HAKHOKHMA Post Post New Entry

Shabat nia Vur chungchang dan..

Posted by Moshe Ilan on February 16, 2012 at 10:45 PM

הלכות שלג בשבת


1- Sheleg (Vur) chu Muktse ani lo. (Hemi chungchangah hian ngaihdan inan lohna Makhloket a awm).


2- Vur emaw rial emaw hlawm chu tih keh sawm thiang a ni lo, hei hi thil siam leh thil piantir anga a lan vang a ni, Olive hriak leh Grape sawr ang ang anih vang a ni.


3- Vur chu tui turin no chhunga tui awmsa ah emaw, a ruak ah Sefardi chuan a dah thei a, hei hi a dan pangai a Vur chu a hnuah a tui thin vang a ni a, amaherawhchu, Ashkenazim te chuan no ruak chhungah tui turin an dah thiang lova, mahse, no chhunga tui awmsa ah chuan an dah thei.


4- Vur chungah chuan kal a thiang a, hei hi rawt sawm thianglo dan ang a ni nachungin kan thil tih chu tumna reng vanga tih anih loh vang a ni.


5- Kan kawr hak chu puan anih chuan chuta vur kai hote chu nasa taka thin thlak athiang lova, na lo te erawh chuan a thiang thung. Hei hi a chhanchu, Skhita (Sawr) thianglo danin a huam vang a ni. Mahse, kan kawr hak chu plastic leh Nylon atanga siam hlang a nih chuan na tak a thin pawh a thiang a ni.


6- Kan kawr huh leh vur kai chu Shabat ni hian Tanur (Meilum) hma leh a bul hnaiah a rona tura dah thiang a ni lova, tin, a rona tur kher pawh nilo mahse, Meilum kiang hnaia dah loh tur a ni.


7- Kawngka dala Vur a tlin khawm chuan Magav (chhuat huh kawina)  hmang emawin a hnawl kian theih. Hei hi Shabat nia Khawkherh tuboh hmanga chhutkeh thiang dan ang anih vang a ni.


8- Vur tihmum chungchangah hian ngaihdan inanlohna (Makhloket) a awm a, hei hi Shabat nia thil siam ang kan nih vang niin, thianglo ti an awm a, mashe vur tihmum chu a daih rei lovin a chhiat leh thuai avangin thiang ti an awm bawk. שש"כ leh Orkhot Shabat leh Harav Aviner te chuan thianglo an ti a, mahse Harav Dov Lior שליט"א chuan a lehkhabu ziah "Dvar Khevron" ah chuan a phal a, tin, naupang te tan phal zam lehzual ani bawk.


9- Shabat luh hmaa Vur mum lo siam lawk tawh hmang chuan Shabat nia invawm nan hman a theih a, mahse, Shabat nia siam chawp hmang chuan invawm thiang a ni lo.


10- Vur hmanga milem siam leh in sak leh thil siam chu Shabat niah thiang lo a ni.


Harav Rubi Ben Uziel.

 

Categories: Shabat, Halakhot, Juda dan

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments