HAKHOKHMA Post Post New Entry

Zawng atangin mihring

Posted by Moshe Ilan on January 31, 2012 at 9:00 PM

      Ka tet lai chuan Sakhawmi lo ka ni a, chutiangin, Sakhawmi lo school Tel Aviv a Tel Nordau school ah ka kal thin a, tumkhat chu, pawl sarih ka nih lai hian kan Science Zirtirtupa hian "Amnon vawiin chu Zawng i nih dan chungchang kan zir ang", tiin min hrilh a, kei chuan "Zawng ka nih chuan nang chu Zawng putara i nih dawn chu", ka lo ti sam et a, ani chua, "nilo, ka ti tak tak a lawm" a ti a, kei chuan, "anih chu thu chu a dik a nih chuan engtin nge adikna min kawhhmuh ang?" ka ti a, ani chuan, "ngawiteh Encyclopedia Culture ka hmuhtir che anga chutah chuan engtin nge i pu te ho an lo thanchhoh dan i hmu thiam mai ang" a ti a, kei chuan "ka pu te min kawhhmuh anga maw" tih pahin ka nui a, ani chuan, "aw", tih pahin Encyclopedia chu min entir ta a, chutah chuan hmanlai mihring hote chu Saruh keng chungin puk chhung atanga an lo chhuak lai te chu min kawhhmuh a, ani chuan, "hei hi i pu thlalak anih hi" a ti leh a, kei chuan, "min lo ngaidam lawk la, he pa kher hi chu i pu te lam a chhun zawk daih" ka ti a, ani chu tlawm duh bik lovin, "ngawiteh i fiah leh zual nan Nature room ah ka hruai ang che ang a, chutah chuan engtin nge i pu te ho hian lo thanchhoh dan i hmu thiam mai ang", min ti leh a, chu room bangah chuan hmanlai mi ho lem tar te chu min kawhhmuha chutah chuan , a tirah chuan zawngte reuh te hi niin kun chungin kan kal teih teih a, tichuan, kan lo ding ngil chho hret hret a, Coat te kan lo ha chho zel a, tichuan, Briefcast te khaiin Ukil kan lo nita a, ani chuan chu milem mai chu duhtawk lovin, "lo ngawi reng rawh kum 2000 hnu meuhah phei chuan i lu ah ngei hian Antena ala lo to dawn ani" zu han ti leh hram a.


     Kei chuan, "heng i mi hmuh tir zozai te hi enge a?" ka ti a, ani chuan, "hei hi Evolution chungchang Darwin-a sawi chu a nih hi" a tia, kei chuan , "min lo ngaidam lawk la, hei te chu Darwin-a 'Bilbolution' (Hriatpawlution) ani zawk lo maw?", ka ti a, ani chuan, "ka ti tak tak a lawm" a ti leh a, kei chuan, "chuti anih chuan nangpawh Zawnga i nih dawn chu" ka ti hram a, ani chuan, "hei i ka kha veng tha rawh aw," a ti a ni. Hei hi kan sikul a kan Science Zirtirtupa nena kan inhmuh tuma kan inbiakna chu a ni a.


     Bible class ah ka lut leh a, zirtirtupa chuan "Amnon Torah hi han chhiar teh le" min ti a, "P-thian in mihring a siam a" tihlai kher chu ka zu chhiar fuh a, chu veleh, "hotupa min lo ngaidam lawk teh i mi zirtir dan leh Science min zirtirtupa min zirtir danah thil inkalh a awm tlat "ka ti a, "ani chuan Zawng i ni min ti si a, nangin Mihring i ni min ti bawk si, a engber hi nge ka nih zawk dawn?" ka ti a, ani chuan, "Mihringte chuan duhthlanna kan nei a lawm", a ti mai a, kei chuan, "anih chawlhlawk laiin khawnge kan infiam dawn? tuallai ah nge? thingkung ah?" ka ti a, ani chuan, "chutiangah kan inrawlh dawn lo" ati a, kei chuan, "Class leh pek hunah engemaw eitur Balhla emaw min pe dawn em?" ka ti leh a, ani chuan, "chutiang atan Sanction a awm lo" ati leh a ni.


     He thu inchhiar hian in nui maithei mahse, kan Science Teacher erawh chu nui lovin, tunlai thleng hian Safari ah a chhungte ala tlawh thin zu nia. An khawngaihthlak awm khawp mai thangchho ve lovin, an nihna an la inthlak ve lo ani ang. Natural selection dan khan a hrut tel ve lovin an nihna ngai, zawngte ah ala chambang tir ani mahna.


    He thu chhiartu te zingah hian Baboon chhungkua emaw kan awm em? nge, Chimpanje family ten in lo chhiar ve zawk em? in awm loh chuan atha e, mihring in nih dawn chu. Darwin-a erawh chu zawng ala ni reng an tih chu le.


(He thu hi Rabbi Amnon Itskhak שליט"א sawi ani a, a thusawina youtube atangin rawn ziah chhawn a ni e.)


  Khing khi tunlai a Israel rama Rabbi ropui Profesor leh mithiam tak tak lo hnial hneh fo tawh tu, kar tin maia mi tam tak ti piangthar thin tuin fiamthua Darwin-a ngaihdan a elsenna a ni a, tin, Judaism te hian P-thian thu tak ziahna Torah pelin ngaihdan an siam ngai lo hrim hrim a, tichuan, Torah ah chuan mihring te hi thil dang atanga rawn piang chho ni lovin, mihring hmasa ber Adama chu lei ata vaivutin  a siam a, tichuan, chu mihring hmasa ber Adama atang chuan inthlahchhawng chho zelin mihringte hi nihphung leh nihdan danglam lovin kan lo piang chho zel a, chuvangin, Judaism danah chuan he Darwin-a thil chhut dan hi pawm ani lo hul hual a, tin, Thil mak te ti tu Lalpa P-thian chuan Lei leh Van a siam tirh khan leilung dan (Nature Law) anga siam lovin, kum tam tak ni angin a siam a, chumi awmzia chu, Adama chu puitling kum 20 angin a siam a, tin, thingkung te pawh chu Thingkung puitling sa niin a siam a ni. Chuti nilo se, leilung danah chuan Adama chu nausen niin lo thang chho niawm tak, tin, thingkungte pawh chu a chi atanga lei atanga zawi zawia lo thang chhovin kum tam tak thingkung puitling an lo nih nan chuan hun tam tak a duh dawn a ni.


     Chuvangin, hengte hi thilmak niin, Science huam pawn thil a ni a, tin, Bible atanga kan chhut chuan tunkum kum 2012 hi kum 5772 chuah ani a, Science chhut dan erawh chuan kum 15 million ang velin a chhut a ni.


   Tin, Zawng chungchang thuah chuan, Talmud hunlaia Kaballa lehkhabu an lo ziah ZOHAR ah chuan Babel insang sakna a a hotute ho kha zawng chi khat ah an chang ta tiin a inziak tlat .

Categories: Emuna, Rinna lam, Judaism, Article

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments

Oops! This site has expired.

If you are the site owner, please renew your premium subscription or contact support.