HAKHOKHMA Post Post New Entry

Engtia rei nge mutthilh hun atana tha ber...

Posted by Moshe Ilan on February 16, 2012 at 9:25 PM

?מהו מספר שעות השינה הרצוי לאדם

    Mihring mutthilh hun chhung hi mitin te chungah a inang lo thluah hlawm a, amaherawhchu, mutthilh hun rei zawng atana tha ber hi a awm reng em? Chutianga kan mutthilh hun rei dan chuan kan nitin hun hman danah kawng ro tha leh kan thluak insawizawina kawngah nghawng a nei thei em?


    Awle, Harvard Medical School a Prof' Robert Stickgold hova research beihna atanga an thutlukna ah chuan mihring tana mutthilh hun rei zawng atana tha ber chu darkar 8 ani a, tin, darkar 6 aia tlem lo tih ani bawk, tin, darkar 8 aia rei mu thinte chuan an hun hlu tak chu engmah lovah an chan ani an ti bawk.


   Prof' Stickgold chuan "zana kan mutthilh lai hian kan thluak chu physical leh chemical thilin tum hnih a inthlak danglam" ati a, zan tir lamah leh zinglam kan thawh hma darkar hnih vel la awm hun laiin a ni a, heng thil pahnih inthlak te hian kan hriatrengna memory chu tichakin leh an tinghet bawk a ni. Hetih lai hian kan thluaka kan memory area (Hippocampus) atang chuan kan thluak tuamtu bawmah chuan information chu a inpe lut a, chumi hnu chuan, darkar 4 chhung velin muangchangin hriatna a insiam thar leh a, hei hi hemi ni a kan hman tur a ni a, hei hi "Chhang kan hmeh a zawi zawia a rawn puam ang mai hi a ni" tiin Prof' hian tehkhin thu a pe a ni.


    Tichuan, a tum hnihna, kan harh hma deuh, mumang kan neih tui lai vel chuan Chemical thilin hna rang deuh zawkin a rawn thawk ve leh a, tichuan, Hippocampus hna chu tawpin kan thluak tuamtu atang chuan a in la hrang ta a, tichuan, kan thluak chuan a pangaiin hna thawk lehin a hriatrengna khawl khawm sa te chu nghet leh zualin an lo awm lehta a ni.


    Prof' Stockgold chuan lekha zirlai ten an thil zir theihnghilh lova tha taka an vawn reng theihna tur leh hma an sawn pui theihna tur chu an zir hnem leh an chhiar tlauh tlauh aiin an mutthilh hun chhung chu awm ze nei leh tha taka an hman naah hian a innghat lian hle a ni a ti.


    Rambam (Rabbi Moshe ben Maimon) chuan a lehkhabu ziah "Hayad Hakhazaka" mihring nitin nun hmandan chungchang Halakha a ziahna ah heti hian a ziak a, "Mihring chuan a nun leh thlarau nuam leh tha taka a nunpui theih nan nitin darkar 8 aia tam lo a mutthilh thin a ngai ani" tiin.


    Heti hian a lehkhabu ah chuan a ziak a "Chhun leh zan hi darkar 24 a ni a, tichuan, mihring chuan chung zinga hmun thuma thena hmun khat chu a mutthilh hun atan a tawk a ni, chu chu darkar 8 " tiin.


   Thil mak tak chu kum tam tak kal taa kan Khakhamim (Rabbi) ten an zirtir chhawng zel tu Rabbi te hnen atanga thu hrilhthawina (Remez) an lo dawn zel dan, chu chu Torah inzirtir chhawn dan niin, hei hi Pardes tia kovin, Pshat (a mawl zawngin), Remez (a thawi zawngin), Drash (a thawnthu zawngin), Sod (a thuruk zawngin) te an ni a, he tuna kan sawi lai thu pawh hi Yov (Joba 3;13) atanga an lo zir chhuah a ni a, chu chu 'Ki ata shakhavti veeshkot yashanti az yanuakh li' (Chutin tunah ka mu ang a, ka hahchawl siai siai tawh ang) tiin, he chang a AZ (אז ) hi a hawrawp number tlukpui chu 8 chiah a lo ni a ni. (Hetiangin א=1 + ז=7 = 8 ).


   Heta tang hian kan Khakhamim te chuan mihring tana mut hahchawlh hun chhung rei zawng tur chu an lo zir chhuak daih tawh a, tun hnaiah khawvel mithiam Scientist te chuan he Bible changa lo in zep ru daih tawh, Juda mifing ten hman hmana an lo sawi tawh chu a prove na an rawn hai lang ve ta chauh a ni.

 

Categories: None

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments