HAKHOKHMA Post Post New Entry

Hming number tlukpui hmanga mize chhut dan

Posted by Zonunsanga on January 24, 2012 at 6:35 PM

    He hming number tlukpui atanga mizia chhut dan hi ngun thuk deuhvin han tichhin la mak angreng takin i mizia nen alo inmil viau mai ang, tin, kawppui te mize hriat nan pawh a tha ve viau ania, han chhut ve chhin mah teh aw.


Hawrawp number tlukpui te chu hetiang hi a ni.

[1= A,J,S]

[2= B,K,T]

[3= C,L,U]

[4= D,M,V]

[5= E,N,W]

[6= F,O,X]

[7= G,P,Y]

[8= H,Q,Z]

[9= I,R]

    Entirnan; LALMAWIA tih hming chu number hmanga kan chhut chuan- 3+1+3+4+1+5+9+1=27, 2+7=9

    Hetianga hming kan chhut dawn hian mi ten kan hming min koh dan lar ber kha kan hmang thin tur a ni, chumi awmzia chu hmingpum kher ni lovin, kan lar pui ber hming kha hman tur a ni.


HMING NUMBER 1: Thil khirhkhan leh hnawk ngaithei lo chi an nih avangin pumpelh an tum tur a ni, chutilo chuan an hnathawhah beidawnna an nei mai ang a, an tlakna a sang hle ang. Number tha tak chu a ni nain a dik zawnga an her a tul a ni. A dik zawnga her a nih hnuin an zawmin an thawk ang a, tumna leh tumruhna nei tam tehchiam lo pawhin an thawk ang a, tumna leh tumruhna nei tam tehchiam lo pawhin an hmaa tihtur awmte an hlen zel thei ang.


HMING NUMBER 2: He number neitute hi an rilruah inbukna an tlachham thin. Thil engemaw lo awm sela, a ni zawk emaw ni lo zawk emaw tih tur emaw tih loh turah emaw an rilru a inthlak sekin an thutlukna a chiang thei thin lo. He nihna hian thil tifel mai turin an nunah beiseina dik chiah lo nasatakin an nei thin. Mahni leh mahni inhnial buai bansanin thil an la vung tur ani lo.


HMING NUMBER 3: Thil engpawh zir turin rilru fim tak leh kawngro nei tak rilru an nei a, talent tha tak an nei a, mahse a tangkai zawngin an hmang thei thin lo. An tana thil tha ber turte pawh bansanin a awlsam zawk leh hlawkna hmuh nghal maina thilah an pakai hlauh thin. Hmun nuam an ngaina a, miin an ngaisang. Tun hun atan maia thil ngaihtuah an ching a, nakin lam chu a nih nih ni mai rawh se tih an ching hle.


HMING NUMBER 4: Heng mite hian thil thar an man chak em em a, mi rinawm leh rin ngam an ni thin. Tuar theihna leh thahnemngaihna an neih avangin an lungawi khawp mai. Thil te tham te pawh te tham leh ho lam takin an ngaihtuah mai a. Technician tha tak an ni a, research lam timi an ni bawk a, thil a thiama thiam tak tak leh hmang thiam mi an ni fo mai. An rinawmna leh thil reng reng an beih talh zelna hian mite ngaihsan an hlawh fo.


HMING NUMBER 5: Heng mite hi kawng tam takah thil tithei tak an niin, thil thar leh ngaihdan thar an pawm thuai thin. Khawiah pawh an tlangnel halh mai a, zin veivah hi nuam an ti. Hnamdang tawng pawh an thiam chak khawp mai. Hnathawh tur bithliah tea tih hi an ngaihsak vak lova, a hun leh a hmunin a zir ang zela thil ti mai mi an ni duh khawp mai. Mi thothang tha tak si, ngaihsam tak an ni duh. Mite an hneh zung zung a, thianah an siam mai thei zel. Harsatna an tawh palh pawhin a tal chhuah leh dan an thiam riau zel.


HMING NUMBER 6: Mi hmasawn thei tak an ni. Mi duhsakna leh zah an dawng. Mi ngaihdan an hrethiamin an awmna tawhah chuan boruak a tha zel. Mi hlim thei tak an ni a, a tha zawnga thil beisei tlat chi an ni. Nun dan tha te an ngaisang a, dikna hman tulna hna lamah pawh koh leh thlan an ni duh khawp mai. Mahni thua inngaihpawimawhna leh an lunghnur maina hi an tan thil hlauhawm tak a ni thei. Engpawh an tiam tawh chu hlen turin an inpeih reng a, an thusawi te pawh miten an sawi ang angin an ring thin.


HMING NUMBER 7: Mi lehkha zir mi tak, hla phuah thiam leh mi phawklek ang reng tak an ni. Thil reng reng a bul atanga chhui dap mi an nihna hi an nungchang pawimawh tak a ni. Thil mak danglam deuh hi an ngainain an ngaihven a, thil mak leh danglam bik deuh chhui leh zir atan an tha riau a ni. Thil khirhkhan tak tak chhui chhuak thiam mi an ni duh a, mahse, an mahni chanchin an inhre chiang tawk lo fo. Hlaphuah thiam, zai leh rimawi ti mi, thil ngaihtuah ril mi leh thlarau lam mi an ni duh. Thil tihtheihna nasa tak an nei a, hmun sang tak an luah thut thei a, nimahsela an hlawhtlinna chu nguntaka ruahmanna ah a innghat thui hle thung a ni. Zirtirtu tha elkhen an ni duh a, hruaitu ropui tak an ni thei bawk.


HMING NUMBER 8: Sumdawnna leh thil siamna lam timi an ni. An thil ruahman an tipuitling a, an tizova, thil dang a aia sang leh ropui zawkah an pakai zel thin. Mi nun nghet leh hruanghrau tak an ni. Thil an duh chu an zawng a, mi dangte hnen atangin an hmu a. Tin an thiltihah daltu engemaw lo awm sela, an bei nasa sauh mai a ni. Sumdawnnaah te, rorelna lamah te, politics lamahte leh sipai lamahte mi hlawhtling an ni.


HMING NUMBER 9: Mi thiltithei tak nihna an nei a, hmasawnna sang tak an nei thei. Mi hip theihna mak tak an nei, mahse an mahni theihna hi an hre lo fo. Mi themthiam, zai lam timi, leh thil thar siam chhuak thiam mi an ni. Mi dangte an thunun thei a, an hruai thiam bawk. Thiltihtheihna, chapona, leh mahni inngaihhlutna an nei duh a, hei hi an tlukchhiatna bul ani duh.

Categories: None

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments