HAKHOKHMA Post Post New Entry

Juda te rinna

Posted by Emuna on January 24, 2012 at 12:30 AM

RINNA TOBUL:

   Juda thlara khawvel chuan hringnuna hriatna leh finna dan zawng zawng hi a khaikhawm vek a. Chumi chungchang sawi zauna chu lehkhabu tam tak ah ziah a ni, chung ah te chuan Juda rinna bulpui 13 Juda zawng zawng te phuartu chu a tel a, chungte chu hengte hi an ni:-


Rin tur leh hriat tur:-

1. Nihna famkim nei siamtu a awm a, a hming chu chawimawiin awm rawh se. Khawvel Lalber niin thilsiam zawng zawngte awmtirtu leh thilsiam zawng zawngte innghahna chu amah chu ani a, ani chu innghahna rinchhan neilo mahni maia awm a ni.


2. Lalpa P-thian chu pakhat, pumkhat, anpui reng reng neilo a ni.


3. Lalpa P-thian chu leilung thil nilo, pianhmang emaw pumrua emaw pawh neilo ani a, Leilung thil, dan leh chin neihna reng rengin a khawih danglam phalova, mihring hriatna hian a khawihbuai phalo a ni.


4. Ani chu kumkhaw chatuan Lalpa ani a, thilsiam zawng zawng awm hma pawha lo awm tawh, awm mek leh lola awm zel tur chu a ni.


5. Amah chauh chu biak tur ani a, a dan leh thupekte zawm a, a duhzawng tih tur a ni.


6. P-thian chuan a thlanchhuah bik mihring hmangin kawng hrang hrang leh tihdan hrang hrangin a duhzawng a lantir thin.


7. Moshe (Mosia) zawlneihna chu zawlneihna sang ber ani a, ani chu zawlnei ropui leh sangber a ni. Amah ang tluka zawlnei sang an awm tawh ngai lo.


8. Torah thianghlim, Moshe hmanga Lalpan min pek chu Torah dik tak a ni.


9. Torah chu kumkhaw daih tur ani a, khawih leh phuah danglam ani ngailo ang a, a aiawh turin dan dang engmahin an luahlan ngai lovang.


10. Lalpa P-thian hriatna chu tawpchin neilo, engkim huapzo ani a, a lakah thil inthup reng reng a awm lova, tun hun a hmu ang hian hmalam hun pawh a hmu nghal vek a, thil lo awm dantur leh lo awmchhan tur te nen lam a hmu tlang vek a ni.


11. Lalpa P-thian chuan khawvel pumpui hi a vengin a enkawl a, mitha chu a thatna lawmman a pe a, misual chu a sualna angin a hrem thin. Thil tha tih avanga lawmman dawn tur puiber chu HaOlam Haba (Khawvel lola awm tur) ah pek ani ang.


12. Nikin ni ah chuan Lalpa P-thian chuan David-a fapa Mashiakh chu famkimna khawvel a Lal famkim ni turin a rawntir ang a, ama zarah khawvel ah chhandamna a awm ang.


13. Lalpa P-thian chuan mitthi tawh te chu a kaitho vanga, chu chuan felna leh thatna tawpkhawk ai a awh ang. Lungngaihna zawng zawng ala bo tawh ang a, tihchhiat tawh leh tihkhawloh a awm te chu dinthar an ni ang a, thihna a awm leh tawh lovang.


by- Rabbi Elyiahu Avichail שליט"א


Categories: None

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments