HAKHOKHMA Post Post New Entry

Kiriat Arba ah kum 5 chhung in awm thei lo ang

Posted by hakhokhma on May 3, 2012 at 11:20 AM

אסור לכם להתגורר בעיר האבות שבקריית ארבע למשך 5 שנים מעלייתכם

Shalom,


         Zawhna zawh lawk che ka duh a, ka tana minute hnih lek i hun min siam sak theih chuan ka lawm ngawt ang.


       Tun hnaiah tun atanga reilo tea Aliya awm tur thusawi sep tam tak kan lo hria a, chuti anih avangin in thil tihna Mitsvah lian tak ah hian thinlung takin malsawmna leh hlawhtlinna kan hlan duh cheu a.


     Chuti anih rualin, in Organization hian rampawna kan unau la awmte hnenah lehkha mak leh tlaktlailo tak intiamna thu in sign tir ani awm a. Chutah chuan 'Kum nga chhung vel an Aliya atanga kan Pu te khawpui (Kiriat Arba), an mahni (Kan pute) avanga Ramtiam kan neih nachhan, kum tam kan lo tahpui tawhna hmuna cheng thei lo tura thu sign tirna' ani a.


    Thu tam leh titi tam a len hma hian, he thu tiamna sign tirtu Organization Chairman i nihna angin zawhfiah che ka duh a, hei hi eng chungchang nge ni a? Eng vang nge ni? tiin.


    I mi chhanna thu a rang thei ang bera ka dawn theih chuan ka lawm ngawt ang. Achhanchu kan community mipui ten he thu hi chhui chiang leh zawt fiah tura min ngenna angin hei hi mipui vantlang hriata thehlar leh vat anih theih nan, i chhanna kan lo beisei reng e.



Editor 'HAKHOKHMA'

Moshe Ilan

2/5/2012


(Hei hi Shavei Israel Organization Chairman Mr Michael Freund hnena e.mail kan thawnna thu a ni.)

------------------------------------------------------------------------------------------------------------------------

(A rawn chhanlet na)


Shalom,

    Moshe, i mail chungchangah lawmthu ka hrilh a che.


     Hemi mi i thu sawi chungchang thu hi ka lo enfiah a, vawiin ni la la hian thupek khauh tak pein, chutiang intiamtirna thu chu sign tir lo turin tuchhuah ka siam nghal a ni, chutiang thu chu alo awm ngei anih chuan.


   Kiriat Arba community mipui te hi mi fel leh duhawm tak tak te an ni hlawm a, chutiang ang hawi zawng chuan chutiang thu chu mipuite hnena sign tir chu thil tih atana mawi lo a ni. Tin, hetiang lam hawi zawng thil hi i hre leh anih chuan, min hriattir ve zel chuan ka lawm ngawt ang. Tin, kan pute an khawpui hmun ngeia phum te zarah ngei hian Benei Menashe zawng zawng te hi arang thei ang berin kan ramah ngei hian kan hmu vat dawn nia.



   Malsawmin.

Michael Freund

    3/5/2012

--------------------------------------------------------------------------------------------------------------------------------------


HAKHOKHMA: He thu chungchang hi Israel rama Benei Menashe mipui ten kan lo hriat veleh khan mipuite'n mak kan tiin, ngaihdan leh rindan hrang hrang kan phuhchhuak hlawm a, chuvangin, hei hi nakin zela sawizui leh zeldin thubawl hmanga sawi zui vak vak anih loh nan, a hma lama kan rindan ang te kha zawt fiahin Kiriat Arba Moatsa lam te leh zawh theih awm awm kan han zawh kual hnuin he Shavei Israel Chairman lehkha hian a tifiah ta vek a, hei hi an hotupa ber pawhin alo hriat pui loh anih avang hian ahma lama kan rindan ang Sorkar lam an ni emaw, Misrad Haklita an ni emaw, Kiriat Arba Moatsa lam leh mi dang thiltih nilovin, an mahni Shavei Israel hnuaia hnathawkte'n an Pu te phena , an pute hriatlohva community mipuite laka mahni interes ngaihtuahna avanga hetiang thu chhe zet lo sign tir vel mai mai ani tih chiang taka hriat ani ta e.


    Hetia kan han zawhchhuah hian kan thil tum leh duh ber chu, he thu avanga buaina chawhchhuah lam thu emaw, Alyia na tur lo tihthuanawp sak lam thu a ni lova, nakin zela kan hnam chungchang thua mi ten min zuam phah lohna tur leh tunlaia Israel rama hluar em em 'Haflaia' (inthliar bingna) lama kan inawh tan ve lohna tura rang taka hma laka, chinfel nghal hi kan tum a ni a, atira kan ngaihdana pawn lam atanga kan chungchang thua hetiang thil hi an ti anih kan rin ang kha lo dik phei se chuan kan sa hle tur a ni a, amaherawhchu, he thu hi pawn lam atang ni lovin, keimahni Benei Menashe mi  thil tih ngei alo ni tih kan hriat hian kan zakin, kan hotu, pawn lam atanga min rawn ngaihsak tute lakah pawh a inthlahrunthlakawm kan tiin zahthlak kan ti a, chuvangin, hetiang thil tenawm tih hi kan hnam hian inthuruala, a sarhu lai hian luakchhuak ngam ila kan ti hle a, amaherawhchu, hetiang thila mawhphurhna la tu tur kan hnam hian hotu hrang hrang kan neiin pawl hrang hrang pawh kan nei ve nual a, chung mi hote chu tun ang hun, kan HNAM HNUK KHAWIH THIL tihchingpen leh tih 'Mevaze' (tham lohna thil)  a a awm hun atana hnam mipuite tana ke penchhuak tu tur ah kan lo beisei in kan lo thlir reng a ni.


