HAKHOKHMA Post Post New Entry

Harav Amnon Itskhak Shlit"a

Posted by hakhokhma on January 10, 2012 at 5:20 PM

הרב אמנון יצחק שליט"א

    Teimani (Yemanite) Masortit chhungkua atangin kum 1953 khan Rav hi Tel Aviv Khawpuiah alo piang a, a tet lai hian 'Tel Nordau' Khiloni (Sakhawmi lo) School Tel Aviv ah a zir thin a , tichuan kum 24 a lo tlin hian 'Khazara Bitshuva' tiin a piangthar a, hetianga a pianthar hnu kum 8 naah hian pawl thar pakhat 'Irgun Shofar' chu a din a, he a pawl thar din hian a tum chu Israel ram leh khawvel hmun hrang hrang a Juda Sakhaw mi lote hnen a Judaism thu thehdarh leh heng Sakhaw mi lote tih piangtharna tura hna thawh hi a ni.



    Rav hian heti kawng a hna athawh tirh hian Rosh Ha'ain khuaah mipui a duh apiangte ngaihthlak theih turin Lecture a pe thin a, hetia mi a tih piangthar na kawngah hian mipuite lawm leh ngaihsan a hlawh em avangin zawi zawiin hma a lo la chho hret hretin a thusawite hi mite hnena a thlawna sem turin Cassette ten a lo siam chhuak chho zel a, a hnuah Video Cassette ten siam chho zelin Israel ram hmun hrang hrangah a sem chhuak chur chur thin a, heng a Cassette sem chhuaha a thu sawi ngaithla tu mipui tam takte chuan harhchhuah nan leh pianthar nan an lo hmang hlawm bawk a, tichuan hmun hrang hrang a mitam takte ngaihsan a lo hlawh chhoh zel takah chuan hmun hrang hrang leh khaw hrang hrangah te chuan sawmna a hmu chho zelin Hall hrang hrang ah te, Stadium hrang hrangah te thusawina hi nei thinin tunlai thleng pawh hian kar tin tum 2 vel chu ala nei chho ta thin a ni.

     Tin an pawl Shofar hian hetia Cassette leh Disc vel bakah hian Website te neiin hetia a thusawi laite hi LIVE in a website www.shofar.net ah hian tihchhuah thin a ni a, heng a thusawinaah hian a tawpah zawhna hun a hawng thin a, Professor leh Chanchinbu mite leh mi chi hrang hrang te chuan zawhna an nei thin a, ani chuan prove na hrang hrang science lam atangte a beiin kan Torah dik zawk zia chu haih miah lovin a lo chhang thla zung zung mai thinin heng a zawt tute pawh hi atawpah chuan an lo piangthar phah leh nge nge thin a, tin heng a thusawina ah hian damlo, doctorte pawn tihngaihna an hriat tawh lohte pawh malsawmna alo pein thiltihmak thlengin damnate changin fa nei thei lo kum 17 chuang nei lo tawhte pawh Bracha (malsawmna) pein fate an neih phah zel mai hlawm bawk a, tin tunlai phei hian Encyclopedia disc a siam chhuak a, hei hi Computer a dahin eng zawhna pawh a zawh theih a, an zawhna duh an han ziah luh khan Rav hian Automatic in a lo chhang thei bawk a ni.


    Tin Rav hian nikum Rosh Hashana lai vel khan a thusawinaah hian tun atanga kum 2 velah Atom hmanga indona a awm dawn a, hei hian Gog Umagog war a zawm bawk dawn a ni tiin thu a lo puang tawh bawk a, chuti a nih chuan tunah hian kum chanve vel chauh kan nei tawh tihna a ni. hetia a thu sawina a piangthar hote hi Tsittsit te pe a haktir nghalin hmeichhiate pawh Lukumte pein zantin mai hian mi tam tak a ti piang thar ruih ruih rengin mi maktaduaih aia tam a ti piangthar tawh a ni, tunah hian fa 8 neiin Benei Barak khuaah a khawsa mek a ni.


Categories: People

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments