HAKHOKHMA Post Post New Entry

Afula unau te politician ten rim

Posted by hakhokhma on March 30, 2012 at 12:55 AM

KAWL ENG KAM CHHUAK

Tun \um chu Party in ruih chilh dawn chhin ang u hmiang!! Eng tak ang ang maw!!


    Kar hmasa (ni 1/1/2011) Kawl eng chhuak a kan chhiar ang khan Afula Bnei Menashe te chuan Israel Sorkar Party pakhat an zawm ve a, Israel hmun tin hmun tang a cheng Menashe fate pawn hetiang hun hi kan la tawng tlang ve vek ang a, Ne, min tanpui tu leh kan hmasawnna tur kawng a hma min lak sak tur chuan Israel Political party pakhat tal chu kan zawm ve a, anmahni mi leh sa a tel ve a, \hat lai leh chhiat lai, harsat leh lawm hun ah pawh anmahni zing a mi ang a awm ve a, rinawm tak a thiltihna kawng engkim a tel ve chu ngaihdan \ha tak leh ropui tak a ni a. Chutiang a Party bei bikna leh member nih ve ngeina kan neih chuan kawng engkim ah min \anpui in kan hmasawnna zel tur kawngah pawh nasa takin min tanpui dawn a ni.



     Amaherawh chu Party kan zawm dawn a nih rau rau paw’n kan hma lam hun thlir ran a Party kan vehthlek a ngai ngei ang!! Kan hmel hriat tha ten, ‘Kan Party ah ngat le’ min tih vang mai a kan hriat chian hleih loh Party kan zawm ang tih a hlauhawm a, kan hun lo kal zel tur a kan hmalam hun thlir ran chungin Party kan thlang thiam tur a a ni. Tunlai Israel Political Party zing a Menashe fate’n kan zawm loh tur Number 1 ah chuan ‘Kadima Party’ hi a ni awm e!! Rilru a lo awn deuhna kan nei anih paw’n chiang takin he party hi hriain, tute nge he party hruaitu te leh enge an policy tih chu hre tlang ila chuan rang thei ang ber in hla takah kan tlan bosan thuai ang tih chu hai rual a ni lo.


     Lo bihchiang dawn teh ang: Kadima Party din tu chu Ariel Sharon former PM a ni a, ani chu Gazza strip (Gush Katif) Khamas terrorist hnen a petu a ni nghe nghe!! Amah avang in mi sang tam takin In leh Lo leh eizawnna an chan phah a, mitam takin an nunna chan in leh chhungkua chhiat phah tam tak an awm bawk a ni. Gush Katif chu Israel ram tha leh hlawhtlina ber hmun pakhat leh keini Bnei Menashe te tan phei chuan a aia hmun nuam awm lo khawp a kan lo tlang nelna leh nuam kan lo tihna hmun a ni. Israel mipui tak tak in tap chunga khawngaih an dil lawm lawm chung pawh a chu an dilna chu ngaipawimawh lo a, Nunrawng tak a an In leh lo pek sak tu chu he Kadima Party din tu hi a ni. A hnuah Ehud Olmert-a’n Ariel Sharon a hi a damlo avangin a thlak a, Ani Ehud Olmert-a pawh hi keini Sakhua ho leh ram hmangaihtute Zionist ho hmangaihna leh dimdawina tel miah lo a naupang te te Amona khua a an Luruh khi phawk phawk khawp a Police ho vuak tir tu kha a ni a, West Bank mai pawh nilo Jerusalem khawpui chan ve leh Kotel te hial pawh Arab ho hnen a pek duh mi kha a ni. Tin, Meir Sitrit former Interior Minister pawh kha keini Bnei Menashe do leh hua em em tu a ni a, kum 2007 a sorkar in Bnei Menshe te mi 7200 hruai phalna permit a pek tum pawh a, ‘Heng Bnei Menashe inti ho hi eng atan mah anni lo, Juda pawh an ni lova, Israel ah hian kan hruai lut reng reng tur a ni lo’ ti a a minister nihna leh thiltihtheihna hmang a kan Alyiah vawiin ni thleng pawh a dang char hmak tu hi a ni. Tin, he Party hi Ram hmangaih lo leh Arab \an party annih mai bakah Sakhua mite do em em tu anni a, tun a an party hruaitu Tzipi Livni pawh hi hmanni lawk a sakhua mite diriam thei ang ber a thu tha lo tak tak chhak chhuak tu a ni bawk a ni.


    He Party ah hian Israel Politician mi dukdak lo leh eirukna kawngah pawh thu buai nei an tam em em a, Ehud Olmert pawh in a lo berah eiruk chungchang ah thubuai Case panga vel lai a nei a, tunah hian a chung thu chhui ruk zel ala ni a, tin, Avraham Hirszon Finance Minister pawh maktaduai tam tak a ei ruk avangin tunah kum engemaw zat tang turin Jail bang a zut mek a, kar hmasa khan an MK pakhat Chakhi Hanegni chu Kneset atang a ban in kum engmaw chen Politics khel thei lo tur a thubuai siam sak a ni hial bawk!! Lebanon War a kan sipai ten thi leh thau seng a hmelma an do lai a, mahni sum leh pai ngaihtuah a Bank a lo awm nileng sipai Officer (Chief of General Staff) Dan Chalutz chu, Amah vang a kan sipai te nunna chan tam tak awm a puh pa pawh kha an hruaitu pakhat a ni bawk a, Chuvang in Israel ram kan hmangaih a, Judaism sakhua leh Torah kan humhim duh a, Bnei Menashe te hmasawn leh Alyiah kan kan beisei zel dawn anih chuan he Kadima party hi chuan engkawng mah in min tanpui hi a rinawm hauh lo a, Party tha, ram leh hnam hmangaih tu leh sakhuana humhum duhtu engemaw zat a awm tih pawh hriat ve mai mai atan chuan atha khawp ang. Mimal hamthatna leh hlawkna thil te nau chu an ti thei pawh a ni mahna, kadima party MK pawh Afula khua ah a awm tih chu tlang hriat a ni a, Afula Bnei Menashe te khan in lo hmu lian rawk ang e!! Hnam pum huap thil ti tur chuan eng theihna mah nei lovin, ama Politics khelh nan leh a dinhmun siam nan min hmang duh pawh a ni reng thei a, chuvang in kan zingah bum tur zawng in a mi bumna hmang chuan Politics khel in mahni dinhmun siam nan min hman a tum pawh a ni thei, Chuvang in a la tlai chuang lo a, min rim thluk hma hian ngun tak a in ngaihtuah turin Afula unaute pawh kan ngen duh che u a, Israel a lo awm rei tawh leh chinchang hria leh ning khawng hre deuh te rawn thin hi thil finthlak tak a ni.


( [email protected])

-------------------------------------------------------------------------------------------------------------------------------

HAKHOKHMA: He Article hi 'Kawl eng' chanchinbu vol-13 (8/1/2011) a chhuak daih tawh kha a ni a, mahse, post hmasa nen hian a inchhang deuh tlat avangin, mipui ten in lo chhiar nawn leh mai mai atan kan han pholang leh e..


Categories: Kehila, Community, News

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments