pahnih a awm? kan tih chuan, an Kavod theuh kha an lansarh tir duh vang a ni mai a, chuti ni lo se, hmun khatah awmin Sakhawmi Party anih angin an hotu emaw hruaitu turin Thlarau lam hotu an nei tur a lawm, Shas Party te chuan Rav Ovadia an nei a, tu mah midang rawn ngai lovin, Rav Ovadia thu thu angin thil an ti a, khatiang tur kha a ni a, Dati Leumi ah ve thung chuan Party pahnih (Ikhud Haleumi leh Bait Hayehudi) mai bakah Likud ah pawh Dati Leumi an awm a, mahse, an nihna leh an thutna hmun chungchang thua an dinhmun thatna tur a nih dawn chuan Torah leh Thlarau lam thu aiin an pute, mi thil tithei te thuin an mahni ah kawngro a su nasa zawk a, chuvangin, kei chuan heng mite ah hian rinna ka nghat ngam lo a ni.



Moshe Ilan : Anih leh Harav Hilel Horvits Khevron ami pawh hian Benei Menashe te a rawn rim ve tho a, enge i ngaih dan le?


Rav Avichail : Chupawh thuhmun bawk, tunhma lamin an hre ngai lo che u a, tunah inthlan a hnaih avangin an rawn hmelhriat cheu a nih hi.


    Tunah hian Harav Dov Lior leh Harav Tau ka bia a, Dati Leumi ho hian Kneset ah kan mi leh sa te an awm ve a, kan thu leh kan duh ang tuma tihnghing theih loh turin, Shas party te ang hian hruaitu tur Thlarau lama Hruaitu tur neih ve hi a tha ani, chuvangin, chutiang chu i siam ve ang u tiin ka bia a, mahse, he thu ah hian Sefardim ho ten Zionist Sakhawmi party chu a Ashkenazi lutuk an tih lohna turin Harav Bakshi Doron (Ex Chief Rabbi) pawh ka sawm a, mahse ani chuan a inrawlh duh loh thu min hrilh a, tunah hian chutiang tur chu ka zawng mek a, enge a an chhoh zel dawn ni, chutiang lova, hruaitu, Thlarau lama kaihriautu tur kan nei thei dawn lo a nih chuan, kan mi vawrhchhuah te kha Politician ah an chang chho zel dawn a, chuvangin, Zionist Dati hovin thil chi 4 kan hmatheh tur huai taka keng ngam thei tu an nih na turin chutiang anga Thlarau lam hruaitu chu kan neih angai a, chutiang kan nei dawn lo anih chuan awmzia aneiin kei chuan ka hmu lo. Chu thil chi 4 te chu (1) P-thian rinna Emuna, (2) Shmirat Torah (3) Am Israel te ngaihtuah (4) Erets Israel Shlema... hetiang Arakhim chi 4 te khauh taka keng ngam an nih dawn loh chuan Hruaitu tling an ni ngai dawn lo a ni.

Categories: Politics, Kehila, Community

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments