HAKHOKHMA Post Post New Entry

Harav Elyiahu Mordechai Zatsa"l

Posted by hakhokhma on January 10, 2012 at 5:15 PM

הרב אליהו מרדכי זצוק"ל

    Kum 1929 khan Jerusalem Old City ah alo piang a, apa Rabi Salman Eliyahu hi Bagdad atanga lo pem ani a, apa hi Rabi Yosef Khaim (Ben Ish Khai) zirtirte zinga mi ani a, kum 11 lek anih laiin apa hian a thih san a, Rav hi Independence War lai khan Thalai pawl kan sipai (Kokhot Magen) ho tan hmun siam tu pawlah a in hmang ve thin a, tin kum 1950 khan Rav te hian pawl thar an siam a, chu an pawl siam chu 'Brit Hakanaim' an ti a, an tum chu tihluihna hmanga Israel ram chu Halakha (Torah dan) hmang rama siam ani a, Rav pawh hian duty pawimawh tak neiin Mihring leh pawisa zawn khawm ani a, amaherawh chu a kum leh hian Rav chu an man ta a, Thubuai case 27 awrh tir niin chung zinga case 3 atang chuan thiam chantir ani a, a dang vang hian thla 10 chhung Avodat Sherut a dawng a ni.


    Rav hi Rabi lian ten an mi hman tangkai tak alo ni thin a, chung Rav hote chu 'Khazon Ish' te, 'Harav Itskhak Nisim' te, 'Hamekubal Mordechai Sharabi' te, 'Hababasali' te , Khabad Admor 'Rebi Milubavits' te an ni a, tin Rabi Nisim hiam Rav chu Italy ram atanga 'Hakhida' ruh te chu Israel rama phum tura la lut turin alo ti tawh bawkin kum 1960 khan 'Hakhida' ruh chu Israel rama lakluh niin Jerusalem a Givat Shaul Thlanmuala phum ani .


     Kum 1960 khan Rabanut Harashit atangin Rav chuan Dayan(Juda Sakhaw dan hmanga Roreltu) nihna Rav Certificate alo dawng a, chu veleh Beer Sheva-ah Dayan hna alo thawk nghal a, a hun lai hian Israel rama Dayan naupang ber ani thin a, kum 4 Beer Sheva a Dayan anih hnu hian Jerusalemah Dayan hna kum 3 chhung a thawk leh a, chumi hnuah Beit Din Hagadol ah Dayan ani chho leh a, tichuan kum 1983 khan Israel ram Sefardi Chief Rabi ni tura thlan niin Rav Ovadia Yosef thlaktu alo nita bawk a ni, Rav hi Ashkenazi Chief Rabi Harav Avraham Elkana Shapira nen Chief Rabi an ni dun a, kum 1993 thleng an nihna hi an chelh dun a ni. Rav te pahnih hi hetia Rabanut an chhuahsan hnu hian Dati Leumi (zionisn Sakhawmi) ho chuan an Thlarau hruaitu tur Rab atan an lo thlang nghet ta a, Rav hi 'Ben Ish Khai' Halakha zul zuiin a kal deuh ber a, amah Rav Eliyahu hi Mekubal (Kabalist) ani bawkin thil mak tam takte a lo ti thin bawk a, tin a fapa pakhat Harav Shmuel Eliyahu chu Tsfat khaw chief Rabi a ni a, tin a fapa pakhat leh Harav Yosef Eliyahu chu Jerusalem ah Rosh Kolel 'Darkei Horaa Lerabanim' niin Rav nih zirlaite zirtirtu ani bawk a ni, tin Rav fapa Rav Shmuel hian Lebanon rama Muslim pakhat Israel Spy chhawr thin chu ti piangtharin juda ni turin a Giur bawk a ni.


    Tin amah Rav Mordechai hi tuna America ram Jail a tang mek Jonathan Polard Israel Spy Rav hi ani bawk a, tin Rav hian Shabat chanchinbu kartin chhuak 'Kol Tsofeikha' chu a chhuah thin bawk a, tin yom Sheni tin hian ama Beit Hamidrash atangin Shiur (Pathian thu Lecture) sattelite hmangin a pe thinin khawvel hmun dang dang atang pawhin an lo ngaithlain an lo en ve thin a ni, tin Hababasali khan rav hi Sana dar 12 a kawh huna Mashiakh lokal ani tih hriat theihna Sana a lo pe bawk a, tin Rabi liante hian i dam laiin Mashiakh a piang ang tiin thu an lo tiam bawk a ni, Rav hi a hun tawp thlengin Jerusalem a Kiriat Moshe vengah a khawsa a, tichuan kum hnih vel Lung lam natna a tuar hnuah tunkar YomSheni (7/6/2010) khan shaarei Tsedek Hospitalah kan lo chan ta a, a ruang chu 'Hakhikda' kiangah Givat Shaul thlanmualah zalh niin mi nuaih hnih velin ui tak chungin an vuiliam ani.


Categories: People

Post a Comment

Oops!

Oops, you forgot something.

Oops!

The words you entered did not match the given text. Please try again.

You must be a member to comment on this page. Sign In or Register

0 Comments