HAKHOKHMA Post Post New Entry

Harav Ovadia Yosef Shlit"a

Posted by hakhokhma on January 10, 2012 at 5:05 PM

הרב עובדיה יוסף שליט"א

    Kum 1920 khan Iraq ram khawpui Baghdad ah Rabi Yakov Leh Rabanit Gergia te fatir ni turin alo piang a, Iraq ram Chief Rabi, Rabi Abadalah Somekh hming chawiin Ovadia tih hming an lo puttir a, kum 4 mi anih laiin Israel ramah an chhungin an lo pem a, Jerusalema Beit Israel vengah an lo khawsa ve thin a, chutah chuan Eichawp dawr kaiin an lo khawsa ve thin a ni.



    A pa hi Iraq rama an awm lai chuan Rangkachak leh Tangkarua vela sumdawng thin ani bawk a, tin Israel rama an lo pem hnu hian an chhungkua chu an harsat ve em avangin Rav pawh hi anu leh pa te chuan hnathawk turin an tir hma hle a, naupang fing tak leh Torah lama tui mi tak a ni a, kum 9 lek anih lai hian Thute pawh a ziak tan tawh ani, tichuan a lo tleirawh chhuah hian 'Yeshivat Porat Yosef'ah Torah a zir ve a, he Yeshiva a an Rosh Yeshiva Harav Ezra Atia chu ama Thlarau kaihruai tu Rav atan lo thlang nghetin, chu arav chuan Yeshiva a azir lai kum 17 anih lai hian an mahni veng a Beit Knesetah 'Ben Ish Khai' halakha lam Shiur pe turin a ti a, he a Shiur pek lai hian Ben Ish khai hi chuan a duh fir lutuk a, Arizal Halakha zul zuiin a kal thin a 'Shulkhan Arukh' hi a tawk asin mawle ati fo mai a, chu chu a Shiur ngaithla tute chuan an ngai thei lo thin hle a, ama tan lah a Rav nawr na a ni miau si, atan hetih hun lai hi hun nuam lo tak ani thin nghe nghe, tichuan kum 20 alo nih chuan Rabanut Harashi atangin Rav leh Dayan nihna Certificate alo dawng ve ta a a ni.


     Chu veleh Jerusalem a beit Din ah Sfaradi Dayan niin hun engemaw chen hna a lo chelh thin a, kum 1947 khan a Rav nawrna angin Av Beit Din ni turin Mitsraimah a pem a, 1950 khan Israel a lo kir lehin a ropui tan chhuahna hi Mitsraim atang chuan niin, hetih hun lai vel hian amit lamah harsatna lian tak a tawk a, tun thlengin tarmit power tam tak nei adum a bun phah nghe nghe, Israela a lo kir leh hnu hian nihna ropui tak tak a chelh hlawm a, 1968 khan Tel Aviv Sfaradi Rav ni tura thlan ani a, tin hetia Chief Rabi ni tura an inthlan lai vel hian a khingpui Harav Itskhak Nisim nen chuan an indo nasa hle a, achhan puiber chu Rav Ovadia hian 'Ben Ishkhai' Halakha chu a do em vang ani a, chumai ni lovin, a Chief Rabi pui Harav Goren nen pawh aninkarah innghirnghona a lian hle a, hetih lai hian Beit Din chungchang vel chu Ashkenazim kuta a awm vek avangin, Rav pawh hi an Committee naah pawh a kal tha duh thin lova, tin hetia Rav Rashi anih lai hian a khingpui Rav Nisim-a fapa Khaver Kneset chuan dan thar siam chhuakin Rav Rashi nih theih hun chhung chu kum 10 chhung tan chauh tih thu an titlu a, tichuan Rav Rashi anih zawh hnu hian Rav hian Av Beit Din Hagadol nihna chu a la chelh reng a, amaherawh chu hetih lai hian hetianga Sfaradim ho dinhmun chu Ashkenazim ho aiin a chhiat zawk avangin Rav chuan hetiang sukiang tur hian Shas Party chu a din ta a, hetia Politic lama a inhman tak em avang hian Khilonim, MP hote chuan dan thar rawn siam lehin Dayan chu politicah ain rawlh thiang lovang tiin, Rav pawh chu a nihna ata chu an paihthla leh ta a, hetia Shas Party adin lai hian Knesetah Shas ho chu Sorkara an thut theih nan Itskhak Rabina pawl 'Avoda' chu Shas ho chuan an zawm tak thut avangin Ashkenazim (Litaii) rav Harav Shakh nen pawh chuan an inkar thu chu alo chhe ta deuh deuh a, heta Ashkenazim te nen an indo tak deuh deuh atang hian Rav chu 'Shas Party Thlarau Hruaitu' tuma sawi hnawm theih lo dinhmunah alo nawr kai ta a ni, 1970 khan Khatan Pras Israel a thlan ani bawk a, Halakha lam athiam em avangin tunlaia Rabi thiam berte zinga mi niin 'Maran' 'Gdol Hador' tih hial alo nita a, Lehkhabu tam tak siamtu ani bawk. Tunah Har Nof Jerusalemah a khawsa mek ani.



Categories: People

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments