HAKHOKHMA Post Post New Entry

Parshat Lekh Lekha

Posted by Moshe Ilan on November 3, 2011 at 9:30 AM

פרשת לך לך  (Bereshit / Genesis 12:1 - 17;27)

    Kan Parasha ah chuan Avrahama chungchang thu kan hmu a, he Parasha 'Lekh Lekha' aṭang hian Bereshit (Gen) bu tawp thleng hian kan pu Avrahama chungchang thu hi ziah a ni.


     Avrahama chuan P' hnen aṭangin fiahna vawi sawm lai a dawng a, chu afiahna hmasa ber chu 'Lekh Lekha' (i tan kal rawh) tih hi a ni. Hei hi kan Khakhamim (Rabi te) chuan, " P' chuan Avrahama chu he ramah hian awm reng suh, i ram tur pawh ani lova, i fa neih theihna hmun tur pawh ani hek lo, chuvangin, i tan, fa i neih theihna hmun tur leh i thlahte ram ka la pek tur hmunah chuan kal chhuak la, va hausa rawh, a ti," an ti a, amaherawhchu, chutianga fa a neih theihna hmun tur ni bawk si, amah leh a fate tana ram tiam ni bawk si, a hausakna hmun tur ram ni bawk si, ava kal chu enge chutah chuan fiahna awm nita ang le? tiin an lo inzawt tawh a, a chhanna chu hei hi a ni, chutiang sum leh nawmsakna um tur chuan nge, Avrahama chu a chhuah a, P' in chhuak rawh atih vanga chhuak zawk? hetah chiah hian Avrahama, engmah ihe buai ngai lova P' ring tawp ṭhin mi chuan, chutiang ropuina zozai chu ngaihtuah hlek lovin P' in thu a pek avang zawk chuan a chhuak ta a, tah chiah hian Avrahama chu a fiahna dawnah chuan alo ding zo ta a ni.


   Tichuan, Avrahama chu ramtiam ram, a thlamuanna hmun tur ram Lalpa hrilh tawh Kanaan ram chu a thleng ta a, amaherawhchu, ava then aṭanga rei lo te ah chuan chu ramah chuan ṭam alo tla ta a, Avrahama anga hausa tan pawh eitur chu ramah chuan a awm tak loh avangin, Avrahama chu Mitsraim (Aigupta) ramah a chhuk thu kan hmu bawk a ni.


 

   He thu aṭang hian P' a rinna 'Emuna' ropui tak nakin zel thlenga a thlahte tana zir tur chi a lo tuh thu kan zir thei a ni. A awmna ram hmasa, rampawna a awmlai khan ava pemna ram tur ramthianghlim ah chuan engthawlna tinreng tiam sak ani si a, tunah ava thleng ta cheng a, harsatna lian tak, chaw eitur tak ngial pawh a hmuh zawh tak loh khawpin a tlachhe ta si a, mi pangai naran ang nise chuan, a tiamtu hnenah khan vuina thu thlenin "ka lo ring ve em em che a, hetiang leh mai mai tur hian ani maw, min lo hruai thlen le," tiin, a kir leh duh hial ngei a rinawm a ni, amaherawhchu, kan pu Avrahama chu mi naran ang ni lovin, ama zawnchhuah P' chu rinna ngheta ring mawl tawp, a hnena vuina thu thlen tur ngai chi anih pawh hrelo hial anih avangin, ramtiam pan tura a chhuahna lamtluanga kir leh ai chuan a hla lam Mitsraim (Aigupta) lam chu a taksa chhanhim nan pan zai a rel ta zawk a ni.


 

   He thu aṭang hian rampawna kan awm laia ramthianghlim kan thlen hun chuan tia duhthu tinreng kan insam kur ṭhin ang kha, a taka kan dawn phak leh si loh chang te hian Lalpa chunga vuina thu leh a hming chhalna ramthianghlim ropui leh a chhunga afa Israel te laka kan vuina leh demchhiatna thu kan thlen mai hi a hlauhawm em em a, chutiang dinhmuna ding mai tura kan inhriat vaih chuan he kan 'Parasha' hi chiang  tak leh chik taka kan zir thar leh ṭhin hi a ṭha hle a ni.


 

   Kan Parasha ah hian Serh tanna thuthlung 'Brit Mila' thupek kan hmu a, he thuah hian hmanlai kum 1881 lai kalta khan Israel awptu Rom hotu pakhat Turnusrufus chuan Rabi Akiva hnenah finkhalh chhuah tumin "Mihring thil siam nge, P' thil siam hi tluantling zawk ang?" tiin, a zawt a, a rinloh tak main Rabi Akiva chuan "Ele, mihring thil siam le," tiin, alo chhang khauh mai si a, ani chuan, "Engtin nge nang Rabi meuhvin P' aiin mihring dahsangin mihring thil siam a tluantling zawk i tih theih mai le?" tiin, a zawt leh a, Rabi Akiva chuan "I kawr hak lai kha la kung ani reng em? Tuin nge tluantling tura kawra siam sak che?" a ti ve leh a, ani chuan, "Aw le, mi hneh ta zawk chu a ni e, in serh tan nachhan hi ka hre thiam ta e, P' chuan lei mihring te chuan a thilsiam te chu ti tluantling turin a duh ani tih ka hrethiam ta  ani." a ti ta a ni.


 

     Hei tak hi ani a, Shabat 'Kidush' naa kan chhiar ziah ṭhin (Gen 2;3) 'Ki vo shavat mikol melakhto asher bara Elokim laasot' (P' chu a thilsiam zawng zawng chu tih turin a chawlhsan ta a) tih kan chhiar laia 'Laasot' (ti / thawk) hian he an thu khel hi a rawn chhang famkim ta a, tichuan, Lalpa P' chuan he leiah hian thil zawng zawng te hi a lo siam ta a, chungte chu tluantling an nihna tur chuan a duh taka a siam mihringte chuan a hna chu an thawh pumhlum sak ta ṭhin a, chutiang ang chiah chuan mihring pawh famkim lovin kan lo piang chhuak ta a, tichuan famkim kan nih theihna tur chuan amah Lalpa P' chuan he kan Parasha 'Lekh Lekha' (Gen 17;10) ah hian mipa tawh phawt chu serh tan tur thu min lo pe ta a ni. 

 


Categories: None

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments