HAKHOKHMA Post Post New Entry

Harav Shalom Elyiashiv Shlit"a

Posted by hakhokhma on January 10, 2012 at 4:15 PM

הרב שלום אלישיב שליט"א

    Rav hi kum 1910 .April ni 10 khan Lithuania ah alo piang a, amah hi tunlai a Ashkenazi Khasidim Litaim Rabi lian ber leh thiam ber ani a, a hming lamtawiah 'Hagarish Eliyashiv' tih ani a, Posek Hador (Halakha siamtu) leh "Maran" tih hial Title pek ani.



     Rav hi a nu leh pa ten kum 17 an inneih hnus fapa mal piang ani a, a pu, a nu pa Rabi Shlomo Eliyashiv hi Mekubal ropui tak Kabala lam ziahna lehkhabu tha tak tak ziak tawh tu ani a, a lehkhabu ziahte reng reng hi ahminga tu ziah chhawn mah aphal ngai lova, amaherawh chu, a tupa Rav Eliyashiv ziah chauh erawh a phal thung a ni, a pu hian Kabala lam a zirtir thin a ni. A pa Rabi Avraham Levinson pawh hi Rabi ropui tak ani thin a, Halakha bu 'Bikurei Avraham' bu ziaktu hi ani bawk a ni. Kum 1924 khan Israel ah an lo pem a, hetih lai hian Hakhafets Khaim thurawn angin an chhungkaw hming chu Eliyashiv tiin an thlak a, an chhungkua chu tuna Rav chenna hmun 'Mea Shearim' veng Jerusalem ah an cheng a. Kum 20 anihin nupui Shaina Khaia, Harav Arie Levin-a fanu nen an innei a, an inneihna hi Israel Chief Rabi Harav Avraham Itskhak Hakohen Kook in a inneih tir a ni.


     Rav hian a pa thih atangin a pa aiawhin Beit Kneset 'Tiferet Bakhurim' Mea Shearim ah chuan Beit Kneset Rav ani thin a , amaherawh chu, Rabanut dan a an tih thin ang lovin Rav chuan Shabat Hagadol ahte, Shabat Tshuva ahte Shiur pek chu ati ngai ve lova, tin, Mekhirat Khamets vel pawh mipuite tan ati ve ngai lo ani. Israel chuan State a neih tirh khan Rav hi Ramle khaw Rav ah tan tir ani a, amaherawh chu, hun engemawti hnu kum 1974 ah a ban san leh a, Rav hi Rabanut a Beit Din Hagadol ah kum 20 vel chhung Dayan hna a chelh ani. Kum 1988 khan Rav Shakh ngenna angin 'Degel Hatorah' Party a an hruaitute zinga tel ve tura a sawmna angin Rav chu a tel ve bawk a ni. Rav hian a thiamna leh finna hi Yeshiva leh hmun dang atanga zir chhuak lovin, Hamaharal MiPrag angin mahni a inzir chhuak leh inchher chhuak a ni. Rav hian ama inzirna atanga finna turu tak tak a chherchhuah te chuan Halakha khirhkhan tak tak chinfel zung zung dan a thiam riau a ni. Rav hian 'Pea Nokhrit' an tih , Nute khum chi Sam lem India ram atanga an siamte chu hman a phal lova, heta tang hian Rav chu Halakha lamah a fir hle tih a hriat ani, tin, Dam lo thluak thi tawhte pawh khawl hmanga an thawk tir hmang chauhva nung tawhte pawh an khawl chu hlih thlak sak chu tual thahna ani, ati a, a phal lo bawk a ni.


    Zawhna tam tak a awm thin a, "Tunlai ah hian tunge khawvela Rabbi thiam ber ni ang le?" tiin, he thuah hian Harav Elyiashiv-a ang tluk darga (Rank) han kai phak hi tunlaiah hian khawvelah Torah lama misang kan nei lo hrim hrim a, tunlaia Rabbi ropui leh hming langsar tak tak te pawhin tunlai mila Halakha siamrem an tum chang pawhin Harav Elyiashiv erawh hi chuan ama Torah zirna thuk tak atanga a ngaihdana thil ni lo atih chuan, Rabbi ropui leh politics lama inrawlh thuk tak tak te pawhin an duhdan chu an kal tlang pui ngam meuh thin lo. Hetiangin; Torah dan nilo Ram dan hmanga Juda te inneih theihna tur dan zam tum chungchangah te, 'Trumot Evarim' (Taksa peng inhlan chhawn) chungchang thuhla ah te. 


    Rav hian fa 12 ropui tak tak leh makpa tha tak tak neiin khup 3 a hmu a ni, a makpa te zinga pakhat chu Harav Khaim Kanievski 'Posek Halakha' ani.


   Rav hi ni 18/7/2012 khan Shaarei Tsedek Hospital Jerusalem ah kum 102 mi niin Thawhlehna khawvel nghak turin Gan Eden ah a chawl ta a ni.


Categories: People

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments