HAKHOKHMA Post Post New Entry

Harav Dov Lior Shlit"a

Posted by hakhokhma on January 10, 2012 at 4:35 PM

הרב דב ליאור שליט"א

    Kum 1933 khan Galicja Poland ah a piang a, apa chu Moshe Lindvend ani a, 'Khasidut Belz' ami niin Exodus lawng Europe a an kir tir leh tak hmanga Israel a rawn kalna lawng lian tirtu te zinga mi kha ani a, amah Rav hi 'Hanegba' lawng hmanga Israel-in State a puan hma lawk khan Israel ramah hian a rawn pem lut a, chumi hnu atanga rei vak lovah chuan an chhungkaw hming chu 'Lior' tiin a thlak a.



    Kfar Haroe hmunah Harav Moshe Tsvi Neria hnuaiah Yeshiva-ah a zir thin a, chumi hnuah Merkaz Harav-ah Rav Yakov Kalab zirlaite nen Rav Tsvi Hakohen Kook hnuaiah a zir ve leh a, amah hi hetia Israel alo kal hian fahrah anih avangin Rav Kook hnenah hian fapa ang maiin a khawsa thinin Rabi thiam takah alo inzir chhuak ta a.


    Kum 1960 khan a nupui hmasa Batia nen an innei a, chumi hnuah a nupui hi Cancer natna avangin a boral a, tichuan a nupui 2 na atan Harabanit Esther nen an innei leh a, tichuan a nupui 2 te nen avaiin fa 11 leh tu 55 an nei a, Rav hi kum 1966 khan Israel Sipai 'Tsahal' ah thla khat atang a, chumi hnu chuan Kfar Haroe khaw Rav-ah kum 10 chhung a tang a, kum 1976 khan Khevron khaw Rav leh Yeshivat Nir Rosh Yeshiva-ah a tang tan a, chutah Kiriat Arba Rosh Beit Din-ah tang chho zelin Beer Sheva khaw Av Beit Din-ah te a thang chho zel a, chutah Rabanut Harashit-ah Israel rama Rabi zirlaiten Rav Certificate an dawn theihna tura Question ziaktu ani chho leh a, tun thleng hian Israel rama Rabi zir chhuak tura zawhna siamtu lu ber leh an hotu ber 'Rosh Vaadat Habekhinot' ala nita char char a, tin hun engemawti chhung Rosh Rabanei Yesha-ah a tang thin bawk a, Yeshivat Shavei Shomron Nasi ani bawk a ni.


     Rav Lior-a hi Dati Leumi leh Kharedi Leumi-te Rabi zinga lawk ber a niin, 'Arukh Hashulkhan' leh 'Maharasham' te Halakha zul zuiin a zirtir chhawng deuh ber a, tin Har Habait (Temple Mount) tlawh tha titu leh TsitTsit fem pawl (Tkhelet) hman tha titu niin, Internet a download theih thil download hi rukruk sualna ani lo titu ani bawk a, tin 'Shokolad Khum' Bracha atan 'Bore Peri Haets' hman tur ti a Halakha siamtuani bawkin , Pesach chung chang a Tel leh Kitniot ei chung chang a Halakha thar tam tak siamtu ani bawk a, Erets Israel sawisak leh Pinui chungchang do thin em em tu ani bawk a, Yamit Pinui lai khan a Yeshiva chu Yamitah sawnin , Hitnatkut lai pawh khan a Yeshiva chu Sa-Nur-ah sawnin amah ngei chu pawhchhuah te zingah alo tel ve tawh thin a, tin Rav hian Israel Sipai ten an Operation lai hnam dang ten an tihbuai chuan pawi sawi leh Terrorist nilo pawh Silai a kah thiang aniin Sipai ten Pinui an tih dawnin an Hotute thu hnial thiang ti a Halakha siamtu ani bawk a, tin Yom Haatsmaut niah 'Halel' sawi tur ati bawk a, tin 'Tfila leshlom Hamedina' ah tlem belh tur thu belh tu ani bawk, Halakha tam tak siamtu niin , tunah hian Kiriat Arba khaw Rav niin Kiriat Arba khuaah a khawsa a, Benei Menashe ten Halakha chungchanga buaina kan neih pawh a kan rawn ber Rav ani bawk a ni.


Categories: People

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments