HAKHOKHMA Post Post New Entry

Harav Shlomo Aviner Shlit"a

Posted by hakhokhma on January 10, 2012 at 4:45 PM

הרב שלמה אבינר שליט"א

    Rav Aviner-a tiin kan hre thin awm e, a hming dik tak hi Harav Shlomo Khaim Hakohen Aviner ani a, a pian tirh a a hming chu Aviner Langnauer ani a, kum 1943 khan Lyon khua France ah a lo piang a, amah hi Beit El Shkhuhnat 'א khaw Rav ani a, tin Yeshivat 'Ateret Yerushalaim' Rosh Yeshiva ani bawk a, Zionism Rabite zinga lar tak leh langsar tak ani bawk ani.



    A tet lai hian Nazi (German) te tihduhdahna hnuaia awm an nih avangin hming lem hran hrante puin alo biru ve zar zar thin a, apu Harav Meir Levi Falem(anu pa) hi 'Benei Akiva' (Israel Dati thalai pawl) siam chhuak tu hi ani a, amah pawh hi a tleirawl chhuah atangin Benei Akiva-ah hian a inhmang thin em em a, kum 16 anih hian Science University France-ah Mathematics, Physics leh Electronics lam a zir a, tha taka Pass chhovin France Air Force-ah Electronics lam hna thawkin sipaiah a tang a, kum 1966 khan a sipai tan chu zovin Israelah amah chauhvin alo pem lut a, a tirah Kibuts Sde Eliyahu-ah awmin, Niruk indo lai khan Israel Sipaiah a tang veleh a, indo na hrang hrang Ni ruk indo, Yom Kippur War ahte tel vein Officer (Segen) lai akai ve hman a.


    Sipai a zawh hnu hian Rav hi Yeshivat Merkaz Harav-ah Harav Tsvi Hakohen Kook hnuaiah a zir chho veleh a, tin Juda ten Khevron hmunah khua an lo siam veleh chutah chuan cheng vein a zirna pawh chu Khevronah hian a chhunzawm a, hemi hmunah hian nupui pawh a nei nghe nghe a ni, tin Rav hi School hrang hrangah Mathematics zirtirin zirtirtuah te a lo tang thin a, hetia zirtirtu anih lai hian Israel Spy 'Mosad' chuan vawi tam tak Spy a tang ve tur hian an lo sawm thin a, amaherawh chu alo hnawl zel nachungin tum 2 lai chu ram tan tiin Mosad hian Spy hna chungchangah hmelma ramah an lo tir chhuak ve tawh ani.


    Kum 1971 khan Chief Rabi Rav Shlomo Goren leh Rav Ovadia Yosef-te hnen atangin Rav Certificate hi alo dawng ve ta a, chuta tang chuan Rav hi Kibuts Lavi khaw Rav-ah tang nghalin Khevron khaw Rav Harav Moshe Levinger thlak tuah a lo tang chho zel a, tin Beit El khua chu din tirh anih atanga a kum 4 na kum 1981 atang khan tun thlengin Beit El khaw Rav hi ala nita char char a ni, tin Rav hi Israel Rabi te zinga Popular ber zinga mi anih angin Radio ahte Shabat chanchinbu hrang hrangahte thu a chhuah thin a, tin zawhna leh chhanna hunte hmang thinin Pelefon atang pawhin SMS hmangin zawhna zawh thin a ni.


Categories: People

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments