HAKHOKHMA Post Post New Entry

Parshat Vaietse

Posted by Moshe Ilan on December 1, 2011 at 6:05 PM

פרשת ויצא

    Tunkar kan Parasha ah chuan kan pu Yakov-a chu Kharan ram ah a kal thu kan hmu a, hetah hian a bu ziak aṭanga kan chhiara kan hriatthiam hmasak tur chu, Yakov-a chuan Esav-a a hlauh avangin a tlanchhia angin kan ngai maithei a, amaherawhchu, Yakov-a chuan hetia a chhuah hian Kharan ramah kal mai lovin Shem-a leh Ever-a te Yeshiva (P' thu zirna in) ah kum 14 zet a zir a, chuti alo nih chuan, a hlauh avang chauhva a pa in chu chhuahsan a ang lo ta riau a ni.


    Achhan zawk erawh chu, chi hnih a awm a, chu chu, a pa zahna a pekna avang leh Esav-a a hlauhna avang a ni a, Bereshit (Gen) 28;2 "Tho la, Padena Aram ram a... Lavan-a fanu te zinga mi nupuiah va nei rawh," tih inziak kan hmuh aṭang hian a pa thu a zawmna avang zawkin Yakov-a chuan Kharan lam chu a pan ta a ni. Hetah hian a nupuia pa tur Lavan-a chu mi bumhmang mi a nih avangin Shem-a leh Ever-a te Yeshiva ah hian finna tinreng kum 14 zet a zir phah a ni.


    Hetia a pa Kavod (zahna) a pek hi a kalchhuah nachhan pui ber chu a nih avangin he Parasha ah pawh hian "Yakov-a chu Beer Sheva aṭangin a chhuak a, Kharan lam a pan ta a," tiin a inhawng a, tah hian, a hlauhna thu ṭawngkam kan hmu lo a ni. A hlauhna thu erawh chu Haftara (Shabat nia Zawlnei ziak chhiar ṭhin) hawn nan (Hoshea 12;13) "Yakov-a chu Kharan lam ah a tlanchhia a," tiin, kan hmu bawk a, Tlanchhia tih ṭawngkam chu hlauhna avang ani tih kan zir thei bawk ta a ni.

 

Categories: None

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments

Oops! This site has expired.

If you are the site owner, please renew your premium subscription or contact support.