HAKHOKHMA Post Post New Entry

Harav Yona Metsger Shlit"a

Posted by hakhokhma on January 10, 2012 at 4:20 PM

הרב יונה מצגר שליט"א

     Kum 1953 khan Khaifa khawpuiah alo piang a, amah hi tuna Israel Ashkenazi Chief Rabi leh Rabanut Harashit a President hna chelh lai mek tu ani bawk.



    Rav hi Kiriat Shmuel khua a Yeshivat Benei Akiva 'Pirkhei Aharon' a zir chhuak ani a, chumi hnuah Yeshivat Hesder Kerem Yavne ah kum 11 dang a zir leh a, heta a zir lai hian Rabanut ah Dayanut a zir chhuak bawk a, tin, Sipaiah Unit-7 ah tangin Sipai Rabi ah a tang a, Sipaiah hian Captain rank thleng a kai bawk a ni. Sipai a tan zawh hnu hian Tel-Aviv a Beit Kneset 'Tiferet Tsvi' Rav ah a tang a, Tel-Aviv hmar lam Rabi a ngaih a ni a, Lehkhabu engemaw zat a chhuah tawh bawk a, heng a lehkhabu ziahte hi a tlangpuiin zawhna leh chhanna lam thu a ni a, kum 1988 khan Ukil pakhat Nakhum Legental puihnain Lehkhabu pakhat Juda ten kum khat chhung atana Juda dan thu a an nunna atana pawimawh zawng zawng ziahna bu 'Bemaagalei Hakhaim' chu a ziak bawk a ni. Kum 1989 khan Rabanut dan kalh anga mi a inneih tirna thu a a 'Ketubah' ziahna chungchang velah a Rav nihna certificate chu Chief Rabi hlui Harav Bakshi Doron chuan a hlih sak a, amaherawh chu, hun engemawti chhung an chhui chian hnuah Tel-Aviv khaw Rav ni tura a in candidate tumna chu a inhnuhdawh dawn chuan pek let leh an tiam ang chuan, inhnukdawk lehin an pekir leh ta a ni.


    Tum khat mah Dayan emaw , khaw Rav nihna hna chelh lovin kum 2003 khan Israel Chief Rabi ni tur chuan a in candidate ve ta thova, Shas Party leh Mafdal Party te chuan Rav Yakov Ariel-a Chief Rabi ni tura thlang tura an inbiak remna chu a kehchhiat takah khan, Litaim hruaitu Harav Shalom Eliyashiv hmalak puina avangin Israel Chief Rabi atan thlan tlin alo nita a ni. Hetia thlan tlin anih veleh hian amah Rav hi Dati Leumi a nihna avang leh Torah lama Rav Yakov Ariel aia a hniam zawkna avangin Israel rama Dati Leumi ho chuan awm lo an tiin, an thin a rim hlawm hle bawk ani.


    Hetia Chief Rabi nihna a chelh hnu hian Rav hian ei leh in lam thianghlimna enkawltu 'Mashgikhei Kashrut' ho chung chang lakah dan thar a zam chhuak a, chu chu Israel rama dawr hrang hrang leh Hotel vel reng reng a Mashgiakh Kashrut hna thawk tur chuan zirna Course ala phawt anga, nemnghehna Certificate a dawn hnuah chauh chu hna chu a thawk thei ang tiin, a siam chhuak a ni.


    Rav hi Chief Rabi anih hnu hian Israel ram chanchinbu lar tak 'Maariv' chuan tih hmingchhiat tumin tum hnih ngawt dawt thuin a puh chhe tawh bawk a, mahse dan lam hotute chuan chhui tlak thil tak ani lo an ti a ni, Rav leh a nupui Ofra te hian fa paruk an nei ani.


Categories: People

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments