Oops! This site has expired. If you are the site owner, please renew your premium subscription or contact support.

HAKHOKHMA Post Post New Entry

Shabat nia hna nisi lo, mahni tana thil tih leh, hna Jentel te thawh tir chungchang.

Posted by Moshe Ilan on November 3, 2011 at 9:55 PM

דין עשית חפציו בלא מלאכה, ומלאכה על ידי גוי

לפי שע"ה סימן צ


1. Shabat niah hian hna nisi lo, mahse,thianglo, achanga thiang ang si ṭhenkhat an awm a, hetiangin; Shabat nia tlan chu thiang lo anih laiin, Mitsvah thilah chuan tlan thiang ani thung.


2. Shabat niah Lehkhathawn (Envlope) in khar phui chu hawn thiang a ni lova, mahse Jentel mi chu hawntir thiang ani.


3. Shabat niah chuan midang te hnen ah thilpek pek thiang a ni lova, mahse, chu thilpek chu Shabat ni atana thil ṭangkai anih chuan thiang a ni.


4. Miin Shabat niah a bungrua chu veng turin mi ruai ta ang se, chu ami rawih pa chuan Shabat nia a thil tih man hlawh rau rauva chu ala thiang lova, mahse, ni dang pawha a thawhna ṭhin leh a thawh ṭhin anih chuan, ni dangte kep chuan Shabat nia a ven man pawh chu a la tel thiang a ni.


5. Shabat niah chuan bukna leh tehkhawng reng rengin thil teh leh buk chu a thiang lova, mahse, Mitsvah thila ṭangkai anih chuan thiang a ni thung.


6. Juda miin Shabat nia a tih thiang lo ang hna reng reng chu ti turin Jentel mi hnenah a hrilh thiang lova,chutiangin, a thawi pawhin a hrilh thiang lova, tin, Shabat ni hma pawh in Shabat nia a tih turin a hrilh thiang chuang lova, chutiangin, Shabat niah chuan Shabat zawha a tih tur pawhin a hrilh thiang bawk lova, amaherawhchu, heihi 'Shvut' (Torah dana thianglo hnathawh palh theihna) avanga thiang lo a ni lova, a chhanchu, ahna thawh hun tura chu Shabat zawh ami tur a nih avangin, 'Mimtso Kheftsekha' dan hmanga thianglo zawk a ni, chuvangin, Mitsvah thil anih chuan hrilh thiang a ni.


7. Hna ni lo, hna thawhna a thlen palh ang, tih thu hlaah chuan Mitsvah thil leh damlohna thu hlaah Jentel mi chu min tihsak turin a ngen theih a, amaherawhchu, chungte chu kan nawmsak mai mai nan ang thil ni lo, Mitsvah thila ṭul ang te, loh theih loh hun thlen palh ah te chuah thiang a ni.   

     

8. Shabat niah Jentel chuan ama thu pawhin Israel mi tan Juda tana thil thianglo tih a tum chuan tilo tura hrilh zawk tur a ni.


9. Jentel miin Israel hnena a thil lei chu Shabat nia lak a tum chuan a theih hram chuan dan tur a ni.


10. Shabat nia Yartsait (Hazkara) kan neih chuan Ner Neshama chu lo chhi theihnghilh palh ta ila, Jentel mi chu min chhit sak turin Shabat luh hma ni tlak hnu Arsi lan hma thleng chuan ala tih tir theih a ni.


11.Shabat niah zualko turin Eruv pawna kal ngai khawp thu hlaah Jentel mi chu tirh thiang a ni lo.


 


 

Categories: Halakhot, Juda dan, Judaism, Shabat

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

2 Comments

Reply Moshe Ilan
3:32 PM on November 19, 2011 
matoktokapa says...
Nikum khan Shabat ni in kan inkhawmna Biakin curent a chhia a biakin neitu or hruaitu ten siam turin technay kheloni an ko a an siam tir chu chu thiang tihna nge tin jentel ni lo juda kheloni siam tir chu a thiang en ni?????


Juda Khiloni (Sakhawmi lo) anih leh nih loh i hre chiang lo zawk anih ka ring, achhanchu, in inkhawmna hmunah chuan Rav an awm ngei anga, chung te chuan thu an titlu em em ang, mahse, ni awm taka kan ngaih hi thil nilo a tam a nia, hei kan khuaa kan inkhawmnaah pawh hian hetiang nikhuaa koh tur 'Goi Shabat' kan nei a, chu chu kan inkhawmna bul loka awm an ni a, chumite chu han en mai chuan Juda Khiloni pangai emaw tih mai tur a ni a, mahse an pi chu Juda anih loh miau avangin Jentel an ni a, chuvangin, an mahniin in Giur pawh an duh lem lo bawk ,a tin, a Beit Kneset hminga Jentel mi chhawra kan chhawr pawh chu an hnial loh avangin, hlawh neiin kan chhawr. chuvangin, chiang taka i hriat anih ka ring hran lo, engpawh nise, Juda miin tuna i sawi ang, Beit Kneset thim chu ON eng turin Juda mi sakhaw mi lo chu a chhawr thiang lo.
Reply matoktokapa
12:46 AM on November 11, 2011 
Nikum khan Shabat ni in kan inkhawmna Biakin curent a chhia a biakin neitu or hruaitu ten siam turin technay kheloni an ko a an siam tir chu chu thiang tihna nge tin jentel ni lo juda kheloni siam tir chu a thiang en ni?????