      He thu chungchang hi Kiriat Arba Moatsa lam atanga thu kan dawn belh zel danin Rosh Moatsa Malakhi Levinger chuan he thu hi a hriat rualin a sa khawp mai a, a inhrosa nasa hle mai a ni awm a, chu veleh Khaver Kneset (MP) Otniel Shneler (a ni hi Shavei Israel te hmelhriat tha anih na angin) a hrilh nghal a, Khaver Kneset chuan Michael freund a zawt nghal a, tichuan, Michael-a chuan " He thu hi ka hriatpui lovin, hei hi Mr Tsvi Khaute in ama pual liau liauva a lo sign kual tir ani, chuvangin hei hi cancel nghal turin thu ka pe bawk" tiin a lo chhang a ni.


    Kiriat Arba Rosh Moatsa chu a thin a rimin, "Israel ramah hian kei chauh hian Sorkar atangin Benei Menashe te tana Taktsiv (Sanction) dil chhuah saka ngaihsak tu ka nih hi, engvangin nge hetia ka khua a lut lo tura hming chhe taka ka khua chungchang thuah thil an tih ni? Rosh Moatsa ka nih tirh atangin an duh leh an thil dil ang apiang pek lohvin ka chhuah sak ngai lova, an hnam hi ka ngaihsakin an hamthatna tur tinreng ka buaipui sak lovem ni? engati nge Shavei Israel, an mahni buaipui tura kan khuaa kan rawih ten chutianga thil an tih ni?" tiin a inhrosa nasa khop mai.


    Tin, Rosh Moatsa hian kan hnen ah ngenna a siam bawk a.. chu chu, "Mizoram lamah te Shavei Israel te hian Kiriat Arba Rosh Moatsa chuan kan (B.Menashe) hmingin Sorkar atangin pawisa (sanction) a dawng a, chung te chu thil dangah a hmang leh hlauh zel thin, tiin an hrilh tih thu kan lo hria a, he thu hi, tu sawi nge? tih min lo finfiah sak theih chuan kan lawm ngawt ang." tiin, min ngen bawk a, chuti anih avangin, hetiang thu sawi thawm awm hi chiang deuh zawka  lo hria in awm chuan, min hrilh thei ula a lawm awm ngawt ang, thudik haichhuaha finfiah hi kan tan a tha a ni. *Hetah hian min hriattir thei ang.


---------------------------------------------------------------------------------------------------------------------------------

Categories: Kehila, Community, News, Politics

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

3 Comments

Reply hakhokhma
8:57 AM on May 6, 2012 
Tin, Rosh Moatsa hian kan hnenah ngenna a siam bawk a.. chu chu, "Mizoram lamah te Shavei Israel te hian Kiriat Arba Rosh Moatsa chuan kan (B.Menashe) hmingin Sorkar atangin pawisa (sanction) a dawnga , chung te chu thil dangah a hmang leh hlauh zel thin, tiin an hrilh tih thu kan lo hria a, he thu hi, tu sawi nge? tih min lo chhuichhuah sak theih chuan kan lawm ngawt ang." tiin, min ngen bawk a, chuti anih avangin, hetiang thu sawi thawm awm hi lo hria in awm chuan, min hrilh thei ula a lawm awm ngawt ang, thudik haichhuaha finfiah hi kan tan a tha a ni.
Reply hakhokhma
8:16 AM on May 6, 2012 
He thu chungchang hi vawiin (6/5/12) lama Moatsa lam atanga thu kan dawn danin Rosh Moatsa Malakhi Levinger chuan he thu hi a hriat rualin a sa khawp maia, a inhrosa nasa hle mai a ni awm a, chu veleh Khaver Kneset Otniel Shneler (a ni hi Shavei Israel te hmelhriat tha anih na angin) a hrilh nghal a, Khaver Kneset chuan Michael freund a zawt nghal a, tichuan, Michael-a chuan " He thu hi ka hriatpui lovin, hei hi Mr Tsvi Khaute in ama pual liau liauva a lo sign tir ani, chuvangin hei hi cancel nghal turin thu ka pe bawk" tiin a lo chhang a, Kiriat Arba Rosh Moatsa chu a thin a rimin, "Israel ramah hian kei chauh hian Sorkar atangin Benei Menashe te tana Taktsiv dil chhuah saka ngaihsak tu ka nih hi, engvangin nge hetia ka khua a lut lo tura hming chhe taka ka khua chungchang thuah thil an tih? Rosh Moatsa ka nih tirh atangin an duh leh an dil ang apiang pek lohvin ka chhuah sak ngai lova, an hnam hi ka ngaihsakin an hamthatna tur tinreng ka buaipui sak lovem ni? engati nge Shavei Israel an mahni buaipui tura kan khuaa kan rawih ten chutianga thil an tih ni?" tiin a inhrosa nasa khop mai.
Reply DZ
12:50 PM on May 3, 2012 
I ti tha hle mai Moshe tin khitian mai lo an alyah hun a kan unau lo kal te an enkawl dan tur tha ni a hriat te poh hi advice ta i lang tha tho lo ang mo te ka ti deuh mai mai.