HAKHOKHMA Post Post New Entry

Ni tuamtu kawr

Posted by Moshe Ilan on February 1, 2012 at 10:55 AM

     Midrash Bereshit ah chuan Ni khian kawr (tuamtu) nei angin a sawi a, chu thu ang chu Sam 19;4 "Ni tan khian puan in a zar a" heti hian ziah  ani a, he Ni kawr hi Talmud ah hmun engemaw zat ah kan Khakhamim (Rabbi) hote chuan an lo sawi tawh thin a, he ni tuamtu kawr hi awmlo tase emaw, hei hi chhe tase chuan kan lei tana chhiatna namen lo thlen tu ani ang tiin.


    He thu hi kan Torah ringlo tute tan chuan rin leh pawm ngam a harsa hle a, achhanchu, Ni chu kan mit ngeiin a hmuh pawhin atuamtu awm reng thil hmuh theih ani lovin, amah chu mei alh sa tak engti kawng maha thilin a tuam chi zia zang angin alan loh vang a ni.


    Nie, kan Khakhamim te pawh chuan mihring dangte ang thovin an mit maia an en chuan engmah tuamtu leh a kawr an hmu tel bik ani lova, mahse, kan Torah in chiang taka a sawi avangin huai takin an lo sawi chhawng ta a ni.


    Anih leh hemi chungchang thu hi Science chuan eng tiangin nge a thlir ve le? Tlemlai deuh thleng kha chuan Science chuan Ni chu meialh hlawm niin, hetiang anga tuamtu aneih theih hi a pawm ngai lo re re a, mahse, hun alo kal zel a, khawvel thiamna te rawn sang chho zelin hmanraw tha tak takte an lo siamchhuah tak hnuah chuan heti hian an lo thlir ve tan ta a ni. X-Ray thlalak leh Sattelite te siam chhuaha hetiang khawl changkang tak tak hmanga thi zir theih anih tak hnuah hian Science pawh chuan hemi chungchang thuah hian ngaihdan leh thil hmuhchhuah thar tam tak alo nei ta a.


     Dr' N.Vidael Senior Astronom Greenwich ami leh a thianpa Profesor pakhat University of Astrophysics Haward USA ami te chuan heti hian an lo sawi a, "Ni chu Gas hlawm alh sa lutuk ani a, a sat zawng hi ni pang pawnlam hi 6000 C Degree velin a sa a, chumi chhunglam ah chuan hei ai hian a sat lam hi anasa zawk hle a, kan chhut dan chuan ni chhunglam chu alaimu thlen nan asa telh telh a, tichuan a laimu ber hi 15,000,000 C Degree velin a sa a ni". Tichuan, Ni chhung laimu ber chu Nuclear sa lutuk ani a, tichuan, ni chu a len em avangin a pawn lam zawngin a satna chu a dai hret hret a, tichuan, Ni pang pawn ber tuamtu thleng chuan 6000 C Degree alo ni ta a ni. Ni chhungril sa chuan Gas hlawm alh nasa taka siamin chungte chuan Gas hlawm alh phul bulh te siamin chung hote chu an tai darh hlawm bawk a, amaherawhchu, chung hote chu Ni pawnlama an tai darh lohna turin Ni pumhlum chuan alo dangchar ta thin a, hei hi Ni tuamtu kawr kan tih chu a ni.


    Ni chu hmun thumah lo then ta ila, a chhung laimu chu A tiin, a kawr tuamtu chhunglam chu B tiin, tin, a tuamtu kawr pawnlam chu C tiin an hming lo vuah ta ila, hemi A lai sat lam hi Degree million 15 laia sa a ni a, hetah hian Ray nasatna lai hmun ber a ni a, hetah hian Ultra Violet Ray chu a awm a, tin, X-Rays te, Gamma Rays te pawh an awm a ni. Heng Ray (Radiation) te hi kan leiah hian lo thleng ta se chuan kan lei hi a kang ral vek thei hial dawn a ni.


     B area hian heng Rays hlauhawm tak takte chu pawn lama an intai darh lohna turin hei hian alo dang ta a, tin, an sat zawng te pawh chu alo tihniam ta ani, hei hi Photosphere tia a hming vuah a ni a, a sat zawng hi 6000 C Degree a ni. Heti thleng hi Dr' Vidael-a sawi chu a ni a.


   Awle, kan lei pawh chuan tuamtu kawr Boruak anei a, chutah chuan Oxygen a awm a, hei hian heng Radiation hlauhawm tak tak lak atang hian min lo veng bawk a, chutiang ang chiah chuan Ni pawh chuan tuam tu a nei a ni. Chu tuamtu chu eng pawh chu lo ni se, kan Khakhamim (Rabbi) hote chuan hman hmanah Torah an lo zirna atang chuan an lo sawi daih tawh a ni, chutiangin, he tuamtu hian ahna hi thawk lovin lo chhe tase kan lei tana chimihna tur ani tih lamin.


    Kan Torah atanga kan hmuh Science lam thil tak tak te pawh hi mihringte hmuhchhuah mai mai nilovin, Kan Lalpa P-thian engkim siamtu kutchhuak te niin mit lawng maia hmuh theih nilo te pawh a hnam thlan ami Israel te hnenah chuan alo hrilh lawk dim diam tawh a ni, kan Khakhamim ten Talmud a an lo sawi mihring te thlir leh hmuh dan anga ena thil awihawm loh leh thil nithei lo hul hual tura ngaih theih hrang hrang an lo sawi tam tak te hi tunhnu khawvel changkan chhoh zelah hian atakin Lalpa thu chu zep rual ni lovin adikna hailan alo nita zur zur mai a nih hi.

Categories: None

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments