HAKHOKHMA Post Post New Entry

Shabat lawm nan Sangha i han siam teh ang

Posted by Moshe Ilan on December 25, 2011 at 4:55 PM

    "Mi she okhel dag beyom dag nitsal midag" (Shabat nia Sangha ei chu hremhmun dan a pumpelh ang) an tih kha maw, khaw nge tun tum chu chhiar tute hriatah Shabat lawmluh nana Yom Shishi tina ka Sangha siam dan kan share ve teh reng ang.


     Sangha siam turah hian chi hrang hrang kan tui tih zawng zawng a siam theih a, mahse, a pawimawh ber zawka chu a bawl hlo telh dan tur dik leh a bel, amei san dan tawk leh engtia rei nge chhuan tur tih hi a ni a, telh inang rau rau pawh a hmin hunah a inchhuah tui hleih thei fu a ni.


    Ka tihdan tlangpui chuan Jerusalem ah Sangha nung lai (Karpion) ka lei thin a, a tharlamin a fresh tha thei hle a, a hmunah hian a kawchhung, a mei leh a pangparh vel ka paih fai tir vek phawt thin a, tichuan, in lamah ka duh ang takin ka chan ta thin a, ka chan dan chu, a hnungzangruh zawnah a dung zawngin a ngilin ka zai phel phawt a, tichuan, a sa chu zung thum bawk velin ka phel ta sang hlawm a, tichuan, a kanna tur bika an siam bel Alluminium bel dar pan takah ka dahlut a, chumi hnuah thlai chi hrang hrang telh bawk tur a ni. Chumi hnuah chuan a bawlhlo vel chu phul tur a ni.


Thlai telh turte: Sangha 1.50Kg ah

*Alu pum hnih lian vak lo - hei hi a bial zawngin pan tak taka chan tur.

*Tomato - pum hnih lian vak lo, a bial zawnga pan angreng taka zai tur.

*Purun var - a bawr khat vel chu kheh vek a zai phel lohva telh tur.

*Carrot pum hnih sei vak lo - hei hi vel tur niin, lian vak lova a bial te te a chan tur.

*Lemon - Lemon hi a kawr chawpa kan telh dawn avangin, a kawrah hian ama rawng ang tak pangang tui emaw pangang bet chi a awm thin avangin, thleng silna nawhfe a na taka nawt chunga sil tur a ni. hei hi pan ang reng pan lutuk si lova zei lep hnih, chu chu a lai taka a kawkalah chan darh leha telh tur.

*Dania - hei hi tui nataka phuh chunga sil tur a ni a, tichuan, thum khat vel chu vawi thum vela chan bung hmawk hmawkin telh bawk tur.

*Hmarchapui pum 4/5 - hei hi a hmin (sen) ni thei se, a ti mawi zual duh bik, chanbun lohvin a puma thlak tur.



A bawlhlo te: Sangha 1.50Kg ah

*Soup powder (Parve) thirfiante 4.

*Paprika (Aisen) metuka mutubelet beshemen (Tel nena sawngbawlsa) - fiante 7 vel.

*Cumin (Masala) - fiante 2.

*Tavlin ladag (Sangha Masala bik) - fiante 3.

*Avkat Shum (Purunvar powder) - fiante 2.


     Heng zawng zawng hi a bel chhungah chuan dahluh anih hnuin tel thingpui in no 1 leh a chanve vel leih luh tur a ni a, tichuan, rual takin kan chawhpawlh ang a, chumi hnuah a tak chim rual chuan tui vawt kan leih leh ang a, tichuan, thuk sa lo thei ang bera herh hniam chunga chhuan tur a ni a, kan chhuan lai hian chawh tur a ni lova, tichuan, a tui hi a kang deuh hnuah a purunvar kha fianin kan han hawlh chhin ang a, a hmin nem deuh hunah a hmin tawh tihna ani ang. Tichuan, Plata (Shabat a eitur vawn lumna) ah kan dah ang a, tichuan, Shabat luh zan ah 'Mana Rishona' atan chhang thawp nen kan ei tawh ang. Hei hi Orez (buhfai) nen a ei chi ani vak lova, chhangthawp chu piai thlain sangha tui (Rotev) ah chuan chiah pahin kan ei si hliam hliam tawh mai dawn a ni.


Bete Avon...


Categories: None

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments