HAKHOKHMA Post Post New Entry

Shabat leh Kut nia infiam

Posted by Moshe Ilan on January 5, 2012 at 7:30 PM

משחקים בשבת וביו"ט

1-Tuna kan zir tur te hi naupang Bar/bat Mitsvah hnuailam tan an ni bik a, mahse, puitling tan leh lek phei chuan heng te aṭang hian inthiarfihlim tur a ni.


 

2-Rimawi leh ri chhuah thei ang chi reng reng hmanga infiam chu thianglo a ni a, hetiangin; dar, hamrik, rimawi tum chi ang reng reng te, tin, heng te hi Shabat leh Kut nia ken kual thiang lo 'Muktse' an ni.

    Mahse, changtum leh faifuk ang chi chu hmanraw tello a nih avangin a thiang thung.


 

3- Thinrirek ang chu naute hnenah a infiam nan pek  thiang a ni.


 

4- Infiama tur bik hrim hrima Shabat ni hmaa lo buatsaih lawk ṭiauvut (Khol) ah chuan infiam thiang a ni a, amaherawhchu, tui leih huh thiang a ni lo.


 

5- Marble (Gulot) hmang chuan in chhung ah chauh infiam thiang a ni a, tin, in chhung chhuat chu chhuat pangai chhuat bela an siam (Merutsaf) ani tur a ni. Pawn ah chuan in chhung chhuat anga siam hmunah pawh Marble hmang hian infiam thiang a ni lo.


 

6- Ball ang chi chuan pawn ah pawh 'Eruv' (Shabat huang) awmna hmunah chuan infiam a thiang a, chutiangin, Table Tennis pawh khelh thiang a ni.


 

7-Pump/ham puar chawp ngai leh suih/bawk ngai ang chi ball hmang chuan infiam thiang a ni lova, tin, khawih sawn pawh a thiang lo bawk 'Muktse'. Hetiangin; Baloon, Water ball etc'.


 

8-Hmawlh te leh Invawrna lung ang chi chu Shabat ni hmaa lo buatsaih lawk an nih chuan Shabat leh Kut niah infiam nana hman thiang a ni.


 

9-Hlum leh a anpui 'Plastelina' te, khawi/bati hnun leh Geves ang chi chuan tisawi kual velin leh thil siam nana infiam chu thiang lo a ni.


 

10-Naupang infiamna spring hmanga tih nun leh khalh theih chi ang chu Shabat nia infiam nana hman thiang an ni a, mahse, heng te hian ṭek a siam theih chuan infiam nana hman thiang a ni lo.


 

11-Thingkung ah chuan lawn thiang a ni lova, mahse, thir leh thing aṭanga siam thil ah chuan lawn a thiang.


 

12-Pipu ah chuan uai thiang ani a, mahse, pipu chu thingkunga inkhai ani tur a ni lo, amaherawhchu, Shabat ni hmaa thingkung leh thingkung ah chuan ban/thir tlawn dah zawma chutah chuan pipu kan suih a nih chuan uai a thiang, a awmzia chu, direct in pipu chu thingkunga khai anih chuan uai a thiang lo a ni.


 

13-Naupang thirsakawr ke pathum nei ang chi chu 'Eruv' awmna hmunah chuan naupang chuantir thiang a ni a, mahse, Shabat ni hmain a bell (a pitna) vel chu lakthlak hmasak tur a ni, shabat nia a thian loh a vangin.

     Mahse, thirsakawr pangai ang chi chu naupang ta tur ang chi a siam pawh nise, Shabat niah thiang lo niin, chawi sawn pawh a thiang lo a ni.

     Amaherawhchu, kan chenna hmunah Shabat nia hetiang naupang thirsakawr ke pathum nei leh Skate te Korkinet ang chi te an khap anih chuan thiang ani chuang lo a ni.


 

14-Thil remkhawm theih ang chi chuan Shabat niah infiam theih a ni a, mahse, char beh tur chi leh perek ṭial nei hmanga herh ngheh ngai ang chi chuan infiam thiang lo a ni.

    Chtiangin, lehkha thleh hmanga thil siam pawh Shabat niah thiang lo a ni.


 

15-Thil thil khawm theih ang, ṭhi fang ang emaw chu Shabat niah thil khawm thiang ani lova, mahse, naupang infiamna ang chi chu thil khawm theih ani a, mahse, a hmawr chu suih leh bawk thiang a ni lo a ni.


16-Thlalak remkhawm chi ang emaw, Number emaw, hawrawp emaw remkhawma thumal chhuak thei ang chi chuan infiam theih a ni a, mahse, a ngheta a awm theih natura char emaw, frame siam chu thiang lo a ni.

    Tin, infiamna number 15 awm, a indawta a awm theih nana a chhunga number te khawih sawn theih ang chi pawhin a infiam theih.


 

17- Ceal (Khotemet) tura hawrawp remkhawm ang chi chu Shabat niah tih thiang a ni lova, chutiangin, a inrem tawh sa pawh ṭhiah darh thiang a ni lo.


 

18-Thla lak thiang a ni lova, chutiangin, lem ziah leh thu/hawrawp ziah pawh  thiang a ni lova, chutiangin, darthlalanga tuihu awmah te, vaivutah te, dawhkan chunga chhang nawi awmah te pawh chuan thil ziah thiang a ni lo a ni, amarawhchu, boruak ah chuan hawrawp leh kan duh duh kan ziak thiang a ni.


 

19-Infiam theihna chi reng reng cheh bun leh pawhthler ngai emaw, char ngai emaw ang chi chuan infiam thiang a ni lo.


 

20-Infiamna chi reng reng a chak zawk leh a chaklo zawk te point chhiar ngai ang chi chuan Shabat leh Kut niah infiam thiang a ni lova, hetiangin, Lehkhaden card hmanga khelh chi ang te, hei hi kan point zat te kan ziah palh loh natur a inven thawnna a ni.


 

21-Pawisa lem hmanga infiam theihna ang chi hmang chuan Shabat niah infiam thiang lo a ni.


 

22-Infiamna chi Chess te, inkawina te, Domino te, Playing card te chu Shabat nia infiam nana hman thiang a ni a, mahse, khelh zawhah a lung te emaw, a rawng bik te chu a hrana thliar hran thiang a ni lo. (Borer dan kan bawhchhiat loh nan). Mahse, chutianga thliar pawh chu kan khel nghal vat dawn a nih chuan thiang a ni.


 

23-Inchawi ang chi chu Shabat ni leh ni pangai ah pawh thiang lo a ni.


 

24-Shabat nia tui chen thiang a ni lova, chutiangin, tuipui kama infiam pawh thiang lo a ni.


מהספר שמירת שבת כהלכתה פרק-טו

Categories: Shabat, Halakhot, Juda dan

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